Ztanda (telebista saioa)

Ztanda! ETB1en emititzen den talent show formatuko lehiaketa da. Barbara Goenaga eta Iker Villa dira aurkezleak. 2023ko urrian hasi da emititzen, igandero 22:00etan. Euskal Herriko bazter askotako gazteak elkarren aurka lehiatuko dira, kantuan eta dantzan, 15.000 euroko saria lortzeko. Goenaga eta Villaren gidaritzaz gain, programak La Oreja de Van Gogheko Leire Martinez, ETB1eko SOS Kantak Arriskuan programako aurkezle Klara Mendizabal eta Chill Mafia taldeko abeslari Beñat Rodrigo (Kiliki Frexko) epaimahaikide izango ditu. Saio batzuetan, epaimahaikide gonbidatu bat egongo da, hala nola Gatibu taldeko abeslari den Alex Sardui (2. saioan) edo Kai Nakai (4. saioan).

Formatua

Lehenengo edizioa 13 partaiderekin hasi zen, 17 eta 24 urte bitartekoak. Saio bakoitzean lehiakideetako bat edo bi kanporatuak izango dira, saioan zehar eginako lanak kontuan hartuz. Gainera, saio bakoitzean, irabazle bati urrezko mikrofonoa emango zaio. Mikrofono honekin, hurrengo saioan inmunitatea eskuratuko du, izendatuen artean lehiakide bat salbatzeaz gain.

Saio bakoitzean, lehiakide guztiek parte hartzen duten sarrerako pot-purri edo medley baten ondoren, taldeko fase batekin hasiko dira lehiakideak elkarren artean lanean. Gero, kanporaketa lehian, bakarka, binaka edo talde txikietan, lehiakideak aurrez aurre lehiatuko dira, gaueko irabazlea eta hiru izendatuak jakiteko. Ondoren, irabazleak izendatu bat salbatuko du, eta geratzen diren bien artean aurrez-aurreko batekin erabakiko dute epaimahaikideek nork utziko duen programa.

Lehenengo edizioa (2023)

Lehiakideak

Lehiakidea	Adina	Herria	Lehakideari buruz	Urrezko mikrofonoak	Izendapenak
Danel Arteaga	19	Sondika	Basozaintza ikaslea	-	2, 5
Erik Retamosa	24	Beasain	Munduko Shuffle dance txapelduna	7	4
Gaizka Fernandez	21	Lekeitio	Ostalaria eta aktore musikala	4	1
Julen Leturiondo	22	Eibar	Ikaslea eta abeslaria	3	7
June Navascues	17	Bilbo	Kaleetako abeslaria	-	0, 2, 5, 7
Miriam Lujua	24	Bilbo	Irakaslea	1, 5	4
Naiara Trifol	21	Zeberio	Dantza urbano eta moderno ikaslea	2	-
Itxaso Alberdi	17	Azkoitia	Musika ikaslea eta organo jolea	6	2, 7
Jon Castañeda, Jonkas	22	Zornotza	Akerbeltz erromeriako abeslaria, DJa eta kazetaria	-	3, 5
Violeta Goñi	19	Gasteiz	Ikaslea	-	3, 4
Enara Arregi	21	Donostia	Interpretazio ikaslea	-	1, 3
Nahia Ricoy	17	Sopela	Musika ikaslea	-	0, 1
Jon Sortelle	21	Getxo	Xumel taldeko abeslari eta gitarra jolea	-	0

Abestiak

Urrez, gaueko irabazlea; urdinez, irabazleak salbatutako arriskuan egon den lehiakidea; laranjaz, arriskuan dauden lehiakideak; berdez, aurrez-aurrekoaren irabazlea; eta gorriz, kaleratua.

Saioa	Fasea	Lehiakideak	Abestia
1	Taldeko lehia	Enara Nahia Miriam June Itxaso	Wannabe (Spice Girls, 1996)
		Violeta Julen Jonkas Gaizka	Arratsalde honetan (Sorotan bele, 1993)
		Erik Danel Naiara Jon	Kulebrin kulebron (Gozategi, 1995)
	Kanporaketa lehia	Jonkas	EH sukarra (E.H. Sukarra, 1992)
		Violeta Julen Naiara	Vogue (Madonna, 1990)
		Gaizka June Nahia	Itxaropena (Su ta gar, 1992)
		Danel Itxaso	Corazón Partío (Alejandro Sanz, 1997)
		Erik Enara	Sexu makina (Negu Gorriak, 1996)
		Miriam	Ironic (Alanis Morissette, 1995)
	Aurrez-aurrekoa	Nahia	Drivers License (Olivia Rodrigo, 2021)
		Gaizka	Way Down We Go (Kaleo, 2016)
2	Taldeko lehia	Jonkas Miriam Erik	Euritan dantzan (Gatibu, 2014)
		Gaizka Danel Naiara	El primer día del resto de mi vida (La Oreja de Van Gogh, 2013)
		Enara June Julen	Aldapan gora (Huntza, 2016)
		Violeta Itxaso	Rolling in the Deep (Adele, 2011)
	Kanporaketa lehiaketa	Violeta	Er(h)ori (Izaro, 2018)
		Itxaso Julen Erik	Happy (Pharrel Williams, 2014)
		Naiara Enara	Gure kaiola (Glaukoma, 2017)
		Gaizka June	Shape of You (Ed Sheeran, 2017)
		Jonkas Danel Miriam	Gogoak (Esne beltza, 2010)
	Aurrez-aurrekoa	Itsaso	Soñar contigo (Zenet, 2008)
		Danel	In my blood (Shawn Mendes, 2018)