aktorea From Wikipedia, the free encyclopedia
Jon Olivares (Madril, 1988ko azaroaren 25a) hezitzaile eta antzezle euskalduna da.[1]
| Jon Olivares | |
|---|---|
 | |
| Bizitza | |
| Jaiotza | Madrilgo Erkidegoa, 1988ko azaroaren 25a (35 urte) |
| Herrialdea |  Espainia |
| Bizilekua | Bergara |
| Hezkuntza | |
| Hizkuntzak | gaztelania euskara |
| Jarduerak | |
| Jarduerak | aktorea eta irakaslea |
| Izengoitia(k) | Olivo |
    | |
Jon Olivares Madrilen jaio zen, baina 7 urte zituela Euskal Herrira lekualdatu zen. Ama euskalduna eta aita kanariarra ditu, eta, aitaren sendia bertakoa izaki, haurtzaroan udak Kanariar uharteetan igarotzen zituen. Txikitan hezitzaile eta bikoizketa-aktore izan nahi zuen.[2]
2009an Haur Hezkuntza ikasten hasi zen Mondragon Unibertsitatean eta, ikasten ari zela, Taupada antzerki taldean sartu zen obra txiki bat antzezteko.[2][3][4] Arrasateko Txatxilipurdi aisialdi elkartean ere aritu zen urte askoan.[5]
2011. urtean, 23 urterekin, Bergarako Osintxu auzoko auzoalkate[6] gisa aukeratu zuten eta lau urtez egon zen karguan.[7]
Gero, aktore ibilbideari ekitea erabaki zuen eta hainbat antzezlanetan parte hartu zuen. 2013an agertu zen lehen aldiz ETB 1eko Goenkale telesailean.[8] 2016an Ruben Sainzek zuzenduriko Liknart film laburreko protagonista izan zen. 2019an, Ihesaldia Basauri telesailean lan egin zuen eta urte berean Patria telesailean Joxe Mari pertsonaia antzeztu zuen; telesail hartan Elena Irureta, Ane Gabarain, Jose Ramon Soroiz, Mikel Laskurain, Eneko Sagardoy eta Loreto Mauleon aktoreekin lan egin zuen, besteak beste.[9][2] Hurrengo urtean, 2020an, Altsasu miniseriean Urkoren papera antzeztu zuen. 2021ean Marco Baradak zuzenduriko Yo tampoco sé qué hago aquí film laburrean parte hartu zuen, Martin izeneko pertsonaiaren paperean eta, urte berean, bi telesailetan agertu zen: Amazon Prime Videoren Desaparecidos eta Netflixeko Sagrada familian. 2022an Almudena Grandes idazlearen liburu batean oinarritutako Los pacientes del doctor García telesailean lan egin zuen[10] eta Roberto Cano zuzendariaren Imbécil film laburreko protagonista izan zen. Lehen film luzea Javier Ruiz Calderak zuzenduriko Un hombre de acción izan zen, Lucio Urtubiaren istorioa kontatzen duena.[11]
Bere izen osoa Jon Ruben Olivares da. Aita idazlea du eta Jonen bigarren izena Rubén Darío poetagatik ipini zion.[5]
Itziar Atienza aktorearen bikotekidea da.
| Urtea | Izenburua | Papera | Telebista katea | Oharrak |
|---|---|---|---|---|
| 2011 | Mihiluze[8] | ETB 1 | lehiaketako partaidea | |
| 2013 | Goenkale[8] | ETB 1 | Zati txikiak | |
| 2019 | Ihesaldia[12] | preso komuna | ETB 1 | 5 atal |
| 2019 | Patria[9] | Joxe Mari | HBO | 8 atal |
| 2020 | Altsasu[13] | Urko | ETB 1 | 4 ataleko minisaila |
| 2021 | Sagrada familia | Pedro Olvares Simón | Netflix | 8 atal |
| 2021 | Desaparecidos[14] | Nano Reyes | Amazon Prime | 4 atal |
| 2022 | Los pacientes del doctor García[15] | Adrián Gallardo | TVE | 8 atal |
| 2024 | Touré detektibea | ETB 1 / La 1 | 6 atal |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
