Liverpool Football Club

Liverpool Football Club Ingalaterrako futbol taldea da, izen bereko hirian egoitza eta zelaia (Anfield) dituena.

Liverpool Football Club
You'll Never Walk Alone
Datuak
Izen ofiziala	Liverpool Football Club
Mota	futbol-kluba
Herrialdea	Erresuma Batua
Izengoitia	The Reds eta The Scousers
Liga	Premier League
Estadioa	Anfield: Anfield 53.4308°N 2.9608°W / 53.4308; -2.9608  53.394
Agintea
Lehendakaria	Tom Werner (en)
Entrenatzailea	Arne Slot (mul)
Egoitza nagusi	Liverpool 53.430828°N 2.960847°W / 53.430828; -2.960847
Jabea	Fenway Sports Group (en)
Babeslea	Standard Chartered
Historia
Sorrera	1892ko ekainaren 3a
Sortzailea	John Houlding (mul)
Jasotako sariak	BBC Sports Personality Team of the Year Award  (1977) BBC Sports Personality Team of the Year Award  (1986) BBC Sports Personality Team of the Year Award  (2001) BBC Sports Personality Team of the Year Award  (2020)
Etxekoa 　 Kanpokoa
webgune ofiziala

Munduko talderik onenetarikoa da, Europan 11 txapelketa irabazi baititu, tartean 6 Europako Kopa. Izan ere, talde ingelesik arrakastatsuena da kontinente mailan historian zehar, eta herrialde mailan, soilik Manchester Unitedek irabazi du berak baino liga gehiago.

Liverpool hiriko Everton Football Club taldearekin usadiozko lehia du.

2019ko abenduan aurreneko aldiz irabazi du Munduko Kopa eta 2020an aurreneko Premier League eskuratu zuen, azken liga garaipenetik 30 urtetara hain zuzen ere. Bere ereserkia You'll Never Walk Alone abestia da.

Historia

Anfield estadioa.

Gola ospatzen.

2012ko taldea.

2019ko Txapeldunen Ligako ospakizunak.

Sorrera eta hasierako urteak

Liverpool F.C. 1892ko martxoaren 15ean sortu zen, Everton F.C. eta honen presidentea zen John Houldingen arteko desadostasuna zela eta. Evertonek Anfielden jokatu ohi zuen eta zelaiaren jabea John Houlding presidentea zen. 1892an ordea Evertonek gaur egungo Goodison Parkera aldatzea erabaki zuen eta Houldingek Anfielden jokatuko zuen talde berria sortu zuen, Everton F.C. and Athletic Grounds Ltd, baina izena nahasgarria zenez berehala hiriaren izena hartu zuen, Liverpool Football Club.

1893-84 denboraldian hasi zuen bere ibilbidea bigarren mailan eta XX. mendea hastearekin batera Ingalaterrak talde onenetakoa bihurtu zen, 1901 eta 1906an Liga nagusia irabaziz. 1914an lortu zuen lehenengo Kopa eta Bigarren Mundu Gerraren aurretik beste bi liga eskuratu zituen, 1922 eta 1923 urteetan.

Hurrengo liga eskuratzeko bi hamarkada itxaron behar izan zituen, 1947 arte (bosgarrena). Zazpi urte geroago ordea, 1954an, maila galdu zuen.

Bill Shanklyren iraultza

1959an Bill Shankly hautatu zuten entrenatzaile. Honek Anfieldeko biltegi zahar bat berriztu eta estrategiak adosteko gela bihurtu zuen. 1962an lehen mailara itzuli eta bi urtetan beste Liga bat eskuratu zuen. 1965ean Kopa lortu zuen eta 1966an Europako Errekoparen finalera iritsi zen, Borussia Dortmundekin galdu zuena. 1970ean John Benjamin Toshack hasi zen jokatzen Liverpool FC-n. 15 urte geroago Real Sociedad-ek fitxatuko zuen entrenatzaile lanetan aritzeko.

Urrezko aroa: 1973-1985

Ingalaterran Liga ugari irabazteaz gain Europa mailan ezaguna bihurtu zen, denbora tarte honetan 4 Europako Kopa, bi UEFA eta Superkopa bat lortu baitzituen.

Lehenengo garaipena 1973ko UEFA Kopa izan zen, Borussia Mönchengladbachen aurka irabazi zuena. Lehenengo Europako Kopa berriz 1977an lortu zuen, talde berdinaren aurka. Hurrengo garaipenak 1978an Club Bruggen aurka (1-0), emaitza berdinarekin 1981ean Real Madriden aurka, eta hurrengoa penalti jaurtiketetan AS Romaren aurka (1984an).

1985ean ere finalera iritsi zen. Bruselako Heysel Stadiumesan jokatu Juventus FC-ren aurka eta 1-0 galdu zuen. Baina egun hartako berri nagusia Liverpooleko hooliganek sortarazitako jende-oldea izan zen, 39 zale hil zutena (horietatik 32 italiarrak). Gertakizun honen ondorengo 5 urteetan talde ingelesei debekatu egin zitzaien Europako txapelketetan jokatzea, Liverpoolen zigorra sei urtetakoa izan zen. Antzeko gertakaria izan zen 1989an, 96 hildako eragin zuena Kopako final batean, Nottingham Foresten aurka Sheffielden. Hala ere, azken kasu honetan, istripuz gertatu zen indarkeriaz baino.

Hurrengo urteetan beraz Ingalaterrako txapelketetan aritu zen eta 1992 arte 3 Liga eta 3 Kopa eskuratu zituen. 1990ekoa izan zen gainera Liverpoolen gaur egun arte lortu duen azken liga. 1987an John Aldridge hasi zen jokatzen, urte batzuk geroago Real Sociedadek fitxaturiko lehenengo atzerritarra izango zena.

XXI mendea

2005ean AC Milanoren aurka Txapeldunen Liga irabazi bazuen ere, ez du oraindik Premier League (1992an sortu zena) irabazterik lortu eta Manchester United edo Chelsea bezalako talde indartsuen itzalean egon da.

Real Sociedadekin duen harremanaren erakusgarri 2004an Xabi Alonso fitxatu zuen eta taldearen ezinbesteko elementua bihurtu zen harik eta 2009an Real Madridera joan zen arte.

Azken urteetan postu apalagoak lortu ditu, 2016an esate baterako Ligako zortzigarren postuan gelditu da, baina gainerako txapelketetan hobeto aritu da. UEFA Europa Leagueko finala jokatu zuen 2016an, baina Sevilla FC gailendu zitzaion. Ingalaterrako Ligako Kopako finalera ere iritsi zen baina penalti jaurtiketetan galdu egin zuen. 2018an Txapeldunen Ligako finala jokatu zuen baina Real Madril nagusitu zen. 2018-19 denboraldia bikaina izan zuen, Premier Leaguen bigarren egin zuen eta Txapeldunen Ligan Europako seigarren Kopa eskuratu zuen. Finalerdietan Bartzelonan izandako 3-0 porrotari buelta eman zion eta finalean Tottenham Hotspur 2-0 emaitzaz garaitu zuen.

Kontinente arteko Kopa

Asko kostatu zaio Nazioarte mailako titulu nagusia lortzea, Kontinente arteko Futbol Kopa hain zuzen ere. 1978an Boca Juniorsen aurka jokatzekoa zen baina ez ziren ados jarri datak aukeratzerakoan. Gerora jakin da Liverpoolek ez zuela Argentinan jokatu nahi izan Falkland Uharteetako Gerra zela eta. 1981 eta 1984an galdu egin zuen eta 2005ean FIFAren Kluben arteko Munduko Kopan bigarren gelditu zen.

2019an lortu zuen azkenik FIFAren Kluben arteko Munduko Kopa, CR Flamengo talde brasildarrari luzapenean sarturiko gol bakarrari esker partida irabazita.

Aurreneko Premier Leaguea

Azken liga garaipena 1990an lortua zuen eta 1992an Premier Leaguea sortu zen. 2019-20an lortu zuen txapeldun izatea aurreneko aldiz, nagusitasun osoz lortu ere, 99 puntu eskuratu baitzituen (Premier Leagueko errekorra 100 puntutan dago) eta 18 puntu atera zizkion bigarren izan zen Manchester City taldeari.

