WWF-ekoregiono el okcidenta Nordameriko From Wikipedia, the free encyclopedia
La arbaroj de norda-centra Rokmontaro estas tersupraĵa ekoregiono el la okcident-nordamerika ekoprovinco de la nearktisa ekozono laŭ la tipologio de la Monda Natur-Fonduso (WWF). Biome la ekoregiono apartenas al mezvarmaj koniferarbaroj de Kanado kaj Usono.
| Arbaroj de norda-centra Rokmontaro | ||||
|---|---|---|---|---|
| ekoregiono | ||||
  | ||||
| Mezvarmaj koniferarbaroj, ekoregiono laŭ Monda Natur-Fonduso [+] | ||||
| Landoj | Kanado, Usono | |||
| Rivero | Kolumbio | |||
| Koordinatoj | 49° 0′ 0″ N, 115° 0′ 0″ U (mapo)49-115 [+] | |||
| Areo | 245 700 km² (24 570 000 ha) | |||
| Birdospecioj | 219 | |||
| Mamulspecioj | 79 | |||
|
||||
 |
||||
| Arbaroj de norda-centra Rokmontaro | ||||
 Vikimedia Komunejo: North Central Rockies forests [+] |
||||
Tiu ekoregiono, kiu kovras 245 700 da kvadrataj kilometroj, situas en rokmontaraj regionoj de sudorienta Brita Kolumbio, sudokcidenta Alberto, nordokcidenta Montana kaj norda Idaho. La klimato estas variebla. Areoj okcidente de la Granda Amerika Akvodislimo ricevas pli da precipitaĵo kaj pli da moderiganta influo de Pacifika Oceano, dum areoj oriente de la Akvodislimo havas pli sekan, pli kontinentan klimaton. En la kanada parto de la ekoregiono, la averaĝaj jartemperaturoj varias de 3,5 °C en la oriento ĝis 5,5 °C en la okcidento, la averaĝaj somertemperaturoj varias de 12,5 °C al 14,5 °C, kaj la mezaj vintrotemperaturoj varias de −3,5 °C al −6,5 °C. La valoj travivas varmajn, malsekajn somerojn kaj milde malvarmajn, neĝvintrojn, dum sub-altmontaraj zonoj travivas malvarmetajn, malsekajn somerojn kun la ebleco de frostoj, kaj tre malvarmajn, neĝvintrojn. La precipitaĵo estas modera ĝis alta, kun valoj kutime ricevantaj inter 500 milimetroj kaj 800 milimetroj, kaj altaj altitudoj ricevantaj nete pli ol 1 000 milimetrojn.
Tiu ekoregiono estas precipe mezvarma konifera arbaro. La malaltaĵaj arbaroj estas dominataj de la okcidenta cugo (Tsuga heterophylla), la giganta tujo (Thuja plicata) kaj la rokmontara abio (Abies lasiocarpa), kun pli etaj populacioj de la tordopino (Pinus contorta), la Menzies-pseŭdocugo (Pseudotsuga menziesii), la arĝenta pino (Pinus monticola) kaj la okcidenta lariko (Larix occidentalis). Sub-altmontaraj zonoj estas dominataj de la Engelman-piceo (Picea engelmanni), de la rokmontara abio, kaj, en areoj kie arbarincendiojn estas oftaj, de la tordopino. Tiu ekoregiono ankaŭ ampleksas herbejojn, piedmontetajn herbejojn, ĉeriverajn arbarojn, kaj plantokomunumojn de la arbarlimo kaj pli supre.
La mamuloj de la arbaroj de norda-centra Rokmontaro inkludas la grizan lupon (Canis lupus), la grizan urson (Ursus arctos var. horriblus), la gulon (Gulo gulo), la boacon (Rangifer tarandus var. caribou), la amerikan nigran urson (Ursus americanus), la oreamnon (Oreamnos americanus), la hemionan cervon (Odocoileus hemonius), la blankavostan cervon (Odocoileus virginianus), la alkon (Alces alces), la kojoton (Canis latrans), la pumon (Puma concolor), la rufan linkon (Lynx rufus) kaj la amerikan marteson (Martes americana).
Kvankam grandaj partoj de tiu ekoregiono estas sendifektaj kaj protektataj, ĝia konserva statuso estas listigata kiel "vundebla". La ĉefaj minacoj al la integreco de la ekoregiono estas rimedekstraktado kaj disvolviĝo, pliigante homan aktivecon, arbarekspluatadon, minadon, brutarpaŝtadon kaj enmetitajn speciojn.
Naturprotektejoj en tiu ekoregiono inkludas Glaĉeran Nacian Parkon en nordokcidenta Montano, Nacian Parkon Joho kaj Nacian Parkon Kootenay en sudorienta Brita Kolumbio, Nacian Parkon de Lagoj Waterton en fora sudokcidenta Alberto kaj Sovaĝejon Selway-Bitterroot en nordorienta Idaho.
| Nearktisaj mezvarmaj koniferarbaroj | |
|---|---|
| NA0501 Rok-montaraj arbaroj de Alberto |  Kanado |
| NA0503 Arizonaj montarbaroj |  Usono |
| NA0506 Brit-kolumbiaj kontinent-marbordaj arbaroj | Kanado, Usono |
| NA0507 Kaskad-montaraj leaj arbaroj | Kanado, Usono |
| NA0508 Arbaroj de centra kaj suda Kaskada Montaro | Usono |
| NA0511 Koloradiaj rokmontaraj arbaroj | Usono |
| NA0513 Floridaj sablopinaroj | Usono |
| NA0514 Arbaroj de Frejzer-Altebenaĵo kaj Frejzer-Baseno | Kanado |
| NA0515 Grand-basenaj montarbaroj | Usono |
| NA0518 Arbaroj de norda-centra Rokmontaro | Kanado, Usono |
| NA0519 Nord-kaliforniaj marbordaj arbaroj | Usono |
| NA0520 Nord-pacifikaj marbordaj arbaroj | Kanado, Usono (Alasko) |
| NA0525 Arkipelago Reĝino Karloto | Kanado |
| NA0527 Arbaroj de Sierra Nevada | Usono |
| NA0529 Sudorient-usonaj koniferaroj | Usono |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
