Walter Rodney
From Wikipedia, the free encyclopedia
Walter Rodney (23a de marto 1942 – 13a de junio 1980) estis elstara gujana historiisto, politika aktivulo kaj elstara sciencisto, kiu estis murdita en Gujano en 1980.
| Walter Rodney | |||||
|---|---|---|---|---|---|
| Persona informo | |||||
| Naskiĝo | 23-an de marto 1942 en Ĝorĝtaŭno | ||||
| Morto | 13-an de junio 1980 (38-jaraĝa) en Ĝorĝtaŭno | ||||
| Mortis pro | Hommortigo vd | ||||
| Lingvoj | angla vd | ||||
| Loĝloko | Gujano • Daresalamo • Londono • Jamajko vd | ||||
| Ŝtataneco | Gujano vd | ||||
| Alma mater | Lernejo de Orientaj kaj Afrikaj Studoj Universitato de Karibio Queen's College, Guyana (en) vd | ||||
| Partio | Working People's Alliance (en) vd | ||||
| Infanoj | 3 | ||||
| Profesio | |||||
| Okupo | aktivulo universitata instruisto historiisto politika aktivisto vd | ||||
| Laborkampo | Aktivismo, politiko kaj historio vd | ||||
| Verkado | |||||
| Verkoj | How Europe Underdeveloped Africa vd | ||||
| |||||
| vd | Fonto: Vikidatumoj | ||||
Kariero
Rodney iĝis Doktoro en Afrika Historio en 1966 ĉe la School of Oriental and African Studies en Londono, Anglio, aĝe de 24. Lia tezo temis pri la komerco de sklavoj ĉe la marbordo de Supra Gvineo, kaj estis publikigita de Oxford University Press en 1970 laŭ la titolo A History of the Upper Guinea Coast 1545-1800. Poste li profesoris en la Universitato de Dar es Salaam en Tanzanio dum la periodo 1966-67 kaj poste en Jamajko ĉe Universitato de Karibio. Li estis ankaŭ forta kritikanto de kapitalismo kaj defendis moderan socialismon.[1]
La 15an de oktobro 1968 la registaro de Jamajko forpelis lin el la lando akuzinte lin kiel instiganto de insurekcioj fare de malriĉuloj konitaj kiel "Rodney Riots"; fakte li intencis disvastigi social kaj politikan konscion ĉefe inter la Rastafaria movado, dokumentite per sia libro The Groundings With My Brothers.
En 1969, Rodney revenis al la Universitato de Dar es Salaam, kie li laboris kiel Profesoro de Historio ĝis 1974.[2]
Rodney iĝis elstara defendanto de Tutafrikismo, kaj estis gravulo por la movado Black Power en Karibio kaj Nordameriko. Dum sia vivo en Dar es Salaam li estis influa por disvolvigo de nova centro de afrika studado.
En 1974 Rodney revenis en Gujanon el Tanzanio. Li intencis profesori ĉe la Universitato de Gujano sed la registaro malhelpis; li aktiviĝis en politiko, fondante la partion Working People's Alliance, efika opozicio kontraŭ la People's National Congress de la registaro. En 1979 li estis arestita akuzita de incendio de du registaraj oficejoj.
La 13an de Junio 1980, Walter Rodney, kiam estis 38, estis murdita per bombo en sia aŭto, unu monaton post esti reveninta el la celebro de la sendependigo de Zimbabvo kaj dum periodo de intensa politika aktivado. Oni ĝenerale akuzis la prezidanton Linden Forbes Burnham.[3][4]
Referencoj
Literaturo
Eksteraj ligiloj
Wikiwand - on
Seamless Wikipedia browsing. On steroids.