Canton du Valês
From Wikipedia, the free encyclopedia
From Wikipedia, the free encyclopedia
Lo canton du Valês (VS – Canton du Valais en francês, Kanton Wallis en alemand et en tuche) est un canton de Suisse, que sè trôve u mié-jorn du payis et pués est crosâ per la valâ du Rôno.
Cél articllo est ècrit en arpetan romand / ORB lârge. |
Canton du Valês | |
Blâson |
Drapél |
Gentilyiço | Valêsan, Valêsana |
---|---|
Noms ètrangiérs | |
Nom francês | Canton du Valais |
Nom alemand | Kanton Wallis |
Nom étalien | Canton Vallese |
Nom roumancho | Chantun Vallais |
Nom latin | Pagus Valesia |
Administracion | |
Payis | Suisse |
Entrâ dens la Confèdèracion | 1815 |
ISO 3166-2 | CH-VS |
Ch·èf-luè | Sion |
Districts | 13[1] |
Comenes | 126[1] |
Ègzécutif | Consèly d’Ètat, Conseil d’État, Staatsrat (5 siètes)[2] |
Lèg·islatif | Grant Consèly, Grand Conseil, Grosser Rat (130 siètes)[3] |
Consèly des Ètats | 2 siètes[4] |
Consèly nacionâl | 8 siètes[5] |
Dèmografia | |
Populacion | 348 503 hab. (31 de dècembro 2020) |
Densitât | 67 hab./km2 |
Rang dèmografico | 9émo[6] |
Lengoues oficièles | francês[Nota 1], alemand |
Geografia | |
Coordonâs | 46° 16′ 30″ bise, 7° 30′ 00″ levant |
Hôtior | Min. Lec Lèman 372 m Max. Bèca Duforn[7] 4 634 m |
Supèrficie | 522 425 ha = 5 224,25 km2 |
Rang | 3émo[8] |
Localisacion | |
Lims | |
Seto Vouèbe | www.vs.ch |
changiér |
Lo canton se trôve diens les Ârpes. Son tèrritouèro s’èpate sus les Ârpes bèrnêses et les Ârpes pènines.
La comba centrâla du Valês est travèrsâye du Rôno, qu’est prolongiêe d’amont per la comba de Conches. Les ples grantes combes de lât sont : la vâl de Lècho, la vâl de Viège, l’Aneviérs, la val d’Hèrens et l’Entremont (avouéc la comba de Bâgne. Quârques cors d’égoua des valâyes laterâles et sot-afluents du Rôno sont: la Bôrna, la Dâla, la Viège, la Diégzence et la Drance.
Grantes montagnes valêsanes : Bèca Duforn, Grant-Bèca, Dom, mont Dolent, Grant Combin, Mont Velan, massela de Compôthanna, Grant-Rouan, Weissmies.
Sus lo tèrritouèro du Valês se trôvont les ples grants gllaciérs des Ârpes: lo gllaciér du Rhôno, lo gllaciér d’Aletsch, lo biouègno d’Hôtèma, lo gllaciér de Corbassiére etc.
Grants rotes de cols ârpenches travèrsont lo Valês: la rota du Grant-Sent-Bèrnârd et les rotes de la Forclla et du Semplon.
La legne du chemin de fèr entre-mié Geneva et Milan longe lo canton et travèrse près Brega lo tunèl du Semplon. De la gâra de Viège, la legne de bâsa du Lötschberg rapond lo Valês a Bèrna, et asse-ben cele de la gâra de Brega a l’ancian tunèl du Lötschberg. Des legnes de chemin de fèr rapondont doux-três valâyes latèrâles avouéc la pllana du Rono, p. ègz. la comba de Bâgne, la valâ du Treyent, La Vâl-d’Elyé, et pués Prât-Borgno dedens la valâ de la Mattervispa. Lo tunèl de bâsa de la Forclla et la legne du sonjon de la Forclla rapondont Oberwald avouéc Realp en canton d’Ouri.
La prèsence humèna sur lo tèrritouèro du Valês actuâl remonte u Nèolitico.
Quârques poplos cèltos s’instâlont diens la valâye.
La Rèpublica romèna ocupaye a partir de 58 dev. J.-C. la rè·gion et fonde la vela Octodurus ( Martegné ). Théodoro d’Octoduro est lo premier èvèco du diocèso de Sion. La siéta du diocèse de Sion se trôve dès lo Hiôt moyen âjo a Sion qu’est asse-ben la capitâla du canton du Valês.
Lo re Sigismond de los Burgondos fat construire en 515 lo monastèro de Sent-Môris d’Agôno a Sent-Môris.
Lo Valês at un’agricultura divèrsa avouéc l’èlevâjo et l’inârpa et les cultures de l’hortolâjo et de la vegne, pués l’artisanat et les endustries hidro-èlèctrique et l’èlèctro-mètalurgique.
Diens lo sèctor tèrcièro lo tèrmalismo et lo tourismo avouéc l’arpinismo et lo sport d’hivèrn sont emportants.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.