Hego Afrikako kolonia aleman eta ingelesa From Wikipedia, the free encyclopedia
Lurmuturreko kolonia (nederlanderaz: Kaapkolonie; ingelesez: Cape Colony) Hegoafrikako lurralde bat izan zen, hasieran Herbehereen mende egon zena (1652-1795), eta ondoren Britainia Handiaren mende (1795-1910). Koloniaren ereserkia ''God Save the Queen'' izan zen.
| Lurmuturreko kolonia Kaapkolonie / Cape Colony | |||||||
|---|---|---|---|---|---|---|---|
| 1795 – 1910 | |||||||
| Monarkia konstituzionala | |||||||
| |||||||
 Lurmuturreko koloniaren kokapena (gorriz) | |||||||
| Geografia | |||||||
| Hiriburua | Lurmutur Hiria | ||||||
| Biztanleria | 2 564 965 (1910ean gutx.) | ||||||
| Azalera | 569,020 km² (1910ean) km² | ||||||
| Ekonomia | |||||||
| Dirua | Libera esterlina | ||||||
| Kultura | |||||||
| Hizkuntza(k) | Ingelesa eta nederlandera | ||||||
| Erlijioa | Herbeherear eliza erreformatua, Eliza anglikarra | ||||||
| Historia | |||||||
| |||||||
Ozeano Atlantikotik hasi eta ekialdera zabaltzen zen. Bertan bizi ziren xhosekin hainbat gudu egin ondoren, lurraldearen mendebaldeko muga Fish ibaian ezarri zen. Bestalde, iparraldeko muga ezartzeko Orange ibaia erabili zen denbora askoan. Muga horrek Orange ibaiaren iparraldeko zeuden Botswana hegoaldeko lurrak koloniarekin batu ziren unera arte iraun zuen.
Lurmuturreko kolonia Jan van Riebeeck komandante herbeherearrak —Ekialdeko Indietako Herbeheretar Konpainiarentzat (Vereenigde Oostindische Compagnie) lan egiten zuen— 1652an Lurmutur Hiria sortu zuen unetik existitzen hasi zen.
«Frantziar Gerra Handia» izenaz ezagutzen den garaiaren hasieran (garai horrek Napoleondar Gerrak barne hartzen ditu), Napoleonek Herbeheretar zazpi probintziak menderatu zituen, Britainia Handiaren hainbat lurrekin batera. 1798an, Ekialdeko Indietako Herbeheretar Konpainiak bere mende zeuden lurrak Bataviako Errepublikari eman zizkion: urte horretan bertan, konpainia likidatu egin zen diru faltarengatik. Britainia Handiak 1803an Bataviako Errepublikari Lurmuturreko kolonia itzuli zion.
Frantziaren aurkako guduek bere horretan segitzen zutenez, britainiarrek ekialde urrunera joateko bideak kontrolpean edukitzeko eta Napoleon lurralde horretatik kanpo mantentzeko, 1806an Blaauwbergo gudua irabazi ondoren, Lurmuturreko kolonia bereganatu zuten.
1806ko urtarrilaren 8an, kolonia britainiarren mendeko lur gisa aitortu zen eta beraien mende segitu zuen, 1910ean Hegoafrikar Batasuna estatu unitario gisan sortu zen arte. Une hartatik aurrera, Lurmuturreko probintzia izena hartu zuen.
Datuak: Q370736
Multimedia: Cape Colony / Q370736Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
