From Wikipedia, the free encyclopedia
Stasjon Rotterdam Sintraal (Asd) is it sintraal stasjon fan de Nederlânske haventêd Rotterdam. It is iepene yn 1957 It waard boud as ferfanging fan Stasjon Rotterdam Delftsche Poort dat slim skansearre rekke wie by it bombardemint op Rotterdam.
Stasjon Rotterdam Sintraal station Rotterdam Centraal | ||
![]() | ||
Stasjon Rotterdam Sintraal yn 2014 | ||
lokaasje | ||
lân | ![]() | |
Provinsje | ![]() | |
gemeente | ![]() | |
plak | ![]() | |
adres | Stationsplein 8a | |
arsjitektuer | ||
stasjonskoade | Rtd | |
type | Trochgongsstasjon | |
iepening | 21 maaie 1957 | |
boujier | 1957 1e stasjonsgebou 2014 2e stasjonsgebou | |
sloopjier | 2008 1e stasjonsgebou | |
arsjitekt | 1957 S. van Ravesteyn 1e stasjonsgebou 2014 Benthem en Crouwel Meyer & Van Schooten Architecten 2e stasjonsgebou | |
oare ynformaasje | ||
perrons | 7 | |
perronspoaren | 13 | |
spoarline | Alde line Steatsline I Utert - Rotterdam | |
metroline | Rotterdamske metro | |
stedsbus | Rotterdamsk busnet | |
tramline | Rotterdamske tram | |
offisjele webside | ||
NS stasjonsynformaasje | ||
kaart | ||
It treinstasjon telt sân perrons mei trettjin perronspoaren en twa trochgeande spoaren sûnder perron, de spoaren 5 en 10. Spoar 1 waard begjin 2018 opbrutsen mei de ferbreding fan it sydperron lâns it stasjonsgebou oant it, oant dan ta perron leaze, trochgeande spoar 2.
Nei it dramatyske bombardemint fan 14 maaie 1940 op de binnenstêd fan Rotterdam, wêrby 't de fjouwer yn en om it sintrum lizzende stasjons, wêrûnder stasjon Delftse Poort, swier skansearre rekke wiene, waard in plan opsteld foar de weropbou fan de stêd. Besletten waard om twa fan de fjouwer stasjons te wer op te bouwen en Stasjon Delfste Poort en ek stasjon Maas te ferfangen troch in folslein nij stasjon. Dit waard Rotterdam Sintraal.
Treinen út de rjochting Utert einigen oant 1953 op stasjon Maas. Yn 1953 waard stasjon Maas definytief sletten en ôfbrutsen, om't der in nij trasee yn gebrûk naam wie. Dêrby waard de trein út Utert wei oer it noardlike part fan de Ceintuurbaan laat, dy't oant dan ta Stasjon DP mei Station Maas ferbûn. Stasjon DP waard fan dan ôf tydlik Rotterdam Sintraal neamd. In nij stasjon lâns dat trajekt, Rotterdam Noard, waard yn datselde jier iepene as stoptreinhalte, en wie oant yn 1967 it iennige Rotterdamske stopplak foar de ynternasjonale treinen út Hoek fan Hollân wei.
Yn 1957 waard Rotterdam CS iepene, dat as útein fan de nije ferkearsier soarge foar in ferbining út it sintrum fan Rotterdam wei yn alle rjochtingen. Nei iepening waarden ek de restanten fan Stasjon Rotterdam Delftsche Poort ôfbrutsen.
It earste Sintraal Stasjon fan Rotterdam, ek wol Rotterdam CS neamd, waard op 21 maaie 1957 offisjeel iepene. De arsjitekt Sybold van Ravesteyn dy't foar it útbrekken fan de Twadde Wrâldkriich ek de nije diergaarde ûntwurpen hie, ûntwurp it nije stasjonsgebou.
Dêrfoar hie Van Ravesteyn ynspiraasje opdien by it modernisme dat by Italiaanske stasjonsbou brûkt waard. De ynspiraasje wie werom te finen yn de flauwe bocht fan it gebou oan it stasjonsplein en gevelopbou wêrby't wurke is mei de wurking fan ljocht en skaad. It hal hie in gewelfd plafond, de betonnen oerkaping fan it perron wie sierlik. By syn earste ûntwerp hie Van Ravesteyn noch in sintrale toer, mar de gemeente Rotterdam trune oan om in mear moderne as klassike opset, wêrtroch't Van Ravesteyn in ferfolch ûntwerpen him mear rjochte op it funksjonalisme.
Hoewol't de basisfoarm én de omfang fan it stasjon al feststeld wie, kostte it Van Ravesteyn muoite om mei in goed ûntwerp te kommen. Het stasjongsgebou moast in gevel fan 120 meter lang krije en het moast fan de weropbou kommisje sa'n 40 meter heech wurde. de weropbou kommisje dacht nemmenlik oan in stasjongsgebou mei in grut restaurant en sels in hotel on de boppeferdjippingen. De NS tocht hjir lykwols hiel oars oer. Om't se ferfierders wiene en gjin hoareka organisaaje. boppedat soene de hotelgasten de reizegers allinne mar foar de fuotten rinne. Efternei die bliken dat dat in gebrek oan takomstfyzje wie, mar dêrtroch waard it stasjon folle leger as eins de bedoeling wie. Fan de plande 40 meter hichte, bleaune der úteinlik mar 14 oer.
