brita aŭtoro From Wikipedia, the free encyclopedia
Kazuo Ishiguro (en la japana: カズオ・イシグロ [Kazuo Iŝiguro] aŭ 石黒 一雄 [Iŝiguro Kazuo]); naskiĝis la 8-an de novembro 1954) estas brita verkisto de japana deveno.
Ishiguro naskiĝis en Nagasako (Japanio). Li kaj lia familio transloĝiĝis al Britio en 1960. Li ricevis de la Universitato de Kent la titolon de licenciulo pri Angla Filologio kaj Filozofio en 1978 kaj finis postgradon pri Krea Skribo en la Universitato de East-Anglia en 1980.
En 1982 li akiris la britan civitanecon, kiu estas la sola, kiun li posedas nuntempe, ĉar la japanaj leĝoj ne antaŭvidas la duoblan civitanecon.
Kazuo Ishiguro estis kvarfoje kandidato al la Premio Booker kaj gajnis ĝin en 1989 por The Remains of the Day ("La resto de la tago"). La ĵurnalo The Times inkludis lin en liston de la 50 plej bonaj britaj verkistoj ekde 1945. En 2017, li ricevis la Nobel-premion pri literaturo pro "romanoj plenaj de emocia potenco, kie li malkaŝas la abismon, kiu kuŝas sub la distordita ligo, per kiu niaj sentoj perceptas la mondon.
Liaj verkoj estas kutime priskribitaj en la unua persono kaj traktas personajn fiaskojn. Ilia celo estas igi la leganton samtempe senti empation al la rakontanto kune kun neevitebla sento de kontinua fiasko kondukanta al nesolvebla problemo. La fino, plejparte, ne kondukas al solvo de la problemo, ia ellasigo aŭ signifa memkompreno de la rakontanto.
La plejparto de liaj verkoj okazas en la estinteco. Escepto de tio estas la romano "Never Let Me Go" (Neniam Lasu Min Iri), kiu okazas en la estonteco (relative al la tempo de verkado), kaj estas sciencfikcia romano, kvankam ĝia ĉefa temo ne estas estontaj teknologiaj evoluoj.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
