Remove ads
La France, des côps asse-ben la França et pués oficièlament la Rèpublica francêsa (France et République française en francês), est un Ètat transcontinentâl sôveren, que sè trôve surtot en Eropa cuchientenche[Nota 6],[4], mas que presente avouéc de tèrritouèros dedens los ocèans Endien[Nota 7], Atlantico[Nota 8] et Pacefico[Nota 9] et pués sur lo continent sud-amèriquen[Nota 10]. La France est na rèpublica constitucionâla unitèra qu’at un règ·imo mié-prèsidenciâl. La vela de Paris est sa capitâla, la lengoua oficièla lo francês, la monéya oficièla l’erô et lo franc Pacefico sur sos tèrritouèros de l’ocèan Pacefico. La devisa de la France est « Libèrtât, Ègalitât, Fratèrnitât », et pués son drapél est constituâ de três bendes drêtes règuliéres blua, blanche et roge. L’himno nacionâl est La Marselyêsa.
França
 |
Cél articllo est ècrit en arpetan supradialèctâl / ORB lârge. |  |
Rèpublica francêsa
(fr) République française
.svg) Drapél de la France |
 Armoueria de la France |
| Devisa |
Liberté, Égalité, Fraternité (Libèrtât, Ègalitât, Fratèrnitât) |
|---|---|
| Himno |
La Marseillaise (La Marselyêsa) |
La Rèpublica francêsa dedens lo mondo.
Partia eropèèna de la France, apelâye France mètropolitana, permié l’Union eropèèna (vèrd cllâr).
| Fôrma côrta en ORB lârge |
France |
|---|---|
| Fôrma côrta en ORB sarrâye |
França |
| Fôrma de l’Ètat | Rèpublica constitucionâla unitèra mié-prèsidenciâla (vêre Règ·imo rèpubliquen en France) |
|---|---|
| Prèsident de la rèpublica | Emmanuel Macron |
| Premiér ministro | Gabriel Attal |
| Prèsident du Sènat | Gérard Larcher |
| Prèsident de l’Assemblâ nacionâla | Richard Ferrand |
| Lengoues oficièles | Francês |
| Capitâla | Paris |
| Ples granta vela | Paris |
|---|---|
| Supèrficie totâla |
672 369[Nota 1] km2 (rengiê 41émo) |
| Supèrficie en égoua | 0,26 % |
| Fus horèro |
UTC +1 (HEC) ; hora de chôd-temps : UTC +2 (HAEC) |
| Populacion totâla (1ér de jouen 2016) |
67 314 000[Nota 2],[I 1] hab. (rengiê 20émo) |
|---|---|
| Densitât | 98,8[Nota 3] hab./km2 |
| FDB (PPE) (2014) |
 2 580,75 milyârds de $+2,15 %[1] ([[Lista des payis per FDB (PPE)|Modèlo:8o/193]]) |
|---|---|
| FDB nominâl per hab. (2015) |
 37 675,006 $-14,93 %[1] (Modèlo:10o/193) |
| FDB (PPE) per hab. (2015) |
41 180,697 $ +1,68 %[1] (Modèlo:10o/193) |
| Quota de chômâjo (2016) |
 10,2 % de la pop. activa-0,10 %[1] |
| Dèta publica bruta (2014) |
Nominâla : 2,137 milyârds d’€+2.2 % Relativa : 95,56 % du FDB+3,54 % |
| Monéya |
Erô et Franc Pacefico[Nota 4] ( EUR et XPF) |
| EDH (2014) |
0,888 (rudo hôt[2] ; [[Lista des payis per EDH|Modèlo:22o]]) |
|---|
| Code ISO 3166-1 |
FRA, FR |
|---|---|
| Domêno Malyâjo | .fr[Nota 5] |
| Endicatif tèlèfonico |
+33 (mètropola) 590 (Goadeloupe, Sant-Martin et Sant-Bartelomél) 594 (Guyana) 596 (Martinica) 262 (La Rèunion, Mayota) 508 (Sant-Pierro-et-Miquelon) 687 (Novèla-Calèdonia) 689 (Polinèsia francêsa) |
| Organisacions entèrnacionâles |
ONU : 24 d’octobro 1945[3] OTAN : 4 d’avril 1949 UE : 25 de mârs 1957 |
La France est un payis formâ u comencement de l’Hôt Moyen Âjo, que tire son nom des Francs. Dês lo comencement du XVIIémo siècllo tant qu’a la premiére mêtiêt du XXémo siècllo, el at un vâsto empiro coloniâl. Dês los ans 1950, el est yon des actors de la construccion de l’Union eropèèna. El est la trêsiéma pouessience nuclèâra mondiâla, yon des cinq membros pèrmanents du Consèly de sècuritât de les Nacions unies et yon des membros de l’OTAN. El est asse-ben membro du G7, du G20, de la zona erô, de l’Èspâço Schengen, de la Comission de l’ocèan Endien et pués abrite la sièta du Consèly de l’Eropa, du Parlement eropèen et de l’UNÈSCÔ. La France at un’enfluence cognua en matiére politica, èconomica, militèra et culturâla en Eropa et dedens la résta du mondo.
