Indiako uro

Indiako uroa (Bos primigenius namadicus) garai batean India aldean zabaldutako uroaren azpiespeziea izen zen, egun gainontzeko uroak bezala desagerturik dagoena. Indiako uroaren etxekotzearen ondorioz egungo zebu taldeko azienda sortu zen^[1].

Indiako uro
Pleistozeno PreЄ Є O S D C P T J K Pg N ↓
Sailkapen zientifikoa
Klasea	Mammalia
Ordena	Artiodactyla
Familia	Bovidae
Generoa	Bos
Espeziea	Bos primigenius
Azpiespeziea	Bos primigenius namadicus (Falconer, 1859)

Habitat

Indiako uroak paraje lehor eta beroetan bizi omen ziren^[2].

Azpiespeziearen historia

Uro azpiespezie ezberdinen banaketa historikoa. Kolore morean Bos primigenius namadicusen banaketa munduan

Adituen arabera, Bos primigenius namadicus agertutako lehendabiziko uroaren azpiespeziea izan zen, eta berengandik sortu omen ziren geroztik gainontzeko uro motak.

Bos acutifrons izeneko bobidoa Indian bizi zen Pleistozenoaren erdian duela 1.5 eta 2 milioi urte artean. Indiako uroa berengandik dator seguruen.

Esan bezala, Bos primigenius namadicusek bere sorlekutik emigratu eta Eurasiako zein Ipar Afrikako uroak, (Bos primigenius primigenius) eta (Bos primigenius mauretanicus) sortu zituen.

Kristo Aurreko 9.000 urte inguru, Indiako uroen etxekoratzea hasi zen eta haiengandik sortu ziren geroztik egungo Zebu mota ezberdinak. Hala ere beste zenbait hipotesien arabera zebuaren arbasoa ez litzateke Indiako uroa izango, egun Kanbodian bizi den beste bobido basati bat baizik, Kupreya edo (Bos sauveli) izenekoa^[2].

Ikus, gainera

• Uroa
• Ipar Afrikako uroa
• Bos primigenius primigenius
• Zebua

Erreferentziak

1. In the Light of Evolution III: Two Centuries of Darwin (2009), page 96, National Academies Press
2. L. Harrison Matthews, "The life of mamals II", 1971.

• Datuak: Q8250990