Forésien

Le forésien — diont pletout le forénâs dens los patouès de les montagnes du Sêr — est n’ensems de dialèctos^{[V 5]} de la lengoua arpetana parlâ dens le Forês, surtot le dèpartament de Lêre, pués doux-três comunes^{[V 6]} dens los dèpartaments vesins du Pué-de-Doma, de l’Aliér et de Sona-et-Lêre^[1].

Forénâs

Quél[V 1] articllo est ècrit en arpetan forésien / ORB lârge.

Forésien, forénâs
Payis	France
Tipologia	silabica
Cllassement per famelye
- lengoues endo-eropèènes - lengoues étaliques - lengoues latino-falisques - latin - latin vulguèro - lengoues romanes - lengoues romanes cuchientenches - lengoues galo-romanes - arpetan - forésien
Codes de lengoua
Linguasféra	51-AAA-jbe
Mapa
Mapa de los[V 4] dialèctos de l’arpetan. Le forésien est le dialècto le ples cuchientenc du cârro lengouistico arpetan.
changiér

Dèscripcion

La premiére guèrra mondiâla mârque un^{[V 7]} de los grants reculaments de quela^{[V 8]} lengoua. Il est a-nuet^{[V 9]} quâsi amôrto et sè montre desot la fôrma d’un accent (remarcâblo sus les tèrmenèsons en -on et -an) et pués d’un ensems de façons de parlar du payis que franc sont assimilâyes u gaga ou ben parler gaga, tèrmos que dèsignêvont d’abôrd le parlar arpetan originèro de Sant-Etiève, pués la fôrma du francês de payis qu’est a-nuet parlâye dedens la règion de quela vila^{[V 10]}.
L’arrevâ de los mèdiâs et los mècllos de populacion (travâly dedens les viles^{[V 11]} de la comba de Rôno) a châ més importants arrétont pas d’amuendrir quél particularismo.
Doux-três façons de parlar uncor^{[V 12]} empleyêes de noutros jorns que vegnont de l’arpetan du Forês :

Racena arpetana	Francês de payis	Significacion
babèt m	babet m	pejon / peva
barontar v	baronter v	tonar
barraban m	baraban m	dent-de-lion / pisse-en-liét
Bechèta ! / Bô sègne ! entj	Bichette ! / Beauseigne ! entj	façon de parlar empleyêe por marcar la compassion / la pediêt
dèbarroular v	débarouler v	barroular / dèbarroular a tota vitèsse
drêvo m	drève m	ècova / remasse fêta de fagots
gôrpely m	goupi (goupil) m	renârd
mâltru a m	mâtru a m	petiôt
mâltru m	mâtru m	enfant / megnât
voutru a m	vâutru a m	grôs / envelopâ

Litèratura

Una grant-ôvra ècrita en forésien est le lévro « Le Ballet » de Marcelin Âlârd, publeyê en 1605.

Vêre âssé

Articllos liyês

• Le gagâs
• Le rouanârd

Liems de defôr

• (fr) Enregistrâjos, tèxtos et tèmognâjos de locutors de l’arpetan forésien, dessus le seto forezhistoire.free.fr.
• (fr) « Dictionnaire forézien », un ensems de liems^{[V 13]} sus le forésien, dessus le seto lexilogos.com.
• (fr) « Petite introduction au patois en Forez », dessus le seto forez-info.com.

Notes et rèferences

Notes

Noms d’endrêt

Vocabulèro

1. Varianta forésièna [ko] ou [ke] (devant una voyèla [kə.l‿]) de « cél » a dèm m.
2. Varianta forésièna [də lu] ou ben [də ly] de « des » art mpl.
3. Varianta forésièna [də lu] ou ben [də ly] de « des » art mpl.
4. Varianta forésièna [də lu] ou ben [də ly] de « des » art mpl.
5. « ensems » [ɛ̃.ˈsɛ̃] ou ben [ɛ̃.ˈsã] m est la façon de parlar forésièna por « ensemblo » m.
6. Varianta forésièna [kɔ.ˈmy.nə] ou ben [ku.ˈmy.nə] de « comenes » fpl.
7. Varianta forésièna [ĩ], [ẽ] ou ben [œ̃] de « yon » a num m.
8. Varianta forésièna [ˈkə.la] de « cela » a dèm f.
9. « a-nuet » [a.ˈne] adv est la façon de parlar forésièna por « houé », « en-houé » et « enqu’houé » adv.
10. Varianta forésièna [ˈvi.la] de « vela » f.
11. Varianta forésièna [ˈvi.lə] de « veles » fpl.
12. Varianta forésièna [ỹ.ˈkɔr] ou ben [ĩ.ˈkɔr] de « oncor » adv.
13. Varianta forésièna [jã], [ʎã] ou ben [jɛ̃] de « lims » mpl.

Rèferences

1. (en) Linguasphere Observatory, The Linguasphere Register - The indo-european phylosector, Linguasphere Observatory (en legne), p. 402.