Ernfrid Malmgren

Ernfrid Cart MALMGREN (naskiĝis la 3-an de novembro 1899 en Köping, mortis la 28-an de marto 1970^[1] samtempe kun sia edzino Linnea Malmgren) estis sveda instruisto kaj prezidanto de Universala Esperanto-Asocio (UEA).

PeEnEo: 11819 GND: 1081838582 LCCN: no2012115545 VIAF: 272766846 ISNI: 0000000383951671 BIBSYS: 99001751

Ernfrid Malmgren
Ernfrid Malmgren, 1950-aj jaroj
Persona informo
Naskiĝo	3-an de novembro 1899 (1899-11-03) en Köping
Morto	28-an de marto 1970 (1970-03-28) (70-jaraĝa) en Svedio
Lingvoj	Esperanto
Ŝtataneco	Svedio
Subskribo
Okupo
Okupo	esperantisto
v • d • r

Direkciano de Sveda Esperanto-Instituto (SEI) kaj fakestro de ĝiaj kursa, financa kaj statistika sekcioj de 1930. Sekretario de Sveda Esperanto-Federacio (SEF) de 1931. Sekretario de Sveda Instruista EF, 1929-1931. Prezidanto de Sveda Esperanta Turista Asocio kaj Esperanta Turista Komisiono (ETK). Organizis plurajn Esperanto-kursojn en Stokholmo kun ekster- kaj enlandaj instruistoj de 1928; oficialajn Esperanto-kursojn por svedaj instruistoj somere 1928 kaj dum 1929-1931, subvenciatajn de la registaro; prelegvojaĝojn de L. Sinha, 1929-1930, tiujn de Scherer, 1931. Efektivigis grandajn turistvojaĝojn inter Svedujo kaj Estonujo, 1929-1931, kune kun Henrik Seppik. Ĉefo-delegito de UEA, 1933. Ĝenerala sekretario por la UK en Stokholmo 1934. De lia ,Sistema Kurso de Esperanto' (kun Seppik), 1932, vendiĝis 5000 ekzempleroj dum 5 monatoj.

En 1934 li eniris la Estraron de UEA kaj okupiĝis precipe pri informado. En sia hejmo en Stokholmo li starigis Propagando-Centron, kaj dum la dua mondmilito li dissendis bultenojn pri la movado precipe en la okupitaj landoj.

Post la kunfandiĝo de Internacia Esperanto-Ligo kaj UEA en 1947 li fariĝis prezidanto. Malmgren, kiu ofte estis malsana, en 1956 rezignis kvankam reelektita en 1955. Malmgren en 1962 ricevis la titolon Honora Prezidanto.

Verkoj

• Esperanto kaj ĝia instruado en lernejoj (laŭ materialo de Somera Pedagogia Semajno en Kranjska Gora de 26a julio ĝis 1a aŭgusto 1957, red. Peter Zlatnar, antauparolo de E. Malmgren. - Jugoslavia Esperanto-Federacio, 1959. - 200 p.)
• La nuna stato de la instruado de la internacia lingvo en la lernejoj (Ivo Lapenna kunlabore kun E. Malmgren, D. Kennedy, 1963)
• Allas andra spraak Esperanto (1957)
• Amikaro adiaŭas amatan Stellan Engholm
• La Esperanto-Klubo: kial fondi ĝin, kiel fondi ĝin, kiaj estu la programoj (1933)
• Per kio ni amuzu nin? Societ- kaj dancludoj (de Jakob Rosenberg; Ernfrid Malmgren. - 1934
• Systematický kurs mezinárodního jazyka Esperanto (Henrik Seppik; Ernfrid Malmgren - en la ĉeĥan trad. Ladislav Krajc. 1938)
• Systematisk kurs i Esperanto (Henrik Seppik; Ernfrid Malmgren. - 1932)
• Esperanto keele süstemaatiline kursus (Henrik Seppik; Ernfrid Malmgren. - 1936)
• Sveda kantareto (1931)

Recenzoj

Pri Per kio ni amuzu nin?

„ Kolekto de 30 ludoj por ĉambro aŭ kampo, kun listo de garantiaĵoj. Interalie ĝi enhavas multajn ludojn familiarajn por ni ĉe Kristnaskaj festoj, kvankam eble sub alia nomo; kaj estas interese scii, ke oni same ludas ilin en Svedujo. Sekvas 26 dancludoj kaj “ĉenkantoj” : sed ili utilas nur al la scianto de la ludo kaj la melodio. Certe ĉiu grupa sekretario trovos en la libro utilajn ideojn por festkunvenoj. ” — La Brita Esperantisto - Numero 354, Oktobro (1934)

Referencoj

1. La revuo Esperanto grandparte dediĉita al Malmgren

Eksteraj ligiloj

Trovu « Ernfrid Malmgren » inter la Vizaĝoj de homoj rilataj al la ideo «Internacia Lingvo»

• Ernfrid Malmgren en Enciklopedio de Esperanto
• Libroj kaj aliaj dokumentoj^{[rompita ligilo]} de kaj pri Ernfried Malmgren en la Kolekto por Planlingvoj kaj Esperantomuzeo Arkivigite je 2007-12-21 per la retarkivo Wayback Machine
• Artikoloj de kaj pri Ernfrid Malmgren en Elektronika Bibliografio de Esperantaj Artikoloj (EBEA)
• Artikoloj de kaj pri Ernfrid Malmgren en elektronika biblioteko de Katolika Universitato Lublina

Antaŭe:	Prezidanto de Universala Esperanto-Asocio	Poste:
Hans Hermann Kürsteiner	1947–1956	Giorgio Canuto