Jokin Errasti Aranbarri, pilota arloan Errasti deituraz ezaguna (Azkoitia, Gipuzkoa, 1966ko ekainaren 1a) esku huskako pilotari profesional ohia da. Atzelari jokatzen zuen. Profesionaletako estreinako partida 1985eko uztailaren 24an, Zarauzko Zinema pilotalekuan jokatu zuen. Empresas Unidasen aritu ondoren, 1995ean Asegarcek fitxatu zuen. 2000tik aurrera arazo franko izan zuen lesioekin.[1] Azken partida 2006ko abenduaren 30ean jokatu zuen, Tolosako Beotibar pilotalekuan. Gerora, Josetxo Lizartzari lagunduz telebistako esatari lanetan esku huskako pilotari loturik jarraitu zuen.
| Errasti | ||||
|---|---|---|---|---|
| Izen osoa: | Jokin Errasti Aranbarri | |||
| Jaiotza data: | 1966ko ekainaren 1a (58 urte) | |||
| Jaioterria: | Azkoitia, Gipuzkoa (Euskal Herria) | |||
| Pilotaria | ||||
| Modalitatea: | esku huskako pilota | |||
| Egungo enpresa: | erretiratua | |||
| Postua: | atzelaria | |||
| Altuera: | 1,87 m | |||
| Pisua: | 95 kg | |||
| Debutatze data: | 1985eko uztailaren 24a | |||
| Debutatze pilotalekua: | Zinema (Zarautz) | |||
| Erretiratze data: | 2006ko abenduaren 30a | |||
| Erretiratze pilotalekua: | Beotibar (Tolosa) | |||
Jokin Errasti ez zen pilotari indartsuenetakoa, baina nekez galtzen zuen pilotarik, eta pilota ezker paretara gehien arrimatzen zutenetakoa zen. Esku huskako pilotan, hiru final handi jokatu zituen, bi final Binakako Txapelketa Nagusian, eta bat Lau eta Erdiko Txapelketa Nagusian. Final horietan, binaka, txapel bat jantzi zuen Mikel Unanuerekin; eta lau eta erdian, txapeldunorde geratu zen Patxi Eugiren aurka. Gainera, Errastik du esku huskako pilotan jarraian irabazitako partiden errekorra: 33 garaipen bata bestearen atzetik, 1997ko urriaren 26tik 1998ko ekainaren 21eraino.[2]
- 1991ko Buruz Buruko Bigarren Mailako Pilota Txapelketako txapelduna.
- 1992ko Lau eta Erdiko Pilota Txapelketa Nagusiko txapeldunordea.
- 1998ko Binakako Pilota Txapelketa Nagusiko txapelduna.
- 2000ko Binakako Pilota Txapelketa Nagusiko txapeldunordea.
Binakako finalak
| Urtea | Txapeldunak | Txapeldunordeak | Tantoak | Pilotalekua |
|---|---|---|---|---|
| 1997-98 | Unanue - Errasti | Etxaniz - Elkoro | 22-21 | Atano III.a |
| 2000 | Titin III.a - Lasa III.a | Unanue - Errasti | 22-19 | Ogeta |
Lau eta erdiko finalak
2. mailako finalak
| Urtea | Txapelduna | Txapeldunordea | Tantoak | Pilotalekua |
|---|---|---|---|---|
| 1987 | Urra | Errasti | 22-16 | Anoeta |
| 1990 | Soroa III.a | Errasti | 22-17 | Anoeta |
| 1991 | Errasti | Muntion | 22-08 | Anoeta |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
