Sableroj

Sableroj ^{[1] [2]} estas la titolo de kolekto de poemoj kaj prozaĵoj de Marie Hankel, verkitaj originale en Esperanto. La 92-paĝa libreto aperis en la jaro 1911 ĉe Germana Esperanto-Librejo en Lepsiko. Samloke, Ferdinand Hirt & Sohn prizorgis duan eldonon en 1922.

Ĉi tiu artikolo temas pri esperantlingva libro. Por granula materio rigardu la paĝon Sablo.

Sableroj
Sableroj
Aŭtoro	Marie Hankel
Eldonjaro	1911
Urbo	Lepsiko
Eldoninto	Germana Esperanto-Librejo
Paĝoj	92
Vikifontaro	Sableroj
v • d • r

Recenzoj

	„ Poemetoj kaj prozaj pecoj. Ili elspiras la parfumon de dolĉaj rememoroj pri pasintaj kongresoj, de la lojaleco al nia komuna afero. ” — 1911, Alfred Edward Wackrill, The British Esperantist, p. 151

„ Sub tiu nomo nia konata samideanino modeste dediĉas sian laboron, kiel kotizaĵon al la eterna konstruaĵo de nia homa kulturo. Bele presita verko ĝi estas kaj tre imitinda estas ĝia preskaŭ tuta manko de preseraroj. La sableroj konsistas el poemetoj kaj prozaj pecoj kaj elspiras la parfumon de dolĉaj rememoroj pri pasintaj kongresoj, de lojaleco al nia komuna afero kaj de sentima konfido al ĝia estonteco. Se en tia bela ĝardeno estas permesate elekti unu floreton por aparta admiro, mi konfesas, ke tuŝas min la aludo pri Sankta Kristofero kiel prototipo de la Esperantistoj, kiuj prenis sur sin ŝarĝon ŝajne malpezan sed poste ĉiam pligrandiĝantan. Niaj fortoj kreskadu egalpaŝe kun niaj devoj. ” — A.E.W. La Brita Esperantisto - Numero 080, Aŭgusto (1911)

Referencoj

1. Stojan, Petro 1929 : Bibliografio de Internacia Lingvo, nro 4835, paĝo 405
2. 1934 : Enciklopedio de Esperanto

Eksteraj Ligiloj

Portalo pri Literaturo

• Enciklopedio de Esperanto/S en sia originala formo en la Interreto
• Enciklopedio de Esperanto en elŝutebla versio (PDF).
• Katalogo de^{[rompita ligilo]} Biblioteko Hippolyte Sebert
• Katalogo de^{[rompita ligilo]} CDELI
• Katalogo de Esperantomuzeo kaj Kolekto por Planlingvoj
• Katalogo de Heredaĵbiblioteko Hendrik Conscience
• Katalogo de Kataluna Esperanto-Asocio
• Katalogo de Nacia Biblioteko de Esperanto
• Katalogo de Universitato de Amsterdamo