Solèt payis u mondo a ègzèrciér sa sôverenetât sur de tèrritouèros distribuâs dessus três ocèans et doux continents[5],[Nota 11],[Nota 12], sa presence g·eopolitica est importanta u nivél mondiâl, s’apoye sur na baragne d’ambassades et de consulats ètendua, la seconda u mondo dèrriér cela des Ètats-Unis, et pués at de bâses militères sur tôs los continents. La France at la seconda ples granta zona èconomica èxcllusiva (èspâço maritimo) u mondo, qu’y s’apond un’èxtension du platél continentâl de 579 000 km2 en 2015[6], et sè renge premiére pouessience maritima mondiâla per sa divèrsitât et sa biodivèrsitât.
La France est, en 2014, la trêsiéma pouessience èconomica eropèèna dèrriér les Alemagnes et lo Reyômo-Uni, et pués est la siésiéma pouessience èconomica mondiâla per FDB nominâl (nôviéma a paritât de povêr d’emplèta), et afiche un nivél de via « rudo hôt » [[Lista des payis per EDH|(Modèlo:20o u cllassement EDH en 2014)]]. Figure permié los numerôs yon mondiâls dedens los sèctors de l’agroalimentèro, de l’aèronôtica, de l’ôtomobila, de les marchandies de luxo, du tourismo et du nuclèâr. U 1ér de janviér 2016, la populacion totâla de la France est de vers los 65,8 milyons d’habitents, d’aprés les èstimacions publeyêes per l’Insee, que 63 697 865 dedens les règ·ions mètropolitanes et 1 866 891 dedens les règ·ions ultramarenes en defôr de Mayota et pués 217 091 a Mayota (recensement 2012). Per alyor 604 400 vivont dedens les colèctivitâts d’outre-mar et en Novèla-Calèdonia.
La France est lo second payis lo ples poplâ de l’Union eropèèna dèrriér les Alemagnes. El est avouéc lo ples vâsto de l’Union eropèèna et lo trêsiémo payis lo ples vâsto d’Eropa[7]. Vielye pouessience coloniâla, sa cultura et sa civilisacion sont èpatâyes per los payis francèyents a travèrs lo mondo, unis dedens l’Organisacion entèrnacionâla de la francèyencie. Lo francês est la diéziéma lengoua matèrnâla la ples prègiêe u mondo et pués est yona de les lengoues avouéc la ples granta difusion, tradicionalament empleyê coment lengoua de la diplomacia. El est yona de les siéx lengoues oficièles et yona de les doves lengoues d’ôvra avouéc l’angllès de l’Organisacion de les Nacions unies, et pués lengoua oficièla ou ben d’ôvra d’un mouél d’organisacions entèrnacionâles ou ben règ·ionâles. Lo francês est asse-ben yona de les três lengoues d’ôvra de l’Union eropèèna — avouéc l’alemand et l’angllès.
Remove ads
Localisacion et frontiéres
La part eropèèna de la France est apelâye France mètropolitèna et est sitâye a l'una des èxtrèmitâts occidentâles de l'Eropa. Ele est bordâye per la mar du Nord u nord, la Manche u nord-ouèst, l'ocèan Atlantico a l'ouèst et la mar Mèditèrranê u sud-èst. Ele est frontalièra de la Bèlg·ique et du Luxembôrg u nord-èst, de l'Alemagne et de la Suisse a l'èst, de l'Étalie et de Monaco u sud-èst, de l'Èspagne et de l'Andora u sud-ouèst.
