Amora asteroido

La Amoraj asteroidoj estas klaso da marsrenkontaj kaj terrenkontaj asteroidoj, nomitaj laŭ 1221 Amoro. Ili tanĝas la orbiton de Tero sed ne trairas ĝin. Plejparto el la amoraj trairas la orbiton de Marso, kaj eblas, ke ambaŭ naturaj satelitoj de Marso, Fobo kaj Dejmo estus kaptitaj amoraj asteroidoj.

Zono de la Amoraj asteroidoj (verde)

Plej konata amora asteroido estas 433 Eroso, unua asteroido sur kiu surteriĝis kosmosondilo (NEAR Shoemaker, 12-an de februaro 2001).

Difino

Estas tri ĝeneralaj kriterioj, laŭ kiuj asteroido povas esti klasifikata kiel amoran asteroidon

1. La asteroido proksimiĝu de Tero je 0,3 AU (ĉ 45 milionoj de km).
2. La asteroida orbito restu ekstera al la tera orbito;
3. La asteroida orbito ne trairu la teran orbiton, tie estas ĝia perihelio restu pli granda ol 1 AU (ĉ 150 milionoj de km).

Tiuj tri kriteroj estas resumitaj al: "Se asteroido havas perihelion inter 1,000 kaj 1,300 AU, ĝi estas klasifikata kiel amora asteroido, senrigarde pri ĝia granda duonakso, discentrecon , afelio, fizikaj aŭ kemiaj ecoj, aneco al familio, orbita stabileco aŭ deveno".

Subklasoj

Pli ol 1200 amorajn asteroidojn oni nun konas. malpli ol 200 estas numerotitaj, ĉ 60 estas nomitaj. Ili estas dividitaj en 4 sub-klasoj, laŭ iliaj granda duonakso.

Amora I

Asteroidoj kun granda duonakso inter 1,000 kaj 1,523 AU: tie estas inter la orbitoj de Tero kaj Marso. Ili havas malpli grandan discentreco ol tiu de la anoj de la aliaj sub-klasoj.

Malpli ol 20% el la amoraj asteroidoj estas en tiu subklaso.

Amora II

Asteroidoj kun granda duonakso inter 1,523 kaj 2,12 AU: tie estas inter la orbito Marso kaj la meza asteroida zono. Ili havas mezan discentrecon kaj ĉiuj estas marsrenkontaj asteroidoj

Ĉirkaŭ unu triono el la amoraj asteroidoj estas en tiu subklaso.

Amora III

Asteroidoj kun granda duonakso inter 2,12 kaj 3,57 AU : ili do estas asteroidoj de la asteroida zono kies granda discentreco (0,4 al 0,6) permesas proksimiĝi al Tero. Tiu granda discentreco kondukas ilin trans la asteroida zono. Iuj, kiel 5370 Taraniso estas jupiterrenkontaj asteroidoj.

Estante asteroidoj de la ĉefa asteroida zono, pluraj anoj de tiu sub-klaso entas anoj de grupoj de la ĉefa zono, ekzemple 887 Alindo, kiu donas sian nomon al la Alinda familio.

Preskaŭ duono el la amoraj asteroidoj estas en tiu subklaso.

Amora IV

Nur kelkaj asteroidoj de tiu subkalso estas konataj. Iliaj grandaj duonaksoj superas 3,57 AU kaj ili havas grandan discentrecon : 0,65 al 0,75. La ununura numerotita asteroido Amora IV estas 3552 Don Kiĥoto.

Potence danĝeraj asteroidoj

Plejparto el la potence danĝeraj asteroidoj (PDA) estas aŭ Atonaj asteroidoj, aŭ Apolonaj asteroidoj. Tamen, unu dekono el la PDA estas Amoraj asteroidoj. Por esti rigardita kiel danĝera, objekto devas proksimiĝi al 0,05 AU (ĉ 7,5 milionoj de km) de Tero kaj esti "sufiĉe granda" por esti minacanta.

Kvindeko da Amoraj asteroidoj estas potence danĝeraj, inter kiuj 2061 Anza, 3908 