Lombardije

Lombardije (Italjaansk: Lombardia, fan it Germaanske folk de Lombarden, Lombardynsk: Lumbardia), is in regio yn Noard-Itaalje. De regio is ynstitúsjonalisearre yn 1970 en rint fan de Sintrale Alpen yn it noarden oant de rivier de Po yn it suden. Yn it westen wurdt Lombardije begrinzge troch it Lago Maggiore en de rivier Ticino, yn it easten troch de Gardamar en de rivier de Minsio. Lombardije wurdt fierders omklamme troch Switserlân en de regio's Trentino-Súd-Tirol, Feneto, Emilia-Romagna en Piëmont.

Lombardije Lombardia
Flagge	Wapen
Lokaasje yn Itaalje
Algemien
Haadstêd	Milaan
Oerflakte	23.863,65 km²
Befolking	10.037.014 (31.07.2024)
Befolkingstichtens	420,6 ynw./km²
Oare ynformaasje
Heechste punt	Pizzo Bernina: 4.050 m
Oantal gemeenten	1546
Provinsjes	Bergamo, Brescia, Como, Cremona, Lecco, Lodi, Mantua, Milaan, Monza, Pavia, Sondrio, Varese

Fan alle Italjaanske regio's hat Lombardije it grutste oantal ynwenners. De regio is foar Itaalje ekonomysk fan grut belang.

Lânskip

Lombardije kin yn trije geografyske gebieten opdield wurde:

De Poflakte

De grutste leechflakte fan it Italjaanske skiereilân is it tichtstbefolke en meast yndustralisearre part fan de regio. Dêr lizze ek de grutte stêden Milaan, Brescia en Bergamo.

De Marren

Sawat alle grutte Noard-Italjaanske marren lizze yn Lombardije (útsein de Ortamar). De marren binne wichtige toeristyske trekpleisters foar de regio.

De Alpen

Yn de regio lizze inkele fan de heechste berchtoppen fan de Alpen wêrûnder de Piz Bernina (4049 meter). Twa wichtige Lombardyske Alpendellings binne it Valtellina en it Val Camonica. Grut parten fan de bergen binne beskerme gebieten.

Provinsjes

De regio bestiet út de metropolitane stêd Milaan en alve provinsjes:

Kaart	Wapen	Provinsje	Ofk.	Haadstêd	Oantal gemeenten
		Bergamo	BG	Bergamo	243
		Brescia	BS	Brescia	206
		Como	CO	Como	147
		Cremona	CR	Cremona	113
		Lecco	LC	Lecco	84
		Lodi	LO	Lodi	61
		Mantua	MN	Mantua	64
		Milaan	MI	Milaan	134
		Monza e Brianza	MZ	Monza	55
		Pavia	PV	Pavia	186
		Sondrio	SO	Sondrio	77
		Varese	VA	Varese	138

Grutste gemeenten

De ûndersteande tabel toant gemeenten yn Lombardije mei mear as 40.000 ynwenners (sifers 2024). Haadstêden fan 'e provinsjes binne mei fette letters oanjûn.

Ofbylden

• 
  Milaan.
• 
  Brescia.
• 
  Monza.
• 
  Bergamo.
• 
  Como.
• 
  Busto Arsizio.
• 
  Varese.
• 
  Sesto San Giovanni .
• 
  Cinisello Balsamo.
• 
  Pavia.

Ofbylden dy't by dit ûnderwerp hearre, binne te finen yn de kategory Lombardy fan Wikimedia Commons.

Regio's fan Itaalje
Abruzzen - Aostadelling - Apûlje - Basilikata - Feneto - Emylje-Romanje - Friûly-Julysk Feneesje - Kalaabrje - Kampaanje - Latium - Liguerje - Lombardije - Marke - Molise - Piëmont - Sardynje - Sisylje - Trentino-Súd-Tiroal - Toskane - Umbrje
· ·