aktore, zuzendari eta gidoilari frantsesa (1947) From Wikipedia, the free encyclopedia
Coline Serreau (Paris, 1947ko urriaren 29a) aktore, zuzendari eta gidoilari frantsesa da. Idatzi eta zuzendu dituen filmik ezagunenak Trois Hommes et un couffin, La Crise eta La Belle Verte dira.[1] Bere filmetarako musika-gai batzuk ere konposatu ditu eta berak sortutako abesbatza bat zuzentzen du.
Coline Serreau | |
---|---|
![]() (2012) | |
Bizitza | |
Jaiotza | Paris, 1947ko urriaren 29a (76 urte) |
Herrialdea | ![]() |
Lehen hizkuntza | frantsesa |
Familia | |
Aita | Jean-Marie Serreau |
Ama | Geneviève Serreau |
Seme-alabak | |
Hezkuntza | |
Hizkuntzak | frantsesa |
Jarduerak | |
Jarduerak | gidoilaria, musikagilea, antzerki aktorea, zinema aktorea, film-zuzendaria eta errealizadorea |
Parte-hartzailea
| |
Lan nabarmenak | ikusi
|
Jasotako sariak | ikusi
|
![]() ![]() ![]() ![]() ![]() |
Coline Serreau Geneviève Serreau idazlearen eta Jean-Marie Serrau-ren eszena-zuzendariaren alaba da. Umetan, Beauvallon-eko Eskolara joan zen. Beauvalloneko Eskola Marguerite Soubeyranek sortu zuen 30eko hamarkadan bere lehen eta bigarren bikotekideen laguntzarekin, geroago Colineren amabitxi eta izeko, hurrenez hurren, izango zirenekin, hain zuzen.[2]
Gero Letretako ikasketak egin zituen eta Musika Kontserbatorioan ere sartu zen. Horrez gain, trapezio-eskolak jaso zituen Annie Fratellini artistaren Zirku-eskolan, eta dantza klasikoa eta modernoa ere ikasi zituen. Antzerkiak erakarrita, 1968an La Rue Blanche goi-mailako eskola nazionalean (ENSATT - École nationale supérieure des arts et techniques du théâtre) sartu zen; eta 1969an, Frantziako Comédie-Française-ko bekaduna izan zen. Horren ostean, zinemarako eta antzerkirako gidoiak idazten eta antzerki, zinema eta operako obrak eszenaratzen hasi zen.[3]
1975ean, filmak zuzentzen hasi zen. Pourquoi pas! (Zergatik ez?) bere bigarren filmak (1977) kritika arrakasta handia lortu zuen. Bertan, Sami Frey, Mario González eta Christine Murillo aktoreak bildu zituen, eta elkarrekin bizi diren bi gizonek eta Alexa haien lagun komunak osatutako maitale-hirukotearen gorabeherak kontatu zituen.[4] 1985ean, Trois hommes et un couffin (Hiru gizon eta sehaska bat) aurkeztu zen zine-aretoetan. Frantzian sarrerarik gehien saldu dituzten filmetako bat da, 12 milioi baino gehiago saldu baitzituen.[5] Ondoren, hainbat film zuzendu zituen: Romuald eta Juliette, La Crise (César saria gidoi onenari), La Belle Verte, Chaos[6], 18 ans après, Saint-Jacques... La Mecque eta Solutions locales pour un désordre global (2010), Couleur locale (2013), Tout est permis (2014) eta Pierre Brossolette (2015).[7]1991n, bi film luzeren artean, Amnesty International-en 30. urteurrena zela eta ekoitzitako Contre l'oubli filmean parte hartu zuen Jacques Higelin aktorearekin batera klip labur bat eginez: Vera Chirwa. BideoklipaMalawin espetxeratutako Vera Chirwa legelari eta giza eskubideen aldeko ekintzaileari eta haren senarrari eskainia.[8]
Antzerki-ikuskizun ugaritan —berak idatziak ala ez— ere lan egin zuen: Lapin Lapin[9][10], Quisaitout et Grobêta (La Nuit de Molière-n bost sari irabazi zituen antzezlana)[11], Le Salon d'été[12] eta Bertolt Brecht-en Le Cercle de craie Caucasien.[13][14]
Denbora luze batez, Benno Besson antzerki-zuzendari suitzarraren bikotekidea izan zen. Besson Bertolt Brecht-ek sortutako Berliner Ensemble antzokian Brechten zuzendarikide izan zen. Serreau eta Besson Madeleine Bessonen aktore, kantari eta konpositorearen gurasoak dira.[15]
Coline Serreuk, 2003an, Chorale du Delta korua sortu zuen, eta harrezkeroztik haren zuzendaria da.[16][17]
2018an, Nevers hiriko udal-antzokiaren zuzendari izendatu zuten, baina urte bereko martxoan izendapenaren aurkako inpugnazioa aurkeztu zuten Serreauren inplikazioa bere ardura betetzeko nahikoa izango ez zelakoan.[18] Azkenean, polemika luze baten ostean, Nevers-eko udalak Serreauren izendapena bertan behera uztea eta antzokiaren kudeaketa udalaren beraren eskuetan geldituko zela erabaki zuen.[19][20]
Coline Serreauk musika-gai batzuk konposatu ditu bere bi filmetarako: La Belle Verte eta 18 urte geroago
Coline Serreauk 2003tik Chorale du Delta korua zuzentzen du.[16].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.