kazetari espainiarra From Wikipedia, the free encyclopedia
César Antonio Molina (Coruña, Galizia, 1952 -) galiziar poeta, saiakera-idazlea eta kazetaria da.
Zuzenbidea ikasi zuen Santiagon eta ondoren Informazioaren Zientziak Madrilgo Unibertsitatean. Azken horretan Historia de la prensa literaria desde comienzos de siglo hasta la guerra civil (Literaturako prentsaren historia mende hasieratik gerra zibila arte) doktore-tesia aurkeztu zuen.
Molinaren poesia oso pertsonala da, lirikotasun handikoa eta gogoeta moral eta filosofikoez betea. Poema-liburuen artean aipatzekoak ditu Épica (1974, Epika), Proyecto preliminar para una arqueología de campo (1978, Lekuan lekuko arkeologia baterako aurretiko proiektua), Últimas horas en Lisca Blanca (1979, Azken orduak Lisca Blancan), Derivas (1987), El fin de Finisterre (1988, Finisterreren amaiera) galizieraz eta gaztelaniaz idatzia, Las ruinas del mundo (1991, Munduko hondakinak), Para no ir a parte alguna (1994, Inora ez joateko) eta Poemas (1995, Poemak).
Itzulpengintza eta literatura-kritika ere landu ditu. Diario 16 aldizkariko kultura gehigarrien zuzendari izan da, eta ikerketa kritikoak eta antologiak idatzi ditu: Antología de la poesía gallega contemporánea (1984, Gaur egungo galiziar poesiaren antologia), La revista "Alfar" y la prensa literaria de su época (1984, "Alfar" aldizkaria eta bere garaiko literatura-aldizkariak), Prensa literaria en Galicia (1989, Literatura-aldizkariak Galizian), Sobre el iberismo y otros escritos de Literatura portuguesa (1990, Iberismoaz eta portugaldar literaturari buruzko beste idatzi batzuez), eta Medio siglo de prensa literaria española: 1900-1950 (1990, Espainiako literatura-aldizkarien mende erdia: 1900-1950).
1996. urtean, Madrileko Círculo de Bellas Arteseko zuzendari izendatu zuten, eta 2004. urtean, Cervantes Institutukoa. Hogeita hamar liburutik gora argitaratu ditu (saiakera, prosa eta poesia), eta bere lana hizkuntza askotara itzulita izan da.
2007. urtean, José Luis Rodríguez Zapaterok Kultura Ministro izendatu zuen, Carmen Calvoren ordez.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.