Dat waard lykwols troch ien tûke yngreep foar in grut part ferburgen. De kantoarfleugels oan wjerskanten fan de stasjonshal lykje fjouwer ferdjippingen te hawwen, mar yn werklikheid wiene dit der mar twa. Dit komt troch dat der smelle ruten brûkt binne. De gevellingte fan 120 meter waard úteinlik wol helle, mar ek dêr wie in " truc " foar nedich. Van Ravesteyn ûntwurp oan de útein fan elke fleugel in poarte eftige kûlissen mei dêrop in abstrakt byld. De bylden waarden troch meiwurker J.H. Baas ûntwurpen. Baas bliek behalve in betûfte boukundich tekener, ek in talint foar byldzjende keunst te hawwen.
It gewelfde plafond fan de hal bestie út betonnen skalen, dy't yn trije floeiende stappen hieltyd leger waard. Op dy wize waardst as reizger min ofte mear nei de loketten en de reizgerstunnel laat. Dy loketten en de reizgerstunnel waarden oantsjut mei in foar it stasjon spesjaal ûntwurpen lettertype. Boppe de reizgerstunnel stie de tekst "NAAR DE TREINEN". De reizgerstunnel wie ûnmiskenber in "klassyk" Van Ravesteyn-ûntwerp mei ôfrûne hoeken nei de treppen. De reizgerstunnel wie behoarlik leech. Dêrtroch like de tunnel breder as dizze yn werklikheid wie.
Yn 2003 kaam it beslút, dat it Sintraal Stasjon fan Van Ravesteyn plak meitsje moast foar in nije ov-terminal. Njonken in nij stasjonsgebou kaam der ek in nije, bredere reizgerstunnel, in ekstra loftbrêge oer de perrons en in nije perronoerkaping. Ek wurdt it metrostasjon útwreide, ûnder it Sintraal Stasjon. Al yn de maitiid fan 2005 wurdt it earste part fan it âlde stasjonsgebou ôfbrútsen om plak te meitsjen foar de tydlike foarsjenningen dy't nedich binne om it ferfier troch gean te litten wilens de nijbou. Yn 2008 wurd de rest fan it âlde stasjon ôfbrútsen en wurd begûn mei de nijbou. Nei ûntwerp fan arsjitekten fan de arsjitekteburo's Benthem en Crouwel en Meyer & Van Schooten Architecten. It nije stasjon hat in tige romme sintrale hal. De asymmetryske rustfrijstielen oerkaping, droegen troch in konstruksje fan stiel en hout, giet oer yn in glêzen wand, dy't in trochsjoch jout út de hal wei nei de treinen. De foar- en efterkant fan it stasjon binne ferbûn troch in fuotgongerstunnel fan mar leafst 30 meter breed. Oan wjerskanten fynt de reizger winkels. De tunnel is fersierd mei de keunstwurken fan J.H. Baas út 1957. It iepenwurke plafond fan de passaazje biedt de passanten sicht op de perrons. Treppen, roltreppen en liften bringe reizgers fan as nei de perrons. In rinbrêge boppe de spoaren soarget foar ekstra oerstap mooglikheden.
Ynternasjonale treinen | |||
---|---|---|---|
Searje | Treintype | Rûte | Tsjinstroaster |
9200 IC 35 |
Intercity direct (NS International) |
Amsterdam Sintraal – Skiphol Airport – Rotterdam Sintraal – Breda – Noorderkempen – Antwerpen-Sintraal – Mechelen – Brussels Airport-Zaventem – Brussel-Noard – Brussel-Sintraal – Brussel-Súd | Fia HSL, tusken Skiphol en Rotterdam Sintraal, moat der by in reis binnen Nederlân ekstra betelle wurde. |
Eurostar 9100 | Eurostar (SNCF NMBS) |
Amsterdam Sintraal – Rotterdam Sintraal – Brussel-Súd – Lille-Europe – London St Pancras International | Lille-Europe wurdt ûnregelmjittich betsjinne. |
Thalys 9300 | Thalys (NS International) |
Amsterdam Sintraal – Skiphol Airport – Rotterdam Sintraal – Antwerpen-Sintraal – Brussel-Súd – Paris Nord | Ferskate ritten allinnich tusken Amsterdam en Brussel-Súd |
Thalys 9900 | Thalys (NS International) |
Amsterdam Sintraal – Skiphol Airport – Rotterdam Sintraal – Antwerpen-Sintraal – Brussel-Súd – Aéroport Charles-de-Gaulle 2 TGV – Marne la Vallée-Chessy / Chambéry-Challes-les-Eaux – Albertville – Moûtiers - Salins - Brides-les-Bains – Aime-La Plagne – Landry – Bourg-Saint-Maurice / Valence-Rhône-Alpes-Sud TGV – Avignon TGV – Aix-en-Provence TGV – Marseille Saint-Charles | Marne la Vallée-Chessy 2 kear deis. Bourg-Saint-Maurice 1 kear yn 'e wike yn 'e winter. Marseille Saint-Charles 1 kear yn 'e wike yn 'e simmer. |
