Urroz (Malerreka)

Urroz
	Nafarroa Garaia, Euskal Herria
; Bandera	; Armarria
Kokapena
Herrialdea	Euskal Herria
Lurraldea	Nafarroa Garaia
Merindadea	Iruñea
Eskualdea	Malerreka
Administrazioa
Estatua	Espainia
Erkidegoa	Nafarroa
Izen ofiziala	Urrotz
Alkatea	Josu Zozaya Ubiria; (Herriko Taldea)
Posta kodea	31752
INE kodea	31244
Herritarra	urroztarra
Geografia
Koordenatuak	43°06′05″N 1°42′22″W
Azalera	10,46 km²
Garaiera	337 metro
Distantzia	60 km (Iruñetik)
Demografia
Biztanleria	177 (2023: 0)
Dentsitatea	0,17 bizt/km²
Zahartzea	% 21,62
Ugalkortasuna	‰ 60,61
Ekonomia
Jarduera	% 75 (2011)
Desberdintasuna	% 0 (2011)
Langabezia	% 5,82 (2013)
Euskara
Euskaldunak	% 96,20 (2018: %-2,71)
Datu gehigarriak
Webgunea	http://www.urrotz.org

Urroz^[4] ([uros̻]) Nafarroako ipar-mendebaldean dagoen udalerria da eta Malerrekako ibarrean, Baztan-Bidasoa eskualdean dago. 179 biztanle zituen 2014. urteko erroldaren arabera. Nafarroako hiriburutik 60 kilometrora dago. Herrigunea 337 metroko garaieran dago.^[5]

Artikulu hau Malerrekako udalerriari buruzkoa da; beste esanahietarako, ikus «Urrotz (argipena)».

Datu azkarrak Kokapena, Herrialdea ...

Itxi

Euskaltzaindiak arautua duen izena Urroz, baina 1989ko urtarrilaren 31n izen ofizialtzat Urrotz hartu zen.^[5] Gaur egun izen ofiziala Urroz berriro da. Antzina, gaztelaniaz, Urroz de Santesteban deitzen zen.

Mugak

Urroz udalerriak iparraldetik Iturenekin du muga, hegoaldean Ultzamarekin, mendebaldean Beintza-Labaienekin, ekialdean Oizekin eta hego-mendebaldean, berriz, Donamariarekin.

Inguru naturala eta kokapena

Herria Nafarroa ipar-mendebaldean kokatzen da. Udalerri honetan eta ingurugiro natural eder batez inguratuak Leurtzako urtegiak kokatzen dira.

Antzinako herri sarreraren adierazlea.
Pilotalekua.

Urrozi buruzko lehen aipamena 1280. urteko dokumentu batekoa da. Udalerria Leringo Doneztebeko haranari loturik egon zen 1845era arte. Urte hartan, Nafarroako udalerrien erreforma administratiboa egin zenean, udalerri independente bihurtu zen.

Udalerriko armarrian San Migel Luziferren irudia ageri da.

Informazio gehiago Urrozko biztanleria ...

Urrozko biztanleria

Itxi

2008ko erroldaren arabera, Espainiaz kanpoko bi etorkin bizi ziren herrian, biztanleriaren %1,09 (Nafarroako batezbestekoaren azpitik).

Udal hauteskundeak

2007an Urrozko alkate kargurako Herriko Alkartasuna (HA) herri ekimeneko Ignacio Urroz Gragirena aukeratu zuten; haren taldeak udaleko bost ordezkariak lortu zituen. Baliogabeko botoak hiru izan ziren (emandako boto guztien %2,91) eta boto zuriak zortzi izan ziren (%8,00). Abstentzioa %33,55ekoa izan zen.

**Urrozko Udala (2007)**
Alderdia	Botoak	Aukeratua?
Jose Luis Larraiotz Ariztegi (HA)	61	Bai
Joseba Miren Urrotz Telletxea (HA)	57	Bai
Ignacio Urroz Gragirena (HA)	57	Bai
Martin Mariezkurrena Juanena (HA)	41	Bai
Juan Pedro Zozaia Goñi (HA)	43	Bai

2011ko udal hauteskundeetan ez zen zerrendarik aurkeztu. Hortaz, Ignacio Urrozek jarduneko alkate segitu zuen^[6].

