politikari espainiarra, Espainiako gobernuaren presidentea From Wikipedia, the free encyclopedia
Pedro Sánchez Pérez-Castejón (Madril, 1972ko otsailaren 29a), Pedro Sánchez bezala ezagunagoa, ekonomialari eta politiko espainiarra da, 2018ko ekainaren 1etik aurrera Espainiako Gobernuko presidente[1], Mariano Rajoy zentsura-mozio batekin kaleratu eta gero[2]. PSOEko Idazkari Nagusi izan zen 2014ko uztailaren 13tik 2016ko urriaren 1era arte, dimititu zuenean.
2017ko maiatzaren 21ean ospatu ziren primariatan berriro ere hautatu zuten Idazkari Nagusi. 2019ko azaroko Espainiako hauteskunde orokorrak eta gero, presidente aukeratu zuten ezkerreko aliantza zabal baten ondorioz.
Oinarrizko Hezkuntza Orokorra egin zuen gaur egun desagertuta dagoen Chamartíngo Santa Cristina ikastetxean eta batxilergoko ikasketak Madrilgo Ramiro de Maeztu Institutuan egin zituen. 1990ean, Ekonomia eta Enpresa Zientzietako lizentziatura ikasten hasi zen San Lorenzo de El Escorialeko María Cristina de El Escorial Unibertsitate Zentroan, Complutense Unibertsitateari atxikitako unibertsitate-zentro pribatu batean, eta 1995ean lizentziatu zen.
Ekonomia eta Enpresa Zientzietan lizentziaduna (Madrilgo Complutense Unibertsitatea) eta Ekonomia eta Enpresan doktorea (Camilo José Cela Unibertsitatea). Baditu eginak masterrak Ekonomia Politikoan eta Jendaurreko Lidergoan. Badaki ingelesez eta frantsesez. NBEko Nazioarteko Harremanetarako Departamenduan eta kabinetean aritutakoa, Bosnia berreraikitzeko prozesuan.
PSOEn, Trinidad Jiménezen taldean egin zuen lan 2003an, eta José Blancorenean ere aritutakoa da. Solbes eta Narbona Ekonomia ministro gisa ordezkatzekotan egon izan da, baina atarian gelditu da beti. Ezkonduta dago, eta bi alaba dauzka. CB Estudiantes taldeko saskibaloi jokalaria izan zen 21 urterekin, eta talde horren zale amorratua da. Madrilgo Tetuán auzoan jaio eta hazitakoa da, eta Chuecan bizi da egun[3].
Pedro Sanchez izan zen PSOEko idazkari nagusi berria. Hala erabaki zuten alderdiko militanteek bozketa bidez. Parte-hartzea %66koa izan zen eta Sanchezek botoen ia erdia lortu zuen, Eduardo Madina eta Antonio Pérez Tapias gailenduz. Sanchez garaile atera zen EAEn, bozen % 50,19rekin. Madina bilbotarrak % 34,60 lortu zuen; eta Pérez Tapiasek, % 15,21. Nafarroa Garaian, aldiz, Eduardo Madinak irabazi zuen, bozen % 49,14rekin. Sanchezek % 39,59 eta Pérez Tapiasek % 11,27 lortu zuten.[4]
2016an kargugabetu egin zuten, Rajoyren bigarren inbestidura ez ahalbidetzeagatik. Ezezkoari eutsi zion, eta diputatu akta utzi zuen. 2018an, duela hogei hilabete utzi zuen eserlekura itzuli zen, Rajoy boteretik kentzeko.[5][6]
Sanchezek liburu batzuetan kolaboratu du nahiz eta zenbait kasutan egile bakarra gisa agertu:
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
.svg){kind=small}
