«La perforton oni povas venki per unueco, povo de la unuiĝintoj prezentiĝas nun kiel juro kontraŭ perforto de unu. Ni vidas ke la juro estas la povo de la komunumo. Tio plu estas perforto, aplikata al ĉiu solulo, kiu kontraŭstarigos sin al ĝi; ĝi funkcias per la samaj rimedoj, havas la samajn celojn. Diferenco estas nur ke la perforto estas farata de ne unu, sed de komunumo.»
«Ni diris ke la socion kunligas du aferoj: perforta devigo kaj emociaj ligoj inter la membroj de la socio — teknike nomataj identigoj. Ĉe manko de unu elemento, eble la alia povas unuigi la socion.»
«La ago sufiĉe malofte estas rezulto de laboro de unu instinkta impulso, konsistanta el Eroto aŭ detruemo. Kutime la ago iĝas ebla danke al kombino de multaj tiaj konsistigantaj motivoj.»
«Bolŝevistoj ankaŭ esperas ke ili sukcesos ekstermi la homan agresemon per kontentigo de la materialaj bezonoj kaj starigo de egaleco inter la membroj de la socio. Mi konsideras tion iluzio. Dume ili mem aktive armas sin kaj, kio estas ne malpli grava, ili unuigas siajn subtenantojn per malamego al la ekstera mondo.»
«Se preteco al la milito devenas de la instinkto de detruemo, do la plej proksima rimedo estos alvoko de la kontraŭa instinkto, Eroto. Ĉio, kio starigas emociajn ligojn inter la homoj, devas kontraŭstari la militon.»