Les frontières u sud et a l'èst du payis corèspondont a de massifs montagnôx, los Pirènês, les Arpes et lo Jura, la frontièra a l'èst corèspond u revâl du Rin. La frontièra nord et nord-èst ne sè fonde sur gins d'èlèment naturél.
La France mètropolitèna comprend plusiôrs îles, notament la Corse et les îles de la couta. Ele est comprêsa entre les latitudes 42°19'46" N et 51°5'47" N, ense que les longitudes 4°46' O et 8°14'42" E. Sa partia continentâla s'ètend sur u torn de 1 000 km du nord u sud. La France est ègâlament composâye de tèrritouèros nombrôx situâs en-defôrs du continent eropèen, curament apelâs France d'utre-mêr, que li pèrmètont d'étre prèsenta sur tuis los ocèans du mondo fôrs l'ocèan artico. Celos tèrritouèros ant de statuts variâs dens l'administracion tèrritoriâla de la France et sè situont :
- sur lo continent sud-amèriquen : la Guyana ;
- dens l'ocèan Atlantico : Sant-Pierro-et-Miquelon et, dens los Antilyes, la Goadeloupe, la Martinica, Sent-Martin et Sant-Bartelomél ;
- dens l'ocèan Pacifico : la Polinèsie francêsa, la Novèla-Calèdonie, Wallis-et-Futuna et Clipperton ;
- dens l'ocèan Endien : la Rèunion, Mayota, les Iles Èparses, l'Arch·ipél des Kerguelen, l'Arch·ipél des Crozet et les Iles Sent-Paul et Novèla-Amsterdam ;
- sur lo continent antartico : la Tèrra-Adèlie.
La France possède ègâlament de frontières tèrrèstres avouéc lo Brèsil et lo Suriname en Guyana, ense qu'avouéc los Payis-Bâs via la part francêsa de Sant-Martin. La supèrficie totâla de la France mètropolitèna ocupe 551 500 km2 et los ôtros tèrritouèros 30 904 km2. Cela supèrficie ne comprend pâs la Tèrra Adèlie sur laquinta la soverènetât francêsa est contèstâye. Cen est lo 42o ples grant payis du mondo per sa surface tèrrèstra. Est tôt pariér lo ples grant d'Eropa aprés la Russie et l'Ukrèna, ou lo dousièmo se encluont los dèpartements ultra-marens et lo ples grant de l'Union eropèèna. L'ètendua de son litoral, utre-mar enclus, est de 8 245 kilomètros.
Vêre : Massif centrâl.
G·eologia et relièf
Cllimat
Payisâjos et enveronance
Remove ads
La France mètropolitèna actuèla ocupe la ples granta partie des anciènes Gôles cèltiques, conquêses par Jules Cèsar u 1ér sièclo dev. J.-C., mas ele trâye son niom de los Francs, un poplo gèrmanico que s'y enstalat a partir du Ve sièclo. La France est un Ètat a l'unificacion ancièna et fut l'yon de los premiérs payis de l'època modèrna que tentat un'èxpèrience dèmocratica.
Prèhistouère, protohistouère et Antiquitât
La prèsence humèna sur lo tèrritouèro de la France actuèla remonte u Palèolitico enfèrior ; les ples anciènes trâces de via humèna dâtont d'el y at u torn de 1 800 000 ans. L'homo est adonc confrontâ a un climat dificilo et variâblo, marcâ per plusiors ères gllacières que modifiont son câdro de via. La France compte un nombro importent de bârmes ornâyes du Palèolitico supèrior, avouéc l'una de les ples cèlèbres a Lascaux en Dordogne, (u torn de 18 000 ans dev. ora). Vèrs 10 000 ans, a la fin de la darrièra èra gllacièra, lo climat s'adocét. A partir de 7000, l'Eropa occidentâla entre dens lo Nèolitico et sos habitents sè sèdentarisont, ben que l'èvolucion sêye difèrenta a l'encan de les règ·ions. Aprés un fôrt dèvelopement dèmografico et agricolo ès IVe et IIIe milènèros, la mètalurgie fât son aparicion a la fin du IIIe milènèro, d'abôrd avouéc lo travaly du fér u VIIIe sièclo. En 600 dev. J.-C., de Grècos origènèros de la vela de Focêa fondont la vela de Massalia, la futura Marsèlye, u bôrd de la Mèditèrranê ; a la mèma època, quârques poplos cèltos pènètront dens lo tèrritouèro de la France actuèla, mas ceta ocupacion ne sè gènèralise a la totalitât du tèrritouèro qu'entre los Ve et IIIe sièclos dev. J.-C. La nocion de Gôla, « ΓαλαTία » en grèco, aparèt alors ; ele corèspond ès tèrritouèros de poplament cèlto comprês entre lo Rin, les Pirènês, l'Atlantico et la Mèditèrranê. Los Hèbrèos l'apèlont « Tzarphat ». La Gôla est alors un payis prospèro avouéc sa partia mèridionâla de ples en ples somêsa a les enfluences grèques et romènes.
A partir de 125 dev. J.-C., lo sud de la Gôla est pou a pou conquês per la Rèpublica romèna, que y fonde les veles d'Ax-en-Provence, Tolosa et Narbona. En 58 dev. JC, Julo Cèsâr sè rue a la conquèta de la rèsta de la Gôla, et venc en 52 dev. J.-C. una rèvolta menâye per lo chièf gôlês Vèrcing·ètorix a Alèsia (houé la vela d'Alise-Sainte-Reine en Borgogne). Los tèrritouèros novèlament conquês sont devesâs per Augusto en nôf provinces romènes, desquintes les principâles sont la Narbonêsa u sud, l'Aquitèna u sud-ouèst, la Liyonêsa u çantre et a l'èst, et la Bèlg·ique u nord. De nombrôses veles sont fondâyes durent la pèriôda galo-romèna, permi lesquintes Liyon en 43 dev. J.-C., que devindrat la capitâla de la Gôla romèna ; celes-lé sont conciues a l'émâge de les citâts romènes avouéc un forum, un tèâtro, un circo, un amfitèâtro et de tèrmos. La relig·ion romèna sè superpôse ès cultos gôlês sen los fâre disparètre, les divinitâts sè confondont pou a pou dens un mèmo sincrètismo. U IIIe sièclo, la Gôla romèna cognèt una crisa grâva, lo limes, frontièra fortifiâye que protèj·âve l'Empiro de les encursions barbares, est franchi a plusiôrs reprêses per los Barbaros. Lo povêr romen, pendent cetu temps, semble gangalar : un Empiro de les Gôles est proclamâ en 260 et èmâque a la tutèla romèna tant qu'en 274. Mas la situacion s'amèlyore dens la premièra mêtiât du IVe sièclo, qu'est una pèriôda de renovél et de prospèritât por la Gôla. En 312, l'emperor Constantin Iér sè convèrtét u cristianismo ; los crètiens, persècutâs tant qu'ique, sè multipliont. Mas les envasions barbares recomençont a partir de la segonda mêtiât du IVe sièclo ; lo 31 dècembro 406, los Vandalos, Suèvos et Alans franchéssont lo Ren et travèrsont la Gôla tant qu'en Èspagne. U mêten du Ve sièclo, los Alamans et los Francs, doux poplos payens, s'instâlont u nord-èst de la France d'ora et ègzèrçont una fôrta pression sur los gènèrôx romens que sont en pôsto dens lo nord-èst de la Gôla.
Remove ads
Divisions administratives
Règ·ions de la France mètropolitana :
- Alzace-Champagne-Ardèna-Lorrêna (sè devrêt apelar Grant-Levant a l’avegnir)
- Aquitania-Limosin-Pouètô-Charantes (sè devrêt apelar Novèl’Aquitania a l’avegnir)
- Bise-Pâs-de-Calês-Pecardie (sè devrêt apelar D’Amont-de-France a l’avegnir)
- Borgogne-Franche-Comtât
- Bretagne
- Centro-Vâl de Lêre
- Corsa
- Ila-de-France
- Lengouadoc-Rosselyon-Mié-jorn-Pirènês (sè devrêt apelar Occitania a l’avegnir)
- Normandie
- Ôvèrgne-Rôno-Ârpes
- Payis de Lêre
- Provence-Ârpes-Couta d’Azur
Règ·ions d’outre-mar :
Remove ads
Dèmografia
Lengoues
Religions
Èducacion
Santât
Mèdiâs
Vôgues et jorns de féta
Arch·itèctura
Pintura
Litèratura
Musica
Cinèmâ
Sciences
Bôna-chiéra
Sports
Bibliografia
Lims de defôr
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Remove ads