Phaeophyceae, zenbait alga itsastar eta zelulaniztunen klasea. Hizkera arruntean, alga arre edo feofito deritze.
Ipar hemisferioko alga asko sartzen dira klase honetan, eta zeregin garrantzitsua dute itsasoan, bai elikagai gisa bai eta habitatak osatzeko elementu gisa ere. Klase honetako espezie batzuk jateko edo iodoa ateratzeko erabiltzen dira.
Alga arreak Heterokontophyta izeneko talde handiaren barnean daude, kloroplastoa lau mintzez inguratuta duten organismo-talde eukariotiko batean. Klorofila, β karotenoa eta fukoxantina dituzte, eta, azken horren eraginez, kolore arrea dute. Ugalketa sexuala, ugaltze-ziklo konplexua eta belaunaldi-txandaketa dituzte.
Klase honetan, 265 genero daude, eta 1.500-2.000 espezie inguru.
Itsaso epel eta hotzetako kostalde harkaiztsuetan bizi dira gehienak. Laminariales espeziea nagusi da Kaliforniako marearteko eremuan, eta itsas azpiko oihan handiak osatzen ditu. Beste zenbait espeziek, Sargassum algak, adibidez, itsasoan flotatzen dute, libre, eta hedadura handiko multzoak osatzen dituzte —probintzia baten tamainakoak—. Espezie horrek ematen dio izena, hain justu, Sargazoen itsasoaari.
Animalia ornogabe eta mikrobio batzuen lehen ekoizle nagusiak dira.
Sailkapena
Hona hemen Phaeophyceae klaseko ordenak:[4]
- Ascoseirales Petrov
- Asterocladales T.Silberfeld, M.-F.Racault, R.L.Fletcher, A.F.Peters, F.Rousseau & B.de Reviers
- Cutleriales Oltmanns
- Desmarestiales Setchell & Gardner
- Dictyotales Kjellman
- Discosporangiales
- Ectocarpales Setchell & Gardner
- Fucales Kylin
- Ishigeales G. Y. Cho & Boo
- Laminariales Migula
- Nemodermatales M. Parente, R. L. Fletcher, F. Rousseau & N. Phillips
- Onslowiales Draisma & Prud'homme van Reine ex Phillips et al.
- Ralfsiales Nakamura
- Scytosiphonales Feldmann
- Scytothamnales A. F. Peters & M. N. Clayton
- Sphacelariales Migula
- Sporochnales Sauvageau
- Syringodermatales E. C. Henry
- Tilopteridales Bessey
Argazki galeria
Leathesia difformis
Durvillaea antartica
Fucus vesiculosus
Erreferentziak
Kanpo estekak
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
