Regniér-Èseri

Regniér-Èseri^{[N 1]} [ʀɲi: ez.ˈʀi]^{[N 2]} (Reignier-Ésery [ʁɛ.ɲe ez.ʁi] en francês) ou ben de môda Regniér^{[N 3]} [ʀɲi:]^{[N 4]} z-est na comena francêsa et arpetanna^{[V 1]} du Gènevouès^{[T 1]} en Savouè, que sè trôve diens^{[V 2]} le dèpartament de la Savouè-d’Amont^{[T 2]} en règion Ôvèrgne-Rôno-Ârpes. El’est^{[V 3]} diens l’agllomèracion transfrontaliére de la Grant Gèneva^{[T 3]}.

Cél articllo z-est ècrit en arpetan savoyârd / ORB lârge.

Regniér
[ʀɲi:], [ʀə.ˈɲi:] [rɲi:], [rə.ˈɲi:]
Viua du bôrg de Regniér dês Lecinjo.
Blâson
Gentilyiço	Règnerand, Règnerandaen ORB lârgeRènyèran, Rènyèrandaen CFLL Reignerand, Reignerandeen francês
Noms arpetans
Fôrma longe en ORB lârge	Regniér-Èseri [ʀɲi: ez.ˈʀi] [rɲi: ez.ˈri], [ʀə.ˈɲi: ez.ˈʀi] [rə.ˈɲi: ez.ˈri]en patouès sassèlan
En CFLL	Rnyî-Ézri Renyî-Ézrien patouès sassèlan
Noms ètrangiérs
Nom latin (racena)	Rēgīnĭăcum, RēnĭăcumetĂsĭrĭăcum
Nom francês	Reignier-Ésery [ʁɛ.ɲe ez.ʁi]
Administracion
Règion culturâla	Arpetania
Règion historica	Savouè(diens le Gènevouès)
Payis	France
Règion	Nom de règ·ion ou de colèctivitâ mâl-rèdigiê ou ben absent por nen savêr més cllicâd-ique ou ben por l’outre-mar cllicâd-ique. Per dèfôt, la mapa de g·eolocalisacion est cela de la France mètropolitana.
Dèpartament	Savouè-d’Amont
Arrondissement	Sant-Jelien
Entèrcomunalitât	Comunôtât de comenes Ârva et Salèvo (siéta)
Sendeco Mandat	Lucâs Pugin 2021-2026
Code postâl	74930
Code comena	74220
Dèmografia
Populacion municipâla	8 170 hab. (2021 )
Densitât	326 hab./km2
Geografia
Coordonâs	46° 08′ 07″ bise, 6° 16′ 09″ levant
Hôtior	Min. 410 m Max. 832 m
Supèrficie	25,08 km2
Tipo	Comena urbèna
Unitât urbèna	Gèneva (SUI)-Anemâsse (partia francêsa) (banleya)
Sôl d’atraccion	Gèneva - Anemâsse (partia francêsa) (comena de la corona)
Èlèccions
Dèpartamentâles	Canton de La Roche
Lègislatives	3éma circonscripcion
Localisacion
Geolocalisacion sus la mapa : Ârvèrgne-Rôno-Ârpes Regniér Geolocalisacion sus la mapa : Savouè-d’Amont Regniér Geolocalisacion sus la mapa : France Regniér Geolocalisacion sus la mapa : France Regniér
Lims
Seto Vouèbe	reignier-esery.com
changiér

La comena vint de la fusion de doves vielyes comenes en 1974, Regniér^{[N 5],[V 4]} et Èseri.

Los habitents de la velèta ant nom los Règnerands [lu ʀe.ɲe.ˈʀã] et les Règnerandes [le ʀe.ɲe.ˈʀã.de]^{[N 6]}.

Geografia

Le bôrg de la comena sè trôve a 474 m de hiôt entre-mié Annemâsse^{[T 4]} et La Roche^{[T 5]} sus un platél en-dessus la reva^{[V 5]} gôche d’Ârva^{[T 6]} u pied levantenc du Salèvo^{[T 7]} et pués u levant du Foron de Regniér^{[T 8]} diens le Gènevouès en Savouè enversenche.