Intercity's | |||
Searje | Treintype | Rûte | Tsjinstroaster |
500 | Intercity (NS) | Rotterdam Sintraal – Utert-Sintraal – Amersfoart Sintraal – Swol – Assen – Grins | In healoeretsjinst mei searjes 600 en 700. |
600 | Intercity (NS) | Ljouwert – Meppel – Swol – Amersfoart Sintraal – Utert-Sintraal – Rotterdam Sintraal | In healoeretsjinst mei searjes 500 en 1800. |
900 | Intercity direct (NS) |
Amsterdam Sintraal – Skiphol Airport – Rotterdam Sintraal | Tusken Skiphol en Rotterdam Sintraal, moat der by in reis binnen Nederlân ekstra betelle wurde. Fia HSL. Rydt net jûns en yn it wykein. Foarmet in skeve kertiertsjinst mei searje 1000. |
1000 | Intercity direct (NS) |
Amsterdam Sintraal – Skiphol Airport – Rotterdam Sintraal | Tusken Skiphol en Rotterdam Sintraal, moat der by in reis binnen Nederlân ekstra betelle wurde. Fia HSL. Rydt net jûns en yn it wykein. Foarmet in skeve kertiertsjinst mei searje 900. De lêste trein fan Amsterdam Sintraal ôf rydt fan Rotterdam Sintraal troch nei Breda. |
1100 | Intercity (NS) | De Haach Sintraal – De Haach HS – Delf – Rotterdam Sintraal – Breda – Tilburch – Eindhoven Sintraal | |
1400 | Nachtnet Intercity (NS) |
Utert Sintraal – Amsterdam Bijlmer ArenA – Amsterdam Sintraal – Skiphol Airport – Leiden Sintraal – De Haach HS – Delft – Rotterdam Sintraal | De treinsearje 21400 foar de trajektferlingingen Rotterdam Sintraal - Eindhoven Sintraal en Utert Sintraal - Eindhoven ride allinnich yn freed en sneon te nacht. Yn it earste part fan woansdei en tongersdei te nacht stoppet de trein yn Gouda yn plak fan Delft op. Dêrneist wurde bussen ynset op it trajekt Rotterdam Sintraal - Delft – De Haach HS. |
2200 | Intercity (NS) |
Amsterdam Sintraal – Amsterdam Sloterdijk – Haarlim – Leiden Sintraal – De Haach HS – Delft – Skiedam Sintrum – Rotterdam Sintraal – Doardt – Roosendaal – Middelburch – Flissingen | |
2400 | Intercity (NS) | Lelystêd Sintrum – Almere Bûten – Almere Sintrum – Amsterdam Súd – Skiphol Airport – Leien Sintraal – De Haach HS – Delft – Skiedam Sintrum – Rotterdam Sintraal – Doardt | |
2800 | Intercity (NS) | Rotterdam Sintraal – Gouda – Utert Sintraal | Rydt allinnich yn de spits fan moandei o/m tongersdei. |
3200 | Intercity (NS) | Arnhim Sintraal – Ede-Wageningen – Utert Sintraal – Amsterdam Súd – Skiphol Airport – Leien Sintraal – De Haach HS – Delft – Skiedam Sintrum – Rotterdam Sintraal | Rydt allinnich yn de spits fan moandei o/m tongersdei. |
3700 | Intercity (NS) | Doardt – Rotterdam Sintraal – Skiedam Sintrum – Delft – De Haach HS – Leien Sintraal – Skiphol Airport – Amsterdam Súd – Utert-Sintraal – De Bosk – Eindhoven Sintraal – Helmond – Venlo | Rydt allinnich jûns en sneins. Rydt op wykdagen yn de betide jûn ien rit fan Venlo ôf nei Rotterdam Sintraal en twa ritten fan Dordrecht nei Venlo, de rest fan de ritten op wykdagen ride allinnich tusken Schiphol Airport en Venlo oer. |
Sprinters | |||
Searje | Treintype | Rûte | Tsjinstroaster |
4000 | Sprinter (NS) | Uitgeest – Saandam – Amsterdam Sintraal – Breukelen – Woerden – Gouda – Rotterdam Sintraal | |
5000 | Sprinter (NS) | De Haach Sintraal – De Haach HS – Delft – Skiedam Sintrum – Rotterdam Sintraal – Rotterdam Blaak – Rotterdam Lombardijen – Doardt | Rydt net yn it wykein en nei 20:00 oere jûns. |
5100 | Sprinter (NS) | De Haach Sintraal – De Haach HS – Delft – Skiedam Sintrum – Rotterdam Sintraal – Rotterdam Blaak – Rotterdam Lombardijen – Doardt | |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.