Vallabhbhai Patel

"Sardar" Vallabhbhāī Jhaverbhai PAṬEL (guĝarate: સરદાર વલ્લભભાઈ પટેલ, nagarie: सरदार वल्लभभाई पटेल, IFA: [sɐrd̪a:r ʋɐllɐbʰbʰa:i pɐʈe:l]; naskiĝinta je la 31-a de oktobro 1875 - 1950, estis barata politikisto kaj ŝtatministro, disĉiplo de Gandhi, kiu grave rolis en la luktado por sendependigi Baraton el brita kolonieco kaj por unuigi la centojn da princlandoj kaj aliaj regnetoj en unu grandan landon. En Barato oni kutime antaŭfiksas al lia nomo la titolon "Sardar", t.e. "Ĉefo".

Vallabhbhai Patel
Persona informo
Vallabhbhai Patel
Naskiĝo	31-an de oktobro 1875 (1875-10-31) en Nadiad, Bombay Presidency,  Brita Raĝo
Morto	15-an de decembro 1950 (1950-12-15) (75-jaraĝa) en Mumbajo, Bombay State
Mortis pro	Naturaj kialoj vd
Mortis per	Korinfarkto vd
Religio	hinduismo vd
Lingvoj	guĝarata • angla vd
Ŝtataneco	Barato (1950–) Dominio de Barato (1947–1950) Brita Raĝo (–1947) vd
Alma mater	Meza Templo City Law School (en) vd
Partio	Barata Nacia Kongreso vd
Familio
Edz(in)o	Jhaverben Patel (en) vd
Infanoj	Dahyabhai Patel (en) , Maniben Patel (en) vd
Profesio
Okupo	politikisto juristo pledadvokato ekonomikisto luktanto por libereco vd
Postenoj Postenoj Minister of Home Affairs (en) (1948–1950) Vicĉefministro de Barato (1947–1950) Member of the Advisory Committee of the Constituent Assembly of India (en) (1947–) member of the Steering Committee of the Constituent Assembly of India (en) (1947–) member of the Negotiating Committee of the Constituent Assembly of India (en) (1946–) membro de la konstitua asembleo de Barato (1946–1950) ano de la Domo de Poplo de Barato vd
Honorigoj Honorigoj  Bharat Ratna vd
vd	Fonto: Vikidatumoj
v • d • r

Biografio

Patel pasigis sian fruan vivon en la guĝarata kamparo, fariĝante plejparte aŭtodidakta tamen sukcesa advokato. Lin inspiris la verko kaj filozofio de Mahatma Gandhi. Li organizis la kamparanojn de Ĥeda (urbo), Borsad kaj Bardoli (ĉiuj en Guĝarato) en neperforta civila malobeado kontraŭ subpremaj britaj politikoj. Tiel li fariĝis unu el la plej gravaj gvidantoj en Guĝarato, kaj eniris la estraron de la Barata Nacia Kongreso; li organizis la partion por balotoj en 1934 kaj 1937, kaj preparis la grundon por la Aŭgusta Movado de 1942.

la Statuo de Unueco portretante lin ĉe la rivero Narmado

Kiel la unua barata Ministro pri Enlandaj Aferoj kaj Deputita Ĉefministro de Barato, Patel organizis helpon por rifuĝintoj en Barata Panĝabio kaj en Delhio, kaj gvidis la klopodojn repacigi la tutan landon. Li estris la unuigadon de la lando el la 565 duonaŭtonomaj princlandoj kaj brit-epokaj koloniaj provincoj. Uzante kaj persvadon diplomatian kaj armean okupadon, li sukcesis submeti preskaŭ ĉiun princlandon al la centra registaro. Oni kromnomis lin "La Ferulo de Barato". Li helpis establi la tutlandan modernan servaron, kaj li estis unu el la plej fruaj subtenantoj de rajto pri proprietado, kaj por libera entreprenado kaj merkato en Barato.

La 31-an de oktobro 2018 inaŭguriĝis bronza statuo de Patel ĉe la rivero Narmado, en lia naskoŝtato Guĝarato. Ĝi estas 182 metrojn alta, la plej alta en la mondo. Ĝia konstruado postulis kvin jarojn da laboro, je la kosto de 350 milionoj da eŭroj.

Vidu ankaŭ

• Hindia sendependiga movado
• Statuo de Unueco

• Kategorio Vallabhbhai Patel en la Vikimedia Komunejo (Multrimedaj datumoj)

PeEnEo: 131922 GND: 118976079 LCCN: n50082056 VIAF: 73948024 ISNI: 0000000081538865 LIBRIS: 248338 SUDOC: 033658854 BNF: 124503349 NKC: jo20191049098