From Wikipedia, the free encyclopedia
Constantin (Konstanty) Régamey (naskiĝis la 28-an de januaro 1907 en Kievo — mortis la 27-an de decembro 1982 en Laŭzano) – pola-svisa komponisto, pianisto, muzika kritikisto, filologo kaj hindologo.
| Constantin Régamey | |
|---|---|
_Régamey.jpg) | |
| Persona informo | |
| Naskiĝo | 28-an de januaro 1907 en Kievo |
| Morto | 27-an de decembro 1982 (75-jaraĝa) en Laŭzano |
| Lingvoj | franca • angla • germana • pola |
| Ŝtataneco | Pollando  |
| Alma mater | Universitato de Varsovio |
| Okupo | |
| Okupo | verkisto komponisto |
Filo de pianisto, komponisto kaj pedagogo Kazimierz Regamey. Kvinjara komencis ludi fortepianon sub gvido de la patrino Lydia Slavitch. De 1920 ekloĝis en Varsovio, kie finis gimnazion je la nomo al Jan Zamoyski (1925). Studis filologion kaj hindologion en Varsovio kaj ekde 1932 en Parizo; hindologion lekciis ĉe Varsovia Universitato, kie ankaŭ aktivis kiel muzika kritikisto. En 1937 habilitiĝis. En la jaroj 1937-1939 redaktis revuon Muzyka Polska (Pola Muziko). Al liaj konatoj apartenis Karol Szymanowski, Jarosław Iwaszkiewicz, Bolesław Miciński, Konstanty Ildefons Gałczyński kaj Jerzy Stempowski.
En Pollando restis ankoraŭ dum la unuaj jaroj de la dua mondmilito; tiam komencis komponi. Dum okupado kiel svisa civitano koncertis en kafejoj kaj ligis kunlaboron kun Pola Enlanda Armeo. Post malvenko de la ribelo de Varsovio kun la patrino ektroviĝis en koncentrejo apud Gdańsk, de kie estis forveturigita al la alia apud Hamburgo. Novembre 1944 ekloĝis en Laŭzano.
De 1944 li lekciis orientan kaj slavan filologion en universitatoj de Friburgo kaj ekde 1945 en Laŭzano. En la jaroj 1949-50 lekciis en Barato kaj Egiptio. En 1957 profesoriĝis.
Komponis orkestran verkaron, ĉambran muzikon kaj kanto-instrumentan kiel Pieśni perskie (Persaj kantoj). En 1977 finis pedagogian aktivadon. Kiel unu el la unuaj komponistoj en Pollando aplikis dekdutonisman teknikon.
Publikis pri budhismo kaj muzik-teorio, esploris sanskriton.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
