Harenkarspel is in eardere gemeente yn 'e krite West-Fryslân fan 'e Nederlânske provinsje Noard-Hollân. De namme fan 'e gemeente wie oant yn 'e tweintichste iuw de namme foar de hjoeddeiske buorskip Kerkbuurt. It haadplak fan 'e gemeente wie lykwols Tuitjenhorn. Harenkarspel ûntstie yn 'e Frânske Tiid, en gie yn 2013 mei de gemeenten Skagen en Zijpe op yn 'e nije fúzjegemeente Skagen. De gemeente waard yn 1990 útwreide mei de doe ophefte gemeenten Sint Maarten en Warmenhuizen.
Harenkarspel | |
---|---|
flagge | wapen |
![]() |
![]() |
lokaasje | |
![]() | |
polityk | |
lân | ![]() |
provinsje | ![]() |
sifers en geografy | |
haadplak | Tuitjenhorn |
grutste plak | Warmenhuizen |
ynwennertal | 16.192 (1 jannewaris 2012) |
befolkingstichtens | 356 / km² |
oerflak | 54,84 km² |
● wêrfan lân | 45.53 km² |
● wêrfan wetter | 9,30 km² |
tal doarpen | 10 |
ferkearsieren | N245 |
skiednis | |
oprjochte | 1990 |
1990-2012 | ![]() ![]() ![]() |
opheft | 2012 |
opgien yn | ![]() |
no part fan | ![]() |
oar | |
netnûmer | 0224, 0226 |
postkoade | 1738, 1744-1749 |
tiidsône | UTC +1 |
simmertiid | UTC +2 |
Oant yn de 20e iuw wie Harenkarspel ek in plaknamme. Om 1295 waard der in terp opwurpen eastlik fan Tuitjenhorn. Dêr kaam in tsjerkje op te stean mei wat bebouwing dêromhinne.
It foarste part fan de namme "Haren" wie in ferbastering fan hering itjinge "frij gebiet" betsjutte. Karspel is in âlde beneaming fan in tsjerkegemeente. It lân wie yn eigendom fan de Abdij fan Egmond. De abdij joech it foar in part yn 1289 yn lien oan de Hearen fan Egmond. De Hearen makken út dat it gebiet in frij plak wie om jin te fêstigjen: in hering dus. It wenplak Heringcarspel, dat troch de iuwen hinne ferskate staveringsfarianten hie, wie letter de namme fan de gemeente. Yn de 20e iuw waard it doarp omneamd ta Kerkbuurt (Tsjerkebuorren). Doe bleau allinnich de gemeentenamme ta oantinken oan dat frije gebiet oer. De herfoarme tsjerke fan Kerkbuurt waard yn 1923 ôfbrutsen. Kerkbuurt leit hjoed-de-dei yn it noardeasten fan d edoarpskearn fan Tuitjenhorn en is hjoed-de-dei dus in buorskip ûnder dat doarp.
De folgjende útbuorrens en buorskippen hearden by de gemeente: De Banne, Bliekenbos, Dijkstaal, Grootven, Huiskebuurt, Kalverdijk, Kerkbuurt, 't Rijpje, Schagerwaard, Schoorldam (foar in part), Slootgaard, Vennik (foar in part), De Weel (foar in part), Woudmeer en Zijbelhuizen.
Doarp | Ynwenners (1 jannewaris 2023) |
---|---|
Dirkshorn | 1.695 |
Eenigenburg | 160 |
Groenveld | 140 |
Krabbendam | 130 |
Sint Maarten | 960 |
Stroet | 305 |
Tuitjenhorn (haadplak) | 3.880 |
Valkkoog | 140 |
Waarland | 2.730 |
Warmenhuizen | 5.595 |