Udaletxea

Udaletxea elizatik gertu dago eta 1970eko hamarkadan eraiki zen, (beheko solairua 1978 berriztu zen). Eraikuntzak bi solairu dauzka, eta fatxada nagusia harriz eginda dago. Udaletxean, udal bulegoez gain, ostatua eta taberna daude. Urrozko udaletxeko idazkaria Oiz, Donamaria eta Beintza-Labaiengo idazkari ere bada.

HELBIDEA: Leurtza Etorbidea, 1 - 1. solairua

Alkateen zerrenda

2007-2015	Ignacio Urroz Gragirena	Herriko Alkartasuna
2015-2019	Iñaki Juanena Santesteban	Herriko Alkartasuna
2019-2023	Josu Zozaya Ubiria	Herriko Taldea

Mariano Vertiz autobus konpainiak Doneztebe eta Labaien arteko linea ustiatzen du, norabide bakoitzean bidaia bakarra egiten duena. Lineak honako ibilbidea egiten du:

Labaien - Urroz - Oiz - Donamaria eta Doneztebe

Herriko jaiak San Migelen omenez ospatzen dira, irailaren 29aren inguruan. Besteak beste, herri kirolak, pilota partiduak eta bertso bazkaria antolatzen dira.

Urroz "Malerrekako Zerbitzu Orokorren Mankomunitateko" kidea da. Erakundeak Donezteben du egoitza nagusia.

San Migel eliza, elizaren barruan Ama Birjina eta haurraren irudi gotikoa dago.
San Kristobal baseliza, barruan San Kristobal eta San Antonioren irudiak daude.

Javier Gorosterratzu (1877-1936), apaiz eta historialaria.

[1]
Euskal Herriari Begira. Udalbiltza.
[2]
Euskara ezagutza tasa. (2010) Euskal Herriari Begira (Udalbiltza), Eustat, INE, NASTAT eta Euskal Herriko Hizkuntza Adierazle Sistema (EAS).
[3]
Nafarroako Gobernua. (2018). Nafarroako Datu Soziolinguistikoak. Euskarabidea, 48-53 or..
[4]
155 araua. Euskaltzaindia, 9 or. (Noiz kontsultatua: 2010-10-26).
[5]
http://www.euskomedia.org/aunamendi/135495?q=urrotz&numreg=1&start=0 Urrotz. Auñamendi Eusko entziklopedia.
[6]
Urroz^{[Betiko hautsitako esteka]} Nafarroako Udal eta Kontzejuen Federazioaren webgunean.

Euskarazko Wikipedian bada atari bat, gai hau duena:
Nafarroa

Datuak: Q1647396
Multimedia: Urrotz/Urroz de Santesteban / Q1647396
Liburuak: Euskal Herriko bidaia-gida/Herriz herri/Urroz

[Udalbiltza-1] [1]
Euskal Herriari Begira. Udalbiltza.

[Udalbiltza2-2] [2]
Euskara ezagutza tasa. (2010) Euskal Herriari Begira (Udalbiltza), Eustat, INE, NASTAT eta Euskal Herriko Hizkuntza Adierazle Sistema (EAS).

[3] [3]
Nafarroako Gobernua. (2018). Nafarroako Datu Soziolinguistikoak. Euskarabidea, 48-53 or..

[4] [4]
155 araua. Euskaltzaindia, 9 or. (Noiz kontsultatua: 2010-10-26).

[euskomedia.org-5] [5]
http://www.euskomedia.org/aunamendi/135495?q=urrotz&numreg=1&start=0 Urrotz. Auñamendi Eusko entziklopedia.

[6] [6]
Urroz^{[Betiko hautsitako esteka]} Nafarroako Udal eta Kontzejuen Federazioaren webgunean.

[4]

[5]

[1]

[2]

[3]

[6]