České Petrovice

Municipo České Petrovice (germane Böhmisch Petersdorf) situas en Ĉeĥio, regiono Pardubice, distrikto Ústí nad Orlicí, 12 km nordoriente de la urbo Žamberk en la suda parto de Orlica montaro. Vivas ĉi tie 158 loĝantoj (2024). Averaĝa jara temperaturo estas nur 3,9 °C.

České Petrovice
germane Böhmisch Petersdorf
municipo
Vido al České Petrovice el monteto Adam.
Flago Blazono
Oficiala nomo: České Petrovice
Ŝtato	Ĉeĥio
Regiono	Regiono Pardubice
Distrikto	Distrikto Ústí nad Orlicí
Historiaj regionoj	Bohemio, Sudetio
Montaro	Orlica montaro
Rivero	Orlička
Situo	České Petrovice
- alteco	645 m s. m.
- koordinatoj	50° 07′ 11″ N 16° 36′ 22″ O (mapo)
Katastro	6,26 km² (626 ha) České Petrovice
Loĝantaro	158 (2024)
Denseco	25,24 loĝ./km²
Unua skribmencio	1601
Plej facila aliro	al Adam
Horzono	MET (UTC+1)
- somera tempo	MET (UTC+2)
Poŝtkodo	564 01
NUTS 3	CZ053
NUTS 4	CZ0534
NUTS 5	CZ0534 580066
Katastraj teritorioj	1
Partoj de municipo	1
Bazaj setlejunuoj	1
Situo enkadre de Ĉeĥio Situo enkadre de Ĉeĥio
Vikimedia Komunejo: České Petrovice
Retpaĝo: www.orlicko.cz/Ceskepetrovice/
Portalo pri Ĉeĥio

La najbaraj municipoj de la setlejo estas Klášterec nad Orlicí, Mladkov kaj Pastviny.

Historio

Preĝejo en České Petrovice

Pri ekesto de la vilaĝo ne estas konata multo, ekzistas nur legendoj kaj konsideroj. Legendoj estas du. Laŭ la unua legendo setlantojn onidire gvidis ĉeĥo Petr, laŭ kiu la vilaĝo estas nomata. Laŭ la dua legendo Petr estis ununura homo, kiu postvivis en la vilaĝo nekonatan infektan malsanon kaj laŭ li la vilaĝo nomiĝas.

Pro serĉado de nova feliĉo en la jaroj 1860 - 1914 kelkaj homoj forlasis siajn grundojn kaj hejmojn kaj foriris en Amerikon, Germanion kaj Banaton.

Loĝantaro

Evoluo de nombro de loĝantoj

La datoj devenas el datumbazo de Vikidatumoj

Jaro	Loĝantoj
1869	869
1880	882
1890	876
1900	657
1910	531
1921	467

Jaro	Loĝantoj
1930	443
1950	179
1961	208
1970	174
1980	172
1991	159

Jaro	Loĝantoj
2001	148
2011	145
2014	148
2016	154
2017	155
2018	155

Jaro	Loĝantoj
2019	156
2020	162
2021	152
2022	158
2023	152
2024	158

Memorindaĵoj

Preĝejo en České Petrovice

Memorŝtono

Sur limo inter sinjorejoj Kyšperk kaj Žamberk troviĝas memorŝtono, kie perdis la vivon per falo sub radoj de sia peza veturilo kamparano. La surskribo estas sur unu flanko de la ŝtono ankoraŭ nun legebla.

Krucoj

Apud vojo al monto Adam staras kruco sur loko, kie perdis la vivon veturigisto, kiun trenmortigis lia frenezumita ĉevalo. Alia kruco estas apud vojo de bieno n-ro 102, kie estis mortigita homo per fulmo.

Preĝejo

En la vilaĝo troviĝas simpla preĝejo, kiu jam preskaŭ 200 jarojn invitas kamparanojn kaj gastojn al pia preĝo.

Preĝejo en České Petrovice

Kapelo

Pri intenco kaj fondo de la kapelo sur monto Adam rakontas kronikistoj, ke negocisto Anton Baier el České Petrovice malsaniĝis malagrable sur nazo kaj ekintencis starigi sur monto Adam koloneton kun bildo de resurekto. Pli malfrue, por protekti la bildon, li konstruis sur la loko lignan kapeleton. Baier resaniĝis kaj mortis 76 jarojn aĝa.

Fortikaĵsistemo

Memorindaĵo en tiu ĉi apudlima regiono estas linio de ĉeĥoslovakaj antaŭmilitaj fortikaĵoj, konstruitaj inter jaroj 1935–1938. Ni povas sekvi ĝin de Králíky ĝis Rokytnice v Orlických horách. En katastra distrikto de České Petrovice estas 13 fuortoj kaj multaj objektoj de malpezaj fortikaĵoj. En Orlické hory kaj apud Králíky estas 60 km de fortikaĵlinio, entute 96 pezaj fuortoj kaj 525 objektoj de leĝeraj fortikaĵoj. Granda fuortaro estas sur monto Adam super České Petrovice. Artileria fuortaro Adam estas ankoraŭ nuntempe en armea administrado kaj nealirebla. La plej proksimaj alireblaj fuortaroj estas Bouda apud Těchonín kaj Hanička ĉe Rokytnice v Orlických horách.

Turismo

Trans la vilaĝo gvidas kelkaj signitaj turismaj vojoj kaj cikloturismaj traceoj. Sur monto Adam estis nove malfermita limpasejo en najbaran Pollandon.

Eksteraj ligiloj

• Militista pietloko ĉeĥe