Arxuria

Arxuria edo Peñaplata mendi bat da, Baztan eta Sararen arteko mugan dagoena eta, beraz, Nafarroa Garaiaren eta Lapurdiren artean. Gaina 758 metroko garaieran dago.^[1]

Arxuria
Datu orokorrak
Garaiera	758 m
Mota	mendi
Geografia
Koordenatuak	43°15′19″N 1°34′11″W
Mendikatea	Arxuriko mendilerroa
Herrialdea	Euskal Herria
Foru erkidego	Nafarroa Garaia
Udalerria	Baztan
Mendizaletasuna
Mendikat	Mendikat

Sarako aldea Natura 2000 sarearen parte da, Larrun Xoldokogaina kontserbazio bereziko eremuaren barnean.^[2] Ipar-mendebaldeko magalean Sarako leizeak daude, eta hego-ekialdean Ibainetako zohikaztegia.

Igoera

Zugarramurdiko plazatik (210 metro) abiaturik, PR-NA 90 Sorginen bidea jarraitu behar da Ibainetako leporaino (506 metro). Trikuharria eta zenbait aztarna arkeologiko daude bertan. Lurrera begiratzen badugu, lurzorua heze eta iluna dela ikusiko dugu, zohikaztegia baita. Arxuria parez pare izanen dugu, eta gailurreraino doan xenda oso nabarmena da.^[3][4]