Giorgio Canuto

Giorgio CANUTO [kanuto] (naskiĝis la 3-an de junio 1897 en Torino, mortis la 29-an de oktobro 1960) estis itala esperantisto, d-ro med. kaj jura, universitata profesoro de jurmedicino en Torino. Prezidanto de UEA 1956 ĝis 1960, mortis dum la ofico. Laŭ li estas nomita la Fondaĵo Canuto de UEA, kiu ebligas membrecon al homoj en ekonomie malfortaj landoj.

Giorgio Canuto
Persona informo
Naskiĝo	3-an de junio 1897 (1897-06-03) en Torino
Morto	29-an de oktobro 1960 (1960-10-29) (63-jaraĝa) en Torino
Lingvoj	Esperanto • itala
Ŝtataneco	Italio (1946–1960) Reĝlando Italio (1897–1946)
Alma mater	Universitato de Torino
Subskribo
Okupo
Okupo	juristo (1924–) kuracisto (1921–) politikisto esperantisto
v • d • r

Canuto interesiĝis pri Esperanto ekde 1925 kaj komencis sian agadon per instruado kaj prezidanto de la loka grupo. De 1928 li estis vicprezidanto de Itala Esperanto-Federacio (IEF). Li akcelis la kunlaboradon de gvidantaj italaj Esperantistoj. En 1929-30 li instruis per radia kurso (Torino). Li estis membro de la reorganiza komitato de Universala Esperanto-Asocio (UEA), Parizo, 1932.

Dum la Universala Kongreso (UK) en Kopenhago (1956) li estis elektita prezidanto de UEA kaj konfirmita dum la UK 1959 en Varsovio.

Canuto verkis propagandajn artikolojn kaj sciencajn studojn en Internacia Medicina Revuo kaj Scienca Revuo. De 1929 (UK en Budapeŝto) li regule prelegis pri sia fako en la Someraj Universitatoj de la kongresoj.

Literaturo

• 1982: Migliorini, Elio. Pionieri dell’Esperanto in Italia. Roma 1982 (en la itala)
• 1960: Minnaja, Luigi. La personeco kaj lastaj momentoj de prof. d-ro G. Canuto. Revuo Esperanto 53-a jaro 12/1960, p. 202
• 1960: Lapenna, Ivo. Forpasis la Prezidanto. Revuo Esperanto 53-a jaro 12/1960, p. 201

Eksteraj ligiloj

• Artikoloj de kaj pri Giorgio Canuto en Elektronika Bibliografio de Esperantaj Artikoloj (EBEA)
• Nekrologo de Canuto en Pola Esperantisto
• memordatoj en junio 2022: Antaŭ 125 jaroj naskiĝis Giorgio Canuto en Ondo de Esperanto la 2-an de junio 2022

Giorgio Canuto (dekstre) dum vizito en Bjalistoko la 6-an de aŭgusto 1959

Trovu « Giorgio Canuto » inter la Vizaĝoj de homoj rilataj al la ideo «Internacia Lingvo»

Antaŭe:	Prezidanto de Universala Esperanto-Asocio	Poste:
Ernfrid Malmgren	1956–1960	Harry Holmes

PeEnEo: 10655 GND: 1072387921 LCCN: nb2015019139 VIAF: 49217011 ISNI: 0000000000024927 BNF: 10799015f