Germana Esperanto-Librejo

La Germana Esperanto-Librejo (ankaŭ germane titolata Deutsche Esperanto-Buchhandlung) estas fondita en 1908 kaj funkciis ĝis la jaro 1936 en Leipzig (Lepsiko), Königstr. 19, kiel eldonejo kaj vendejo de Esperanto-libroj. Ĝi eldonis i.a. la lernolibrojn kaj vortarojn de Emil Stark kaj la lernolibron kaj frazaron de Ernst Loose. En 1936 la nazia registaro de Germanio malpermesis ĉiajn aktivadojn por Esperanto, sed jam en la antaŭaj tri jaroj post la ekrego de la nazioj komence de la jaro 1933 la aktivado por Esperanto ĝenerale kaj de la librejo konkrete estis malhelpata, pro malpermeso de la laboristaj Esperanto-organizaĵoj kaj persekutoj de ties anoj, kaj pro ĝenerale kontraŭ-Esperanta propagando de la reĝimo, kiu forte kontraŭis la internaciismon de la Esperanto-movado, la judecon, katolikecon, esprimojn de socialismaj, laboristaj aŭ pacismaj konvinkoj de ties anoj.

Ĉi tiu artikolo ankoraŭ estas ĝermo pri Esperanto. Helpu al Vikipedio plilongigi ĝin. Se jam ekzistas alilingva samtema artikolo pli disvolvita, traduku kaj aldonu el ĝi (menciante la fonton).

Ĉi tiu artikolo baziĝas (parte aŭ tute) sur artikolo el la Enciklopedio de Esperanto. La originala teksto kontroleblas en interreta arkivo de la fonto.