Toponimia

La comena pôrte le nom de Regniér-Èseri dês le 1^ér de janviér 2007^[1]. Portâve devant solament le nom de Regniér, mâlgrât la fusion u 1^ér de janviér 1974 avouéc la vielye comena d’Èseri^[2].

Le nom du bôrg de Regniér vint du latin *RĒGĪNĬĂCUM, que vint du gôlouès Rīginiācon (« domêno a Rīginios »).

Atèstacions historiques (sèlèccion) Rignie en 1270 ; Reynerio en 1282 ; Regnie u XIIIémo siècllo ; Regnier u XIIIémo siècllo ; Rignier per vers 1344.

Pôt tot-pariér vegnir du latin *RĒNĬĂCUM, que vint du gôlouès Rēn(n)iācon (« domêno a Rēn(n)ios »).

Banche endiquiosa de Regniér. Le nom en arpetan z-at étâ apondu en 2015.

Dessus les banches endiquioses enstalâyes a l’entrâ de la comena, la fôrma chouèsia z-est R’gny.

Le nom du velâr d’Èseri vint du latin *ĂSĬRĬĂCUM (« domêno a *Ăsĭrĭus »).

Atèstacions historiques (sèlèccion) Aysirie en 1302 ; Exirie per vers 1344.

Cultura locâla et patrimouèno

Endrêts et monuments

• la Piérra-des-Fayes^{[T 9]} du Nèolitico ;
• l’égllésa Sant-Jian-Bâptisto^{[T 10],[V 6]} d’Èseri du XI^émo siècllo, remaneyêe u XIX^émo siècllo, pués rèstorâye en 1988 ;
• le châtél de Bourinjo^{[T 11]} du comencement du XIII^émo siècllo, abandonâ per vers le XVII^émo siècllo et dês cél temps-que dèrochiê ;
• la tor de Bèlacomba^{[T 12]}, mêson fôrta de la fin du XIII^émo siècllo ;
• le châtél de Poulinjo^{[T 13]} du XIV^émo siècllo, houé disparu ;
• l’égllésa Sant-Martin^{[T 14]} de Regniér du XIV^émo siècllo, dèrochiêe^{[V 7]} en 1860, pués rebâtia entre-mié 1843 et 1845 ;
• le châtél de Magni^{[T 15]}, mêson fôrta du XVI^émo siècllo.

Hèraldica

Le blâson de Regniér.

Vér avouéc

Wikimedia Commons propôse de documents multimèdia libros sus Regniér.

Bibliografia

Lims de defôr

• Le seto de la comena de Regniér

Notes et rèferences

Notes

1. Ècrisont « Rnyî-Ézri » en grafia de Confllens.
2. Prononçont asse-ben [ʀə.ˈɲi: ez.ˈʀi] (« Renyî-Ézri » en grafia de Confllens) en patouès sassèlan.
   Los ôtros côps, la prononciacion tradicionâla étêt [rɲi: ez.ˈri] et [rə.ˈɲi: ez.ˈri].
   Le [r] roulâ at étâ remplaciê per le [ʀ] râcllo diens la prononciacion locâla de l’arpetan.
3. Ècrisont « Rnyî » en grafia de Confllens.
4. Prononçont tot-pariér [ʀə.ˈɲi:] (« Renyî » en grafia de Confllens) en patouès sassèlan.
   Diens le temps, la prononciacion tradicionâla étêt [rɲi:] et [rə.ˈɲi:].
5. Il est le bôrg de la comena.
6. Ècrisont « lou Rènyèran » et « lé Rènyèrande » en grafia de Confllens.
   Los ôtros côps, la prononciacion tradicionâla étêt [lu re.ɲe.ˈrã] et [le re.ɲe.ˈrã.de].

