Bosniako poni

Bosniako ponia, (bosnieraz: Bosanski brdski konj), edo Bosniako mendiko zaldia, Bosniako antzinako bertako zaldi arraza da^[1]. Bere tamaina zein hainbat ezaugarrietatik ponien sailkapen taldean sartzen da.

Bosniako poni
Zaldi arraza
Espeziea	Equus ferus caballus
Jatorria	Bosnia-Herzegovina
Sinonimoak	Bosniako mendiko zaldia.

Bosniako ponia Balkanetako zaldi arrazen sailkapen taldean kokatzen da. Bertan Albaniako ponia, Arravani, Aénos, Peneiako ponia, Skyros ponia, Krk-ko uharteko ponia, zein Pindoko ponia daude besteak beste.

Dirudienez Bosniako ponia garai batean Balkanetan hedatutako przewalski zaldien eta tarpanen arteko gurutzaketatik dator.

Arrazaren Historia

Bosniako ponia Hutsul eta Konick poni arrazen oso antzekoa da^[2]. Lehen esan bezala, beste hainbat arrazekin Balkanetako zaldi arrazen taldea osatzen du. Uste da lehen aipatutako tarpan eta przewalski zaldiez gain, Otomandar Inperioaren zalditeriaren abereek arrazan eragin zutela^[3].

1900. urtetik aurrera, Bosniako ponien hautaketa eta hobekuntza programa hasi zen gobernuaren aldetik. Arrazaren kudeaketarako gune nagusia Borike Stud izenekoa izan zen.

Arrazako abereen kopurua asko murriztu zen azken 1992-1995ko Bosniako gerran, eta gerraz gero Bosniako ponien kopurua ez da emendatu. Arraza garbiko abelburuen kopurua ez da 100 baino askoz gehiegokoa.

Bosniako poniak. Moxalak

Ezaugarriak

• Altuera: 135-145 cm. soin gurutzera.

Bosniako ponia literaturan

Ivo Andritxek, serbokroazieraz idatzi zuen idazlea bosniarra eta Literatura Nobel sariduna, Zubi bat Drinaren gainean liburu ospetsuan Bosniako ponien deskribapen ederra eta zehatza egiten du.

Arrazaren egoera

Bosniako ponia nekazaritzako lanetan joan den mendearen hasieran

Nahastutako Bosniar poni ugari egon arren, arraza garbiko abelburuen kopurua 100 ingurukoa da. Gehienak Borike atxaldean dagoen babesgunean daude, Sarajevotik 50 kilometroetara^[4].

Erreferentziak

1. http://www.theequinest.com/breeds/bosnian-pony
2. https://web.archive.org/web/20111001014911/http://www.equinekingdom.com/breeds/ponies/bosnian.htm
3. Tamsin Pickeral, The Encyclopedia of Horses and Ponies, Parragon Plus, 2001. (ISBN 0-7525-4158-7)
4. http://www.diariodemallorca.es/ciencia/2009/08/08/ultimo-refugio-raza-autoctona-caballo-montes-bosnio/492114.html

Bibliografia

• Telalbašić R.; Žiga E: "Bosanski brdski konj" - Zbornik radova IP Svjetlost Sarajevo, 2003.ISBN 9958-10644-2
• Katica V.: "Autohtone pasmine domaćih životinja u Bosni i Hercegovini" - Sarajevo, 2004
• Žiga E.; Telalbašić R. : "Bosanski brdski konj - monografija", IP Šahinpašić Sarajevo, 2008. ISBN 978-9958-41-245-1
• Žiga E.; Telalbašić R. : "The Bosnian mountain horse - a monograph" IP Šahinpašić Sarajevo, 2009. ISBN 978-9958-41-295-0
• Telalbašić R.; Rahmanović A.; Žiga E.: "Bosanski brdski konj, krvne linije pastuha i rodovi kobila na ergeli Borike, Bosna i Hercegovina" Radovi Poljoprivredno-prehrambenog fakulteta u Sarajevu, 2011. BH ISSN 0033-8583
• Telalbašić R.; Žiga E.; Rahmanović A. : "Matična knjiga Bosanskog brdskog konja ergelskog uzgoja", IP Šahinpašić Sarajevo, 2011. ISBN 978-9958-41-447-3

Kanpo estekak

• (Gaztelaniaz) Arrazari buruzko artikuloa
• (Ingelesez) Arrazari buruzko artikuloa "The equinest" entziklopedian

• Datuak: Q894451
• Multimedia: Bosnian Mountain Horse / Q894451

Iruditegia

• 
• 
• 
• 
• 
• 
• 
• 
•