Pradoko Museoa

Prado Museoa (gaztelaniaz Museo del Prado) Espainia eta Europa osoko museorik garrantzitsuenetarikoa da, margolaritzan espezializatuta eta Madrilgo erdigunean kokatuta dagoena. 5.000 margolan eta 2.000 grabatu inguru gordetzen ditu, 700 eskultura baino gehiagorekin batera.

Pradoko Museoa
Egunez   Gauez   Barnealdea   Sarrera   Planoa  Diego Velázquez margolariaren estatua museoaren atari nagusian. Irudi gehiago
Kokapena
Estatu burujabe	Espainia
Autonomia	Madrilgo Erkidegoa
Udalerria	Madril
Arkitektura
Deskribapena
Irekitze data	1819ko azaroaren 19a
Zuzendaria	Miguel Zugaza
Webgunea	http://www.museodelprado.es/ www.museodelprado.es

1819an inauguratu zuten Museo Real de pinturas izenarekin Fernando VII.a Espainiakoa erregearen garaian, eraikina Karlos III.a erregearekin egin bazuten ere. XII. mendetik XIX. mendeko hasiera arteko artelanak biltzen ditu. Besteak beste, Rubens, El Greco, Tiziano, Francisco Goya eta Diego Velázquez margolarien lanak barne hartzen ditu.

Gaur egungo zuzendaria Miguel Falomir da, 2017tik postu horretan dagoelarik.

Bildumak

• Espainiako margolaritza.
• Italiako margolaritza.
• Flandria eta Herbehereetako margolaritza.
• Frantziako margolaritza.
• Alemaniako margolaritza.
• Ingalaterrako margolaritza.
• Eskultura.
• Arte dekoratiboak.
• Grabatuak.

Espainiako margolaritza

Munduko bildumarik handiena gai horretaz, alde nabarmenarekin. Kronologiaren aldetik, XII. mendeko mural erromanikoetatik XX. mendera bitartekoa da.

Erdi Aroko margolarien artean, Bartolomé Bermejo eta Berruguete daude, Pizkundekoen artean, Pedro Machuca eta Joan de Joanes; Manierismoan El Greco nabarmentzen da, eta Barrokoan, berriz, Zurbarán, Ribera, Murillo eta Velázquez. Lau pintore horien lanak 200 baino gehiago dira. XVIII. mendekoan, Goyaz gain, Luis Meléndez eta Luis Paret daude. Egun, Goya ondoko pintura espainiarraren balorea handitu gogo da, Neoklasizismotik hasi eta Maria Fortunyn eta Sorollan buka.

Italiako margolaritza

Pizkundeko margolarien artean, Fra Angelico, Mantegna, Antonello da Messina eta Botticelli daude. Rafaelek edo bere lantegiak egindako 8 margolan ditu museoak. Veneziako eskola nabarmentzen da, Tiziano, Tintoretto, Paolo Veronese eta Bassano margolarien lanekin. Horretaz aparte, Correggio, Bronzino, Andrea del Sarto, Sebastiano del Piombo, Federico Barocci, Annibale Carracci, Caravaggio, Guido Reni, Luca Giordano ere badaude.

Pradoko Museoaren ikuspegi orokorra.

Galeria

Irudi bat handitzeko, klika ezazu gainean.

• 
  Fra Angelicoren Deikundea, 1430-32
• 
  Roger van der Weydenen Jesusn Eraistea, 1435 i.
• 
  Andrea Mantegnaren Ama Birjinaren Iragaitza, 1461 i.
• 
  Hieronymus Boschen Atseginen baratzea, 1480-1505
• 
  Albrecht Düreren Adam eta Eva, 1507
• 
  Hans Baldungen Hiru adinak eta Herioa, 1541-44
• 
  Tizianoren Carlos V.aren erretratua, 1548
• 
  Tintorettoren Oin garbiketa, 1548-49
• 
  Paolo Veroneseren Jesus doktoreen artean, 1560 i.
• 
  Pieter Bruegel Zaharraren Heriotzaren Garaipena, 1562 i.
• 
  El Grecoren Eskua bularrean duen zalduna, 1580 ing.
• 
  Caravaggioren David eta Goliath, 1599
• 
  Nicolas Poussinen Parnasoa, 1630-31
• 
  Peter Paul Rubensen Hiru Graziak (Rubens), 1635
• 
  Antoon van Dycken Bi diplomatikoren erretratua, 1635
• 
  Francisco de Zurbaránen Agnus Dei, 1635-40
• 
  José de Riberaren Jakoben loa, 1639
• 
  Diego Velazquezen Meninak, 1656-57
• 
  Francisco de Goyaren Saturno bere semea jaten, 1819-23
• 
  Joaquín Sorollaren Haurrak hondartzan, 1910

Bi "maja" famatuak, jantzirik eta biluzik, Goyaren margolan ezagunak.

Kanpo estekak

• (Gaztelaniaz)(Katalanez)(Galizieraz)Pradoko Museoa

• Datuak: Q160112
• Multimedia: Museo del Prado / Q160112