Noms d’endrêt

1. Prononciê [ðen.ˈvwɛ] (le Genevois en francês).
2. Prononciê [sa.ˈwe d‿a.ˈmo], [sa.ˈvwe d‿a.ˈmo] ou ben [sa.ˈvwɛ d‿a.ˈmo] (la Haute-Savoie en francês).
3. Prononciê [ɡʀã ðen.ˈva] (le Grand Genève en francês).
4. Prononciê [ãn.ˈmɔːs] (Annemasse en francês).
5. Prononciê [la ʀɔθ] (La Roche-sur-Foron en francês).
6. Prononciê [ˈɔːʀ.va] (l’Arve en francês).
7. Prononciê [sa.ˈlɛv] (le Salève en francês).
8. Prononciê [fɔ.ˈʀɔ̃ d‿ʀɲi:] (le Foron de Reignier en francês).
9. Prononciê [ˈpiː.ʀa de ˈfa.je] (la Pierre-aux-Fées en francês).
10. Prononciê [e.ˈɡʎi.za sã ʒã bɔː.ˈtist] (l’église Saint-Jean-Baptiste en francês).
    Diont avouéc l’égllése Sant-Jian-Bâptisto [e.ˈɡʎi.zə sã ʒã bɔː.ˈtist] d’aprés los patouesants.
11. Prononciê [θɔː.ˈte d‿bu.ˈʀɛ̃.ðɔ] ou ben [θɔː.ˈte d‿bu.ˈʀɛ̃ð] (le château de Boringe en francês).
12. Prononciê [tɔʀ d‿bɛ.la.ˈkɒ̃.ba] (la maison forte de Bellecombe en francês).
13. Prononciê [θɔː.ˈte d‿pu.ˈlɛ̃.ðɔ] ou ben [θɔː.ˈte d‿pu.ˈlɛ̃ð] (le château de Polinge ou ben le château de Pollinge en francês).
14. Prononciê [e.ˈɡʎi.za sã maʀ.ˈtɛ̃] (l’église Saint-Martin en francês).
    Diont avouéc l’égllése Sant-Martin [e.ˈɡʎi.zə sã maʀ.ˈtɛ̃] d’aprés los patouesants.
15. Prononciê [θɔː.ˈte d‿ma.ˈɲi] (le château de Magny en francês).

Vocabulèro

— Enfocajon et somèro

1. Varianta savoyârda [ðen.ˈvwɛ] de « Genevês » m.
2. Varianta savoyârda [ðen.ˈva] de « Geneva ».
3. Varianta savoyârda [vi] de « vêre » v.

— Tèxto

1. Varianta savoyârda [aʀp.ˈtã.na] de « arpetana » a f.
2. Varianta savoyârda [djã] de « dens » prèp.
3. « ’le » [le] pron chousa f (que vint devant na voyèla « el’ » [l‿]) est le mot savoyârd por « el » pron chousa f.
4. Varianta savoyârda [j‿e] de « o est » loc v.
5. Varianta savoyârda [ʀva] de « riva » f.
6. Varianta savoyârda [e.ˈɡʎi.za] de « égllése » f.
   Varianta savoyârda [sã ʒã bɔː.ˈtist] de « Sant-Jian-Baptisto » m.
7. Varianta savoyârda [de.ʀɔ.ˈθja] de « dèmolia » ou ben « fotua bâs » pp f

Rèferences

— Principâles

1. Prononciacion en arpetan savoyârd de Regniér retranscrita d’aprés la nôrma AFE.
2. (fr) Rogiér Verèt, Dikchonéro Fransé - Savoyâ - Dictionnaire Français - Savoyard [PDF], 10^éma èdicion reviua et ôgmentâye, 2023, pp. 3204-3205 [→ Rnyî et Rènyèran, -da, -de].

— Toponimiques

1. (fr) Èrnèst Nègro, Toponymie générale de la France. Étymologie de 35.000 noms de lieux. Volume III. Formations dialectales (suite) et françaises. Errata et addenda aux trois volumes, Geneva, Droz, 1998, p. 1701, n^ô 29903 (liére en legne).
2. (fr) Henry Suter, Reignier, Rignat, Rigneux, Rignieu-le-Désert, Rignieux-le-Franc et Esery, dedens Noms de lieux de Suisse romande, Savoie et environs, sus le seto henrysuter.ch, 2000-2009 (viu le 29 de fevriér 2024).
3. (fr) Gzaviér Delamâra, Noms de lieux celtiques de l’Europe ancienne. (-500 / +500). Dictionnaire, Ârlo, Errance, 2012, p. 220.

— Suplèmentères

1. (fr) « Reignier-Ésery », dessus le seto de l’INSEE.
2. (fr) « Reignier », dessus le seto de mutualisacion de les archives dèpartamentâles de la Savouè-d’Avâl et de la Savouè-d’Amont - sabaudia.org (viu en avril 2020), Ressources - Les communes.