Inosperma adaequatum edo Inocybe adaequata Inocybaceae familiako onddo espezie bat da.[1] Ez da jangarria, usain txarra du.
| Inosperma adaequatum | |
|---|---|
 | |
| Sailkapen zientifikoa | |
| Erreinua | Fungi |
| Klasea | Agaricomycetes |
| Ordena | Agaricales |
| Familia | Inocybaceae |
| Generoa | Inosperma |
| Espeziea | Inosperma adaequatum P. Brandon Matheny & F. Esteve-Raventós, 2019
|
| Basionimoa | Agaricus adaequatus |
Sinonimoak: Inocybe rhodiola, Inocybe jurana.
Deskribapena
Kapela: 4 eta 10 cm bitarteko diametrokoa, zuntz erradialekin markatua, hasieran konikoa edo kanpai itxurakoa, gero titi zabal bat osatuz zabaltzen da. Marroi-gorrixka edo marroi ilun kolorekoa, hozkadetan edo azalaren azpiko haragian, orban gorri-karmin edo purpura koloreko batzuk izaten ditu helduaroan. Azal lehorra. Perretxikoa heltzen denean ertza pitzatu egiten da.
Orriak: Estu, gris-okre kolorekoak, gero marroi-okre antzeko kolorekoak, ertz pixka bat argiagoarekin.
Hanka: Lodia eta irmoa, goian zurixka, erdian gris-more kolorea eta purpura kolorea oinarrian; fibrilosoa.
Haragia: Gorritu egiten da; zuri-arrosa kolorekoa kapelan eta purpura kolorekoa hankaren oinarrian; usain espermatikoa eta desatsegina du.[2]
Etimologia: Inocybe terminoa, muskulua, nerbioa, zuntza esan nahi duen "is inós" hitzetik eta burua esan nahi duen "cybe" hitzetik dator; hau da, zuntzezko kapela.
Jangarritasuna
Ez da jangarria.[3]
Nahasketa arriskua
Nahiz eta Inocybe guztiak sailkatzeko zailak izan, hau bereizten da, itxura sendoa eta usain espermatiko handia duelako
Sasoia eta lekua
Udazkenean, erretxinadun basoetako soilguneetan. Ez da oso ohikoa.[4]
Banaketa eremua
Kanada, Ameriketako Estatu Batuak, Europa, Errusia, Israel, Iran, Japonia.[5]
Erreferentziak
Kanpo estekak
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
