Barbara Goenaga

Barbara Goenaga Bilbao (Donostia, Gipuzkoa, 1983ko uztailaren 20a - ) euskal herritar aktorea da, bitxiak saltzeko enpresa bat ere baduena. Juan Luis Goenaga margolari alkizarraren alaba da, Aizpea Goenaga aktore eta idazlearen iloba eta Borja Semper PP alderdi eskuindarreko agintariaren bikotekidea.

Barbara Goenaga
(2008) Irudi gehiago
Bizitza
Jaiotzako izen-deiturak	Bárbara Goenaga Bilbao
Jaiotza	Donostia, 1983ko uztailaren 20a (41 urte)
Herrialdea	Gipuzkoa, Euskal Herria
Familia
Aita	Juan Luis Goenaga
Ezkontidea(k)	Borja Sémper Pascual
Bikotekidea(k)	ikusi Óscar Jaenada Borja Sémper Pascual
Familia	ikusi Aitzpea Goenaga (izeko) Juani Mendiola (amona) Aia Kruse (lehengusina propio)
Hezkuntza
Hizkuntzak	euskara gaztelania
Jarduerak
Jarduerak	aktorea
barbaragoenaga.com

Biografia

Txiki-txikitatik hasi zen aktore lanetan, hiru urte baino ez zituela, izeba Aizpea Goenagarekin^[1][2] batera, Juan Miguel Gutierrezek zuzendutako Bai Horixe! telesailean. Aurrerago, Euskal Telebistako hainbat sailetan hartu zuen parte: Beni eta Marini (1991), Duplex (1993) eta Goenkale^[3] (1994-1999): azken horrek Euskal Herrian ezagun egin zuen, Ainhoa izeneko pertsonaiaren paperean. Sail horietako parte hartzeak euskal zinemako hainbat lanekin uztartu zuen, hala nola, Arantxa Lazkanoren Urte ilunak (1992) eta Ramon Barearen Adiós Toby, adiós (1995).

Arrakasta horren ondorioz, espainiar zineman lan egiten hasi zen, El Comisario (Telecinco, 1999), Condenadas a entenderse (Antena 3, 1999) eta Hospital Central (Telecinco, 2000) sailetan, baina benetako jauzia 2000 eta 2001 urte bitartean egin zuen, Mi dulce (2000) filmaz eta El grupo (Telecinco, 2001) telesailaz. Azken horri esker lortu zuen telebistako aktore onenari Jokulariak Saria, Euskal Aktoreen Batasunak emandakoa.

Hurrengo urteetan, antzerkian eta telebistan hainbat lan egiten segitu zuen, bai eta film labur batzuetan ere. Zinemari dagokionez, film luze gehienak 2007an egin zituen; urte hartan, La luna en botella, Anastezsi, 3:19, Oviedo Express^[4] eta Kronokrimenak filmetan antzeztu zuen. 2008. urtean, besteak beste, Berri Ona eta No me pidas que te bese, porque te besaré egin zituen.

Bizitza pertsonala

Óscar Jaenada aktorearekin 2011ko otsailean jaiotako ume bat (Aran), izan zuen.^[5] Banatu eta urte batzuetara, 2016an, bere bigarren semea izan zuen, Telmo.^[6] Aita Borja Sémper politikaria da.^[7] 2018an bikoteak bigarren semea izan zuen, Eliot izenekoa.

Lanak

Zinema

Film luzeak

• Pikadero (2015)
• 33 días (2015)
• La punta del iceberg (2015)
• Bypass (2012)
• Le village des ombres (2010)
• Sin retorno (2010)
• Agnosia (2010)
• Izarren argia^[8][9] (2010)
• Sukalde kontuak (2009)
• Berri Ona (2008)
• Txokolate apur bat (2008)
• Kronokrimenak (2007)
• No me pidas que te bese, porque te besaré (2008)
• Berri Ona (2008)
• Oviedo Express (2007)
• 3:19 (2007)
• Anastezsi (2007)
• La luna en botella (2007)
• Mia Sarah (2006) (ahotsa)
• Amor en defensa propia (2006)
• El regalo de Silvia (2003)
• Mi dulce (2000)
• Urte ilunak (1992)

Film laburrak

• Choque (2005)
• El invierno pasado (2004)
• Las superamigas contra el profesor vinilo (2003)
• Lauburu (2001)
• Adiós Toby, adiós (1994)

Antzerkia

• Cara de plata (2005)
• Historia de una escalera (2004)
• La enfermedad de la juventud (2003)

  

  Barbara Goenaga

Telebista

• Ztanda (2023)
• Elkano: mugarik gabe (2022)
• Eskamak kentzen^[10] (2016)
• Cuéntame como pasó^[11] (2014)
• Amar es para siempre (2013)
• Vientos de agua (2005, 6 saio)
• Al filo de la ley (2005, saio 1)
• Una nueva vida (2003, saio 1)
• A medias (2002)
• El grupo (2001, 11 saio)
• Hospital Central (2000, saio 1)
• Condenadas a entenderse (1999, 2 saio)
• El comisario (1999, saio 1)
• Goenkale (1994-1999)
• Duplex (1993)
• Beni eta Marini (1991)
• Bai Horixe! (1986)

Sariak[12]

• 2008: Emakumezko aktore berri onenaren Goya Sarirako izendatua izan zen Oviedo Express filmean egindako lanagatik.
• 2004: Emakumezko aktore onenaren Telón chivas saria.^[13]
• 2004: Aktore onenaren saria El Mundoren XII. Euskal Zinema sarietan.
• 2004: Unión de Actores Saria, emakumezko antzezlerik onena, Historia de una escaleran egindako lanarengatik.^[14]
• 2003: Lorcako Jaialdian emakumezko antzezlerik onena.^[13]
• 2001: Plazara Gaztea Saria Euskadi Gazteako entzuleen eskutik.^[13]
• 2001: Telebistako aktore onenari Jokulariak Saria Euskal Aktoreen Batasunaren eskutik, El grupo telesailean egindako lanarengatik.^[13]