Katalina
emakumezko izena From Wikipedia, the free encyclopedia
emakumezko izena From Wikipedia, the free encyclopedia
Katalina, Katalin eta beste aldaera batzuk emakumezkoen izenak dira. Santutegirako eta pertsonaia historikoetarako Katalina arautua du Euskaltzaindiak, baina Katalin ere izendegi arautuko forma da[1]. Hipokoristiko ugari ditu eta ezagunenak dira Kattin eta Kattalin. Aldaerak: Katarina, Katelina, Katerin, Katerina, Katariñe (Deun-ixendegi euzkotarrekoa), Katrin eta Katixa.
Katalina Erauso | ||
Datuak | ||
---|---|---|
Sexua | Emakumezkoa | |
Jatorria | Greziarra | |
Antzeko izenak | Katherine, Katheryn, Kathryne, Kathryn, Katharyn, Katherin, Catharine, Cathryn, Katheryne, Catherine, Katharine, Katharina, Ketherane, Katerine, Katrine, Katrina, Katrin, Karina, Carina, Kathrin, Katarina, Catarina, Katerina, Caterina, Ekaterina, Yekaterina, Chatarina, Aikaterine |
Herrialde kristauetan ezagunak dira izen hauek eta bere aldaerak. Etimologikoki grezierako Αἰκατερῖνα edo Αἰκατερίνη, Aikaterína, Aikaterínē izenetik dator. Kristauen artean aski erabilia izan zen, khataros ("garbia") hitzarekin lotu baitzen. Honela deitzen diren bi santa daude, Sienakoa eta Alexandriakoa, azken hau delarik ezagunena, bere martirioan erabilitako gurpil horzdunari izena eman ziolako[2]. Azken honen jaia martxoaren 24an da.
Nafarroako Erresumako artxibategietan sarri agertzen den izena da, forma desberdinekin, Katerina bat (Quaterina) merkatari franko baten alaba Lizarran, 1346. urtean, eta beste bat (Catherina) Munarritzen aipatua da 1518an. Luzaiden Katarina bat dago (Catharina de Barba) 1428an, Katalina (Catalina) bat Berroetan 1509an eta Katalin (Catalin) Elizondon 1529an.
Erregetzan Katalina izena izan dutenen artean aipagarriak dira:
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.