From Wikipedia, the free encyclopedia
Élie VINET (1509-1587) estis franca humanisto, filologo, historiisto, tradukisto, antikvaĵisto, helenisto, erudiciulo kaj arkeologo, respondeca pri eldonado de ĉirkaŭ 50 libroj. Li estis direktoro de la fama "Kolegio de Gieno" en Bordozo kaj unu el la fondintoj de la Universitato de Koimbro, en Portugalio. Li lasis sennombrajn eldonojn kaj komentojn de aŭtoroj kaj grekaj kaj latinaj kaj plenumis faman eldonon pri la verkoj de la latina poeto Aŭsonio, kiun li publikigis en 1551. Vinet estis filo de Jehan Vinet kaj Colette Catte.[2] Vinet estis profesoro en la Kolegio pri Artoj, en Koimbro inter 1547 kaj 1549. Li estis ankaŭ amiko de Pedro Nuñes kaj helpis krei kelkajn kontribuaĵojn de la portugala matematikisto en Eŭropo, enkondukante lin en sia nova eldono de la "Sphaera".[3]
| Elia Vineto Santone (1509–1587) | ||
|---|---|---|
.jpg) La Sfero de Johano de Sakrobosko, verko eldonita de Élie Vinet en 1578. | ||
| Persona informo | ||
| Naskiĝo | 1509 en Saint-Médard (Charente), Francio | |
| Morto | 11-a de majo 1587 en Bordozo, Francio | |
| Lingvoj | meza franca • franca • latina vd | |
| Ŝtataneco | Francio  vd | |
| Alma mater | Universitato de Koimbro Kolegio de Gieno, Francio Universitato de Poitiers[1] | |
Subskribo .jpg) | ||
| Profesio | ||
| Okupo | historiisto arkeologo tradukisto filologo filozofo instruisto vd | |
| vd | Fonto: Vikidatumoj | |
.jpg)
Vinet komencis siajn studojn ĉe Barbezieux-Saint-Hilaire, en lernejo administrata de Simon Pererius, kiu instruis al li la bazajn elementojn de la latina lingvo. Post la morto de lia patro Jehan Vinet, lia patrino sendis lin al Angulemo por daŭrigi siajn studojn.
Poste li iris al Poitiers, kie li akiris la diplomon je Magistro pri artoj. En la kortego de Konjako li vizitadis Luiza-n de Savojo (1476-1532) kaj Margareta-n de Angulemo (1492-1549). Poste li iris al Parizo por studi antikvan grekan kaj matematikon ĉe la Kolegio de Santa Barbara.
En 1539 li ankoraŭ estis tie, kiam la portugala humanisto André de Gouveia, rektoro de la Kolegio de Gieno, en Bordozo kaj antikva Kolegio de Santa Barbara, invitis lin veni kiel instruisto al Bordozo. Tri jaroj poste, en 1542, Vinet sentis sin laca kaj retiriĝis al Santonge, Hispanio. Ĝuste dum ĉi tiu retiriĝo li komencis studi iujn klasikajn aŭtorojn kaj publikigi siajn verkojn kaj latine kaj france.
En 1547, reĝo Johano la 3-a de Portugalio kunvokis André-on de Gouveia por reorganizi la Kolegion de Koimbro laŭ la modelo de tiu de Bordozo. Elie Vinet akompanis lin. Gouveia decidis resti en Portugalio, sed Vinet revenis al Bordozo en julio 1549, kvankam li baldaŭ foriris al Parizo por kontroli la publikigon de sia libro pri Aŭsonio, kiu estis publikigita en 1551.
Reen al Bordozo en januaro 1550, Vinet reprenis sian katedron pri matematiko ĉe la Kolegio de Gieno kaj inter 1552 kaj 1556 li publikigis serion de libroj por la uzo de siaj klasoj. En 1556 mortis la direktoro de la Kolegio de Gieno, Jean Gélida (1489-1556), kiu estis anstataŭinta André de Gouveia en 1547.
La ĵurioj de la Parlamento de Bordozo nomumis lin direktoro. Tamen la reĝo Henriko la 2-a de Francio (1519-1533) ignoris lin kaj nomumis alian: Nicolas Hérigaray. Tre frustrita de ĉi tiu kialo, Vinet forlasis la lernejon kaj pasigis ses jarojn en Saintonge kaj Angoumois dediĉita al preparado de eldonoj de klasikaj aŭtoroj kaj al prenado de notoj pri la historio de Saintonge, Angouleme kaj Bordeaux, kiu estos uzata por liaj estontaj studoj.
Nicolas Hérigaray eksiĝis en 1562 kaj la ĵurioj nomumis Vinet-on kiel direktoron de la Kolegio de Gieno. Li estis komisiita administri ĝin, sed li ankaŭ donis kursojn, renovigis la pedagogion, instruis metodojn por "bone edukitaj estroj" kaj starigis pli humanan disciplinon. Krome li daŭre publikigis eldonojn de latinaj klasikaĵoj. En 1570, Vinet eksiĝis sin el siaj administraj devoj por dediĉi sin al sia eldono de Aŭsonio, kies fina versio estus publikigita en 1580.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
