Bai Horixe HABEk sortu eta Euskal Telebistak emandako euskal telesaila da, Juan Miguel Gutierrezek zuzendua. Euskara ikasteko eta bideoz grabatutako lehenengo programa izan zen, eta Euskal Telebistak jarraituki emandako lehenengo telesaila. Gainera, aktore euskaldunekin grabatu zen, eta zuzeneko soinua erabiliz. Telesailarekin batera, Bai Horixe: Euskara Ikasteko Lehenengo Urratsa liburuak sortu zituen HABEk.
Bai Horixe argitaratzean, baliabide berri bat jarri nahi izan zuen HABEk euskara ikasten eta irakasten ari zirenen eskuetan. Baliabide berria, sortu berria zelako eta teknika berriez egina, gizarte berriak eskatzen zuenaren arabera. Eta horrexek hain zuzen egiten zuen berria ez ezik, bizia eta erakargarria, eraginkorra eta anitza...
Talde zabal baten ia lau urteko (1985-1988) lanen emaitza izan zen, euskara ikasten hasten zirenei lehen urratsetan laguntzeko moldatua: hasi ez hasi zebiltzanei bultzatzeko, hasiberriei aurrera eragiteko, eta aurreraxeago zihoazenei arnasa berria emateko.
Hala ere, ez zen erabateko metodoa, baizik euskara ikasten hasteko lehen bultzada. Guztira, 30 saiok osatzen zuten Bai Horixe bideo programa. Saio bakoitza ordu erdikoa zen eta bost atal nagusi zituen:
- Mintzagaia, bost minutuko filma, sarrera gisa eta landu beharreko edukiak aurkezteko.
- Hiztegia, hitzen esanahia eta erabilera azaltzeko.
- Landuz, gramatikaren arloa lantzeko.
- Esamoldeak, esamoldeak eta haien testuinguruak lantzeko.
- Istorioa, bost minutuko bideoa, errepasoa egiteko.
- Ramon Agirre
- Agustin Arrazola
- Jose Ramon Soroiz
- Elena Irureta
- Olatz Beobide
- Patxi Santamaria
- Arantxa Gurmendi
- Kontxu Odriozola
- Aizpea Goenaga
- Mikel Garmendia
- Barbara Goenaga
- Isidoro Fernández
- Eneko Olasagasti
- Xabier Agirre Lopetegi
- Pilar Rodríguez
- Maribi Arrieta
- Cecilia Galarraga
- Juan Luis Mendiaraz
- Lourdes Yarza
 |
Artikulu hau telebistari buruzko zirriborroa da. Wikipedia lagun dezakezu edukia osatuz. |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
