From Wikipedia, the free encyclopedia
La nord-kaliforniaj marbordaj arbaroj estas tersupraĵa ekoregiono el la okcident-nordamerika ekoprovinco de la nearktisa ekozono laŭ la tipologio de la Monda Natur-Fonduso (WWF). Biome ĝi apartenas al mezvarmaj koniferarbaroj de marborda Norda Kalifornio, Usono. Botanike tiuj arbaroj situas en la Rokmontara Flaŭra Regiono. Kune kun kelkaj aliaj ekoregionoj, la nord-kaliforniaj marbordaj arbaroj konstituas la "pacifikajn moderajn pluvarbarojn", tutmondaj 200-unuon.
| Nord-kaliforniaj marbordaj arbaroj | ||||
|---|---|---|---|---|
| ekoregiono | ||||
 Sekvojaro en Sekvojara Nacia Parko. | ||||
| ekoregiono laŭ Monda Natur-Fonduso [+] | ||||
|
||||
 Vikimedia Komunejo: Northern California coastal forests [+] |
||||
La ekoregiono apudas Pacifikan Oceanon, kaj estas humidigita vintre per la pacifik-oceanaj ŝtormoj, kaj somere per la marbordaj nebuloj. La ekoregiono kovras 13 300 km2, etendiĝante ekde Kantono Del Norte je la kalifornia-oregona limo suden ĝis Kantono Santa Cruz. Iuj partoj de Montaro Santa Lucia en Kantono Monterey havas arbojn asociataj kun tiu ekoregiono. Tiu ĉi malofte etendiĝas pli ol 65 km landinternen ekde la marbordo. Ĝi estas parto de la Pacifikaj moderaj pluvarbaroj, kiuj etendiĝas laŭlonge de la pacifika marbordo ĝis Insulo Kodiak en Alasko.
La ekoregiono estas karakterizita de sekvojo ( Sequoia sempervirens ); sekvojaroj alternas kun pluraj aliaj plantaj komunumoj, inkluzive nord-marbordaj herbejoj kaj nord-marbordaj arbustaroj tuj apude de la marborda zono kaj sur monteto-pintoj, miksa ĉiamverda arbaro de marborda duglaso (Pseudotsuga menziesii var. menziesii), densflora litokarpo ( Lithocarpus densiflorus ), Menzies-arbuto ( Arbutus menziesii ), kaj Umbellularia californica (laŭracoj) sur pli seka deklivaro, kaj enklavoj de pinaroj de episkopo-pino (Pinus muricata) kaj de tuber-strobila pino (Pinus attenuata).
Iuj el la plej maloftaj arbaroj kiuj troviĝas en la marborda regiono estas la ponderosa-pinaroj de la Marbordaj Montaroj; ekzemplo de tiuj troviĝas en la baseno de Carbonera Creek de Kantono Santa Cruz, Kalifornio.
La ekoregiono gastigas 232 birdospeciojn kaj 77 mamulspeciojn [1].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
