Txurdinagako geltokia

Txurdinaga
	Gabriel Aresti sarbidea.
	Kokapen mapa
Lineak
Kokapena
Helbidea	Gabriel Aresti hiribidea, 35-37; 48004
Udalerria	Bilbo, Bizkaia
Geltokiaren datuak
Gunea	1. gunea
Irekiera	2017ko apirilaren 8a
Irisgarria
Zerbitzuak
Aldageltokia
Nasak	2
Trenbideak	2
Jabea	Euskal Trenbide Sarea
Eragilea	Eusko Trenbideak
Garraio zerbitzuak
EuskoTren	Bilbo ↔ Donostia ; Bilbo ↔ Elgoibar ; Kukullaga ↔ Lezama ; Bilbo ↔ Bermeo
Metroa	Matiko ↔ Kukullaga
Bizkaibus	A2321 Santutxu - EHU (Autobidetik)
Bilbobus	03 Plaza Biribila - Otxarkoaga; 13 San Ignazio - Txurdinaga; 30 Txurdinaga - Miribilla; 38 Otxarkoaga - Termibus; 43 Garaizar - Santutxu; G2 Otxarkoaga - Plaza Biribila
Bestelakoak	Taxi

Txurdinaga Bilboko metroaren 3. lineari eta Euskotrenen E1, 1D eta E3 lineei dagokien lurpeko geltokia da, Bilboko izen bereko auzoan kokatuta dagoena. Metroaren 3. linea irekitzearekin batera, 2017ko apirilaren 8an, martxan jarri zen, eta Bizkaiko Garraio Partzuergoaren 1. tarifa-gunearen barruan dago.^[1]

43.259526°N 2.906346°W

Datu azkarrak Txurdinaga, Lineak ...

Itxi

Geltokiak 5 minutura 4.013 biztanleri, eta 10 minutura 7.076 bizilagunei ematen die zerbitzu.^[2]

Hasiera batean geltokirako sarbideak L. Manning lorategietan eta Gabriel Aresti etorbidean proiektatuta zeuden arren, 2011ko martxoan Euskal Trenbide Sareak jakinarazi zuen lurzoruarekin arazoak topatu zituztela. 2013ko urtarrilean, arazoak zirela eta, sarbideak kokalekuz mugitu behar izan ziren. Azkenik sarbideak Garai lorategietatik hurbil, eta Gabriel Aresti etorbideko 30. zenbakian eraiki dira. Igogailua ere Gabriel Aresti etorbidean dago.^[3]

Geltokiak bi eskailera mekanikodun sarbide, eta igogailu bidezko sarbide bat ditu.

Gabriel Aresti etorbidea, 30 (Gabriel Aresti irteera)
Jesús Galíndez, 14 / Oinezko kalea (Garaizar irteera)
Gabriel Aresti etorbidea / Garai lorategiak (Gabriel Aresti irteera)

Gaueko sarbideak

Gabriel Aresti etorbidea, 30 (Gabriel Aresti irteera)
Gabriel Aresti etorbidea / Garai lorategiak (Gabriel Aresti irteera)

2017ko apirilaren 8an geltokia martxan jarri zen, Metroaren 3. linea irekitzearekin batera, eta Euskotrenen E3 linea ere geltokitik pasaraziz.

2017ko ekainaren 19an Euskotrenen linea aldaketa gauzatu zen eta ordutik E1 eta 1D lineek ere geltokian geldialdia egiten dute.

2017ko abenduaren 4an txartel-salmenta makina automatiko berriak ezarri ziren geltokian, mugikortasun urriko pertsonentzako irisgarritasun materian estandarrak bete, entzuteko desgaitasuna duten pertsonentzako T moduko bukle magnetikoa, Braille serigrafiak interakzio elementu guztietan (botoiak, txarteldegiak, eta abar), eta itsumen eta ikusteko desgaitasun handia duten pertsonei egokitutako salmenta softwarea dutenak.^[4]

Etorkizunean Euskotrenen E4 lineako trenak Bilboko metroaren 3. lineatik pasatzea espero da, Metro linea elikatzeko eta hala 7,5 minutuko maiztasuna mantentzeko.^[5] 2018ko irailerako aurreikusita zegoen arren, oraindik ez da aldaketa egin.

Geltokiaren kanpoaldean Bilbobus eta Bizkaibus zerbitzuak hornitzen dituzten sei autobus geraleku daude. Gainera, geltokiaren ondoan bertakoentzako aparkalekua dago. Hurrengo lineak geralekuetatik pasatzen dira: