Johann Friedrich von Brandt (Johan Friedrich von Brandt) (la 25-an de majo 1802 - la 15-an de julio 1879) estis germana naturalisto.
Brandt estis naskiĝinta en Jüterbog kaj lernis ĉe gimnazio en Vitenbergo kaj en la Universitato de Berlino. En 1831 li estis nomumita direktoro de la Zoologia Sekcio ĉe la Sankta Petersburga Akademio de Sciencoj, kie li publikigis en la rusa. Brandt instigis al la kolekto de indiĝenaj bestoj, multaj el kiuj ne estis reprezentitaj en la muzeo. Multaj specimenoj komencis alveni de la ekspedicioj de Nikolaj Severcov, Przhevalsky, Middendorff, Schrenck kaj Gustav Radde.
Li priskribis plurajn birdojn kolektitajn fare de rusaj esploristoj de la Pacifika Marbordo de Nordameriko, inkluzive de la Brandta kormorano, la Ruĝkrura trifingra mevo kaj la Okulvitra molanaso. Li ankaŭ estas omaĝata en la Brandta vesperto kaj en la Brandta erinaco.
Brandt ankaŭ estis entomologo, specialigante en Koleopteroj (skaraboj) kaj Diplopoda (milpieduloj). Li mortis en Merreküll, Estonio.
Specioj
- Acipenser baerii Brandt, 1869 (Siberia acipensero)
- Acipenser guldenstadti (Kaspia aŭ Rusia sturgo)
- Acipenser schrenckii Brandt, 1869 (Amura acipensero)
- Holothuria leucospilota Brandt, 1835 (longa nigra markukumbro)
- Idotea ochotensis Brandt, 1851
- Lasiopodomys brandtii (Brandta kampomuso)
- Mesocricetus brandti (Brandta hamstro)
- Myotis brandtii (Brandta vesperto)
- Paraechinus hypomelas (Brandta erinaco)
- Phalacrocorax penicillatus (Brandta kormorano)
- Somateria fischeri Brandt, 1847 (Okulvitra molanaso)
- Stichopus chloronotus Brandt, 1835 (Nigra markukumbro)
- Trionyx maackii Brandt, 1858 (Ĉina moltestudo)[1]
Notoj
Referencoj
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