Uniformea

Historikoa

1892-1896

1896-1964

1964-tik

Azken urteak

2013-2014	2014-2015	2015-2016	2016-2017	2017-2018
2018-2019	2019-2020	2020-2021	2021-2022	2022-2023

Irabazitako txapelketak

Ingalaterran: 52

• Ingalaterrako Liga (19) :
  • 1901, 1906, 1922, 1923, 1947, 1964, 1966, 1973, 1976, 1977, 1979, 1980, 1982, 1983, 1984, 1986, 1988, 1990, 2020.
• Ingalaterrako Kopa (8) :
  • 1965, 1974, 1986, 1989, 1992, 2001, 2006, 2022
• Ingalaterrako League Cup (10) :
  • 1981, 1982, 1983, 1984, 1995, 2001, 2003, 2012, 2022, 2024
• Ingalaterrako Superkopa (1) :
  • 1986.
• Community Shield (16) :
  • 1964*, 1965*, 1966, 1974, 1976, 1977*, 1979, 1980, 1982, 1986*, 1988, 1989, 1990*, 2001, 2006, 2022 (* elkarbanatuta)

Nazioartean: 14

Kontinente arteko Kopa: 0

• Txapelduna (0)
• Finalista (3): 1978 (ez jokatua), 1981, 1984.

FIFAren Kluben arteko Munduko Kopa: 1

• Txapelduna (1): 2019.
• Finalista (1): 2005.

Txapeldunen Liga: 6

• Txapelduna (6): 1977, 1978, 1981, 1984, 2005 eta 2019an.
• Finalista (4): 1985, 2007, 2018 eta 2022an.

UEFA Kopa: 3

• Txapelduna (3) : 1973, 1976, 2001.
• Finalista (1): 2016.

Europako Superkopa: 3

• Txapelduna (4) : 1977, 2001, 2005, 2019.
• Finalista (2): 1978, 1984.

Europako Errekopa: 0

• Txapelduna (0)
• Finalista (1): 1966.

Jokaturiko nazioarteko finalak

Txapelketa	Urtea	Txapelduna	Emaitza	Finalista	Hiria
Kontinentearteko Kopa eta FIFA Kluben arteko Kopa	1981	Flamengo	3-0	Liverpool
	1984	CA Independiente	1-0	Liverpool
	2005	São Paulo	1-0	Liverpool
	2019	Liverpool	1-0 (luz)	Flamengo
Europako Kopa eta Txapeldunen Liga	1976-77	Liverpool	1-0	Borussia Mönchengladbach	Erroma
	1977-78	Liverpool	1-0	Club Brugge	Londres
	1980-81	Liverpool	1-0	Real Madril	Paris
	1983-84	Liverpool	1-1 (pen:4-2)	AS Roma	Erroma
	1984-85	Juventus FC	1-0	Liverpool	Brusela
	2004-05	Liverpool	3-3 (pen:3-2)	AC Milan	Istanbul
	2006-07	AC Milan	2-1	Liverpool	Atenas
	2017-18	Real Madril	3-1	Liverpool	Kiev
	2018-19	Liverpool	2-0	Tottenham Hotspur	Madril
	2021-22	Real Madril	1-0	Liverpool	Paris
Europako Superkopa	1977	Liverpool	7-1 (1-1, 6-0)	Hamburger SV
	1978	RSC Anderlecht	4-3 (3-1, 1-2)	Liverpool
	1984	Juventus FC	2-0	Liverpool
	2001	Liverpool	3-2	FC Bayern Munich
	2005	Liverpool	3-1 (luz)	CSKA Mosku
	2019	Liverpool	2-2 (pen:5-4)	Chelsea FC
UEFA Kopa	1972-73	Liverpool	3-0, 2-0	Borussia Mönchengladbach
	1975-76	Liverpool	3-2, 1-1	Club Brugge KV
	2000-01	Liverpool	5-4 (luz)	Alavés
	2015-16	Sevilla FC	3-1	Liverpool
Europako Errekopa	1965-66	Borussia Dortmund	2-1	Liverpool

Euskal taldeen aurkako partidak

Hauek dira Europako txapelketa ofizialetan Liverpoolek euskal taldeen aurka jokatu dituen partidak:

Denboraldia	Txapelketa	Fasea	Etxekoa	Emaitza	Kanpokoa
1968-69	Ferien Kopa	Lehenengo itzulia	Athletic Liverpool	2-1 2-1*	Liverpool Athletic
1975-76	UEFA Kopa	Final hamaseirenak	Real Sociedad Liverpool	1-3 6-0	Liverpool Real Sociedad
1983-84	Europako Kopa	Final zortzirenak	Liverpool Athletic	0-0 0-1	Athletic Liverpool
2000-01	UEFA Kopa	Finala	Liverpool	5-4	Alaves

• 1968-69ko kanporaketa "txaponaren bidez" erabaki zen eta Athleticek jarraitu zuen aurrera.

