Bisigu arrunt
From Wikipedia, the free encyclopedia
From Wikipedia, the free encyclopedia
Bisigu arrunta, arrosel arrunta edo —umetan— pantxoa (Pagellus bogaraveo) Sparidae familiako ur gaziko arraina da, ekialdeko Ozeano Atlantikoan eta mendebaldeko Mediterraneo itsasoan bizi dena[1]. Haragi zuriko itsas arraina da, sukaldaritzan oso preziatua. Gorputz sendo zabala du, ezkata handiz estalia; burua txiki samarra du, eta begiak handiak oso.
| Bisigu arrunt | |
|---|---|
 | |
| Iraute egoera | |
 Ia galzorian (IUCN 3.1) | |
| Sailkapen zientifikoa | |
| Erreinua | Animalia |
| Filuma | Chordata |
| Klasea | Actinopteri |
| Ordena | Spariformes |
| Familia | Sparidae |
| Generoa | Pagellus |
| Espeziea | Pagellus bogaraveo (Brünnich, 1768)
|
Ingalaterratik Mauritaniarainoko itsasoetan bizi da, baita Mediterraneoan ere. Txikia denean itsasertzetik hurbil bizi da. Udaberrian iparralderantz egiten du, eta udazkenean berriro itzultzen da. Bizkaiko golkoko bisigua otsailean ugaltzen da. Eme bakoitzak milioi erdiren bat arrautza erruten ditu. Garai horretan zabalgune kontinentaletan bizi izaten da; beraz, arrantza urria izan ohi da, bai arrastekoa eta bai hondokoa. Harrapaketarik handienak neguan eta udan egiten dira, bisigua itsasertzetara hurbiltzean, alegia; hortik dator arrain honek Eguberrian duen eskea.
Neurriz gaineko arrantzaren ondorioz, arrain mota honen arrantza gainbehera joan da azken urteotan.
Goi-nafarreraz arrosela esaten diote, bizkaiera-gipuzkeretan besegu, bizkaieraz besigu, gipuzkera-lapurteretan errosela, gipuzkeraz bisigu edo bixigu; eta gaztean denean, bizkaieraz pantxo edo txarrantxan.[2][3]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
