Coldrerio
komunumo de Svislando From Wikipedia, the free encyclopedia
Coldrerio - prononco [kolDRErio] - estas komunumo de la Komunumaro Mendrisio kaj la Distrikto Mendrisio en Kantono Tiĉino, Svislando. Ĝi havis 2 939 loĝantojn laŭ la stato de 2018.
| Coldrerio | |
|---|---|
 | |
| Blazono de Coldrerio | |
 | |
| Coldrerio | |
| Kantono | Tiĉino |
| Distrikto | Mendrisio |
| Komunumaro | Mendrisio |
| Koordinatoj | 45° 51′ 11″ N 8° 59′ 10″ O (mapo) |
| Nombro de loĝantoj | 2 939 (en 2018) |
| Areo | 2,46 km² |
| Alteco | 351 m super marnivelo |
| Poŝtkodo | 6877 |
| Komunumkodo | 5251 |
 | |
| Mapo de Coldrerio | |
Coldrerio situas sude de la urbo Mendrisio. Al la urbeca komunumo apartenas la kvartaloj Madonna, Mercole kaj Villa.
La teritorio de la komunumo etendiĝas sur areo de 2,46 km², de kiuj 10,1% estas kovritaj de arbaro, 45,6% servas por agrikulturo kaj 43,1% por setlado.[1]
La komunumo Coldrerio limas en nordoriento al Castel San Pietro, en sudoriento al Balerna, en sudo kaj sudokcidento al Stabio, kaj en nordokcidento al Mendrisio.
Tra Coldrerio pasas la kantona ĉefvojo n-ro 2 kaj la svisa aŭtovojo A2, kies plej suda servejo de vojaĝantoj situas en Clodrerio. La gotarda trajnlinio de Svisaj Federaciaj Fervojoj, kiu pasas tra la komunumo ne disponas pri stacidomo sur la komunuma teritorio, sed per la loka busreto de Mendrisio la komunumo estas bone konektita al la publika transportreto.
La unua dokumenta mencio de Coldrerio datiĝas el la jaro 852 kiel Caledrano. En la 19-a jarcento estis dum torfminado trovitaj la restaĵoj de surposta setlejo el la bronzepoko. Dum la eŭropa mezepoko la Episkoplando Como posedis bienojn en Coldrerio. En la 13-a jarcento, kiam Coldrerio fariĝis komunumo, ĝi dependis de la Graflando Seprio. En la jaro 1517 ĝi kun la tuta Mendrisiotto venis sub la regado de la Svisa Ĵurkomunumo. [2]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
