Franca piedpilkisto From Wikipedia, the free encyclopedia
Zinedine Zidane (naskiĝis la 23-an de junio 1972 en Marsejlo) estas franca futbalisto, verŝajne unu el la plej famaj de lia generacio.
| Zinedine Zidane | |||
|---|---|---|---|
 | |||
| mezkampulo • attacking midfielder | |||
| Personaj informoj | |||
| Plena nomo | Zinedine Ismail Yazid Zidane | ||
| Naskiĝo | 23-an de junio 1972 en 16-a arondismento | ||
| Alteco | 1,85 m | ||
| Kromnomo | Zizou | ||
| Klubaj informoj | |||
| Nuna klubo | |||
| Pozicio | halfo | ||
| Junularaj kluboj | |||
| 1982-1983 1983-1986 1986-1988 |
US Saint-Henri SO Septèmes-les-Vallons AS Cannes | ||
| Profesiaj kluboj* | |||
| Jaroj | Klubo | Matĉoj (goloj) | |
| 1988-1992 1992-1996 1996-2001 2001-2006 | AS Cannes FC Girondins de Bordeaux Juventus Football Club Real Madrid | 61 (6) 135 (28) 151 (24) 155 (37) | |
| Reprezentado** | |||
| 1994-2006 | Francio | 108 (31) | |
|
* Profesiaj klubaj startoj kaj goloj | |||
Li naskiĝis en 1972 en Marsejlo, de gepatroj kiuj estis origine berberoj de Alĝerio. Li komencis sian profesian karieron en 1988 kun AS Cannes, sed li pasis al Girondins Bordeaux en 1992. Zidane rapide fariĝis fama kiel tre talenta centrokampisto, kaj en 1996 li iris ludi por la itala teamo Juventus Torino, kie li restis ĝis 2001. Zidane fariĝis mondfama en 1998, kiam li helpis la francan teamon gajni la Futbalan Mondpokalon kiu estis organizita en Francio. En la dua matĉo kontraŭ Sauda Arabio li estis forpelita ĉar li intence tretis la Saudan kapitanon Fuad Amin, post kiam li ŝajne esti vorte provokita. Tamen en la finalo Zidane faris du golojn kaj Francio gajnis 3-0 kontraŭ Brazilo. En tiu jaro li ankaŭ gajnis la premion por la Eŭropa futbalisto de la jaro.
En Eŭropa Futbal-Ĉampionado en 2000 Francio denove gajnis kun la grava helpo de Zidane.
En 2001 Zidane iris ludi en Hispanio por Real Madrid. En 2002 li denove partoprenis en la mondpokalo, sed Francio estis elĵetita en la unua fazo. Post la malgajno en la kvaronfinaloj de la Europa Ĉampionado de 2004, Zidane anoncis ke li retiriĝos de la nacia teamo, sed post unu jaro li ŝanĝis sian opinion kaj decidis denove ludi por Francio ĝis la mondpokalo. En 2006, en aĝo de 34 jaroj, li anoncis ke post la mondpokalo en Germanio li komplete retiriĝos de futbalo. Surprize, post ne tre konvinka unua fazo, la Franca teamo alvenis ĝis la finalo de la mondpokalo, gajnante kontraŭ Hispanio, Brazilo kaj Portugalio, kaj Zidane estis la stelulo de la turniro, ludante bonege kaj farante gravajn golojn kontraŭ Hispanio kaj Portugalio. En la finalo kontraŭ Italio, Zidane faris golon kun penalo post nur sep minutoj, fariĝante la tria futbalisto en la historio post Pelé kaj Paul Breitner kiu sukcesas fari golon en du malsamaj mondpokalaj finaloj. Tamen, Italio rapide respondis per alia golo, kaj oni pasis al la aldona tempo. En la 110a minuto de la ludo, Zidane nekredeble intence frapis la italan ludiston Marco Materazzi per la kapo, post kiam la italo diris ion al li. Evidente li ricevis ruĝan karton kaj estis forpelita, finante sian turniron en la plej maldeca maniero kiu eblis. Francio en la fino malgajnis je penaloj, kaj Zidane eĉ ne revenis por ricevi la medalon por la dua loko.
Oni multe diskutis la malbelan geston trans la mondo en la postaj tagoj, kaj Zidane poste diris ke la itala ludisto provokis lin dirante ion ofendan pri la virinoj de lia familio, io kion Materazzi forte neas. Surprize, lia populareco en Francio restas netuŝita, kaj la prezidanto Jacques Chirac gratulis lin post la matĉo.
Nuntempe li estas direktoro de futbala teamo de Real Madrid[1].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