2023/2024 Taldea

2023ko uztailaren 3an eguneratua.

Zbk. Postua Jokalaria 1 ATE Alisson 2 ATZ Joe Gómez 3 ERD Fabinho 4 ATZ Virgil van Dijk 5 ATZ Ibrahima Konaté 6 ERD Thiago Alcantara 7 AUR Luis Díaz 8 ERD Dominik Szoboszlai 10 ERD Alexis Mac Allister 11 AUR Mohamed Salah 13 ATE Adrián San Miguel 14 ERD Jordan Henderson 17 ERD Curtis Jones

Zbk. Postua Jokalaria 18 AUR Cody Gakpo 19 ERD Harvey Elliott 20 AUR Diogo Jota 21 ATZ Konstantinos Tsimikas 26 ATZ Andrew Robertson 27 AUR Darwin Núñez 32 ATZ Joel Matip 43 ERD Stefan Bajcetic 47 ATZ Nathaniel Phillips 62 ATE Caoimhin Kelleher 66 ATZ Trent Alexander-Arnold 72 ATZ Sepp van den Berg

Utzitako jokalariak

Zbk. Postua Jokalaria - ERD Fábio Carvalho (Leipzigen utzita 2023ko ekainaren 30 arte)

Jokalari nabarmenak

• John Aldridge (1987–1989): 83 partida (50 gol).
• Xabier Alonso (2004–2009): 143 p (15 g).
• Jamie Carragher (1996–2013): 508 p (4 g).
• Philippe Coutinho (2013–2018): 152 p (41 g).
• Kenny Dalglish (1977–1990): 355 p (118 g).
• Steven Gerrard (1998–2015): 504 p (120 g).
• Kevin Keegan (1971–1977): 230 p (68 g).
• Gordon Milne (1960–1967): 236 p (17 g).
• Michael Owen (1996–2004): 216 p (118 g).
• Daniel Pacheco (2009–2013): 5 p (0 g).
• Michael Robinson (1983–1984): 30 p (6 g).
• Ian Rush:
  • 1980-1986: 182 p (109 g).
  • 1987-1996: 287 p (120 g).
  • Guztira: 469 p (229 g).
• Steve Staunton:
  • 1986–1991: 65 p (0 g).
  • 1998–2000: 44 p (0 g).
  • Guztira: 109 p (0 g).
• Luis Alberto Suárez (2011–2014): 110 p (69 g).
• Fernando Torres (2007–2011): 102 p (65 g).
• John Benjamin Toshack (1970–1978): 172 p (74 g).

[Partiden eta golen kopurua Ligan lortutakoak dira.]

Entrenatzaile nabarmenak

• 1896–1915: Tom Watson . Karguan luzeen iraundakoa.
• 1959–1974: Bill Shankly . Lehenengo mailara taldea itzuli eta lehendabiziko europar txapelketa eskuratu zuena.
• 1974–1983: Bob Paisley . Txapelketa gehien lortu dituena.
• 2004–2010: Rafael Benítez . Azken Txapeldunen Liga lortu zuen 2005ean.
• 2015–: Jürgen Klopp . Azken Txapeldunen Ligaren finala jokatu zuten 2018an.

Emakumezkoen taldea

Sakontzeko, irakurri: «Liverpool Football Club (emakumezkoak)»

1989an sortu zen Newton Ladies FC izenarekin.

• Garaipenak:
  • Ingalaterrako Liga (2): 2013, 2014.
  • Ingalaterrako Kopa (0): finalista 1995 eta 1996an.
  • Ligako Kopa (0): finalista 1994an.

Ikus gainera

• Anfield
• You'll Never Walk Alone

Kanpo estekak

• (Ingelesez) Webgune ofiziala

• Datuak: Q1130849
• Multimedia: Liverpool FC / Q1130849

Premier League 2022-23

Arsenal | Aston Villa | Bournemouth | Brentford | Brighton | Chelsea | Crystal Palace | Everton | Fulham | Leeds United | Leicester City | Liverpool Manchester City | Manchester United | Newcastle | Nottingham Forest | Southampton | Tottenham Hotspur | West Ham United | Wolverhampton