From Wikipedia, the free encyclopedia
Joseph Philippe Pierre Yves Elliott TRUDEAU (naskiĝis la 18-an de oktobro 1919, mortis la 28-an de septembro 2000), konata kiel Pierre Elliott TRUDEAU, estis la dekkvina Ĉefministro de Kanado de la 20-a de aprilo 1968 ĝis la 4-a de junio 1979 kaj de la 3-a de marto 1980 ĝis la 30-a de junio 1984.
Li naskiĝis en la provinco Kebekio. Post siaj studoj en jezuita lernejo Jean de Brebeuf, li studis en Universitatoj de Montrealo, Harvardo kaj Parizo, same kiel en Londono en la School of Economics (Lernejo de la Ekonomiko).
En 1944 li aniĝis kiel juristo kaj politiksciencisto en la advokata kamero de Kebekio. En 1961 ricevas li profesoran postenon en la universitato de Montrealo.
Li akiris sidlokon en la kanada malsupra ĉambro en la Liberala Partio de Kanado, en 1965. Baldaŭ li iĝis la kanada ministro pri justico. Finfine li iĝis en 1968 la 15-a ĉefministro de Kanado kaj estis kritikita pro siaj decidoj dum la Oktobra krizo. Li oficis - krom kelkaj monatoj - ĝis 1984, kiam li retiriĝis jam 65-jara kaj laboris plu kiel advokato.
Li tute retiriĝis en 2000 pro Parkinsona malsano kaj iom poste mortis je kancero. Li havis 3 filojn (Justin, Alexandre kaj Michel), el kiuj unu (Michel) mortis en lavanga akcidento en 1998.
Li batalis dum sia politika agado por la interkompreniĝo de la angla kaj franca partoj de Kanado. Tiel li iniciatis dulingvajn lernejojn, apogis la multkulturismon.
En 1984 li ricevis la pacopremion de Albert Einstein.
Ekde la 1-a de januaro de 2004, lian nomon portas la internacia flughaveno de Montrealo (Aéroport international Pierre-Elliott-Trudeau de Montréal).
TRUDEAU, Pierre Elliott (Trüdo, Pjer-Elijot) Unu el la fondintoj de la revuo Cité Libre. Profesoro pri Juro ĉe la Université de Montréal (1961-1965). Publikigis interalie "Deux innocents en Chine rouge", "Le fédéralisme et la société canadienne-française" kaj "Les cheminements de la politique". Dum li estis ĉefministro, en 1982, la kanada konstitucio estis repatriigita al Kanado.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
