Ane Gabarain

Ane Gabarain Gaztelumendi (Donostia, 1963ko ekainaren 2a) euskal aktorea da. Sarritan telebistan lan egin badu ere, zinema eta antzerkia ere jorratu ditu. Euskal Herrian batez ere Bi eta bat, Jaun ta Jabe eta Mi querido Klikowsky telesailengatik da famatua.^[1] Espainia mailan paper txikiak egin izan ditu gehienetan, horien artean Álex de la Iglesiaren bi filmetan: La Comunidad eta 800 balas.

Ane Gabarain
(2012) Irudi gehiago
Bizitza
Jaiotza	Donostia, 1963ko ekainaren 2a (61 urte)
Herrialdea	Gipuzkoa, Euskal Herria
Hezkuntza
Hizkuntzak	euskara gaztelania
Jarduerak
Jarduerak	aktorea
Jasotako sariak	ikusi Taldeko emakumezko aktorerik onenaren Goya Saria  (2024) : 20.000 especies de abejas

Gorka Aguinagalderekin, 2016.

Iñake Irastorza eta Ane Gabarain, Euskal Antzerki Topeketak, 2016

Etxeko Saltsak, Euskal Antzerki Topeketak, 2017

2024ko otsailaren 10ean multzoko emakume aktore onenaren Goya saria jaso zuen Valladoliden, 20.000 especies de abejas filmako Lurdes pertsonaiarengatik.^{[2][3][4][5][6]}

2024ko urriaren 2an Euskal Aktoreen Batasunak emanda emakumezko aktore onenaren saria jaso zuen, Estibaliz Urresolaren 20.000 erle espezie filmeko interpretazioarengatik.^[7]

Biografia

Arte Dramatikoko Ikasketak egin zituen Antzertin eta Deklamazioa Donostiako Udal Kontserbatorioan.^[8]

Aktore ibilbidea

Interpretatzaile komikoa eta ezaguna da, batez ere Euskal Herrian. Bere ibilbide profesionalaren zatirik handiena ETBko hainbat telesailetan garatu du, hala nola Bi eta bat (1991-1993), Jaun ta Jabe (1995-1997) edo Mi querido Klikowsky (2005). Estatuan, oro har, noizbehinkako lanak egin ditu. Álex de la Iglesiaren bi filmetan (La Comunidad eta 800 balas) esku-hartze txikiak egin ditu.^[9] Maritxuren papera ere interpretatu zuen, Allí Abajo (2015-2019) telesailean eta Miren izan zen Patria (2016) telesailetan. Fernando Arambururen izen bereko best seller-ean oinarritutako HBO telesaila da, eta Nazioarteko Emmy sari baterako izendatu zuten.^[10][11][12]

2023ko urrian Euskal Zine Bilerak Begirada saria eman zion Elena Iruretarekin batera, ikus-entzunezkoen alorrean egindako ekarpenengatik.^[13]

Filmografia

Zinema

• Gaua (2025)
• 20.000 especies de abejas (2023)
• Agur Etxebesteǃ (2019)
• La higuera de los bastardos (2017)
• Fe de etarras (2017)
• Loreak (2014)
• Loco con ballesta (2012)
• Mystikal (2010)
• 80 egunean (2010)
• Sukalde kontuak (2009)
• El coche de pedales (2004)
• 800 balas (2002)
• La comunidad (2000)
• Pecata minuta (1999)
• 40 ezetz (1999)
• Fuma y deja fumar (1996)
• Sálvate si puedes (1995)
• Adiós Toby, adiós (1995)
• Maité (1994)
• Maider (1989)

Telebista

• Touré detektibea (2024)
• Amar es para siempre (2021)
• Patria (2020)
• VPO (2018)
• Nekane Amaya (2016)
• Allí abajo (2015)
• Goenkale (2013-2015)
• Bi eta bat (2012)
• Sabin (2011)
• Mi querido Klikowsky (2006)
• Los Serrano (2005)
• Kilker Dema (2002)
• Periodistas (2000-2001)
• Policías, en el corazón de la calle (2001)
• 7 vidas (2000)
• Jaun ta jabe (1997)
• Bi eta bat (1990-1993)

Sariak eta aintzatespenak

Urtea	Saria	Kategoria	Lana	Emaitza
2016	Ramón Labayen Saria, Ulialde elkartea			Irabazlea
2021	Forqué Sariak	Telesail bateko emakume aktore protagonista onena	Patria	Izendatua
2021	Feroz Sariak	Telesail bateko emakuem aktore protagonista onena		Izendatua
2021	MiM Series Saria	Telesail bateko emakume aktore protagonista onena (ex aequo Elena Iruretarekin)		Irabazlea
2021	Nazioartek Emmy Saria	Emakumezkoen Emanaldi Onena (Espainia)		Izendatua
2023	Goya Saria	Bigarren mailako emakume aktore onenaren saria	20000 especies de abejas	Irabazlea

• 2024ko otsailaren 10ean multzoko emakume aktore onenaren Goya saria, 20.000 especies de abejas filmako Lurdes pertsonaiarengatik.^[2][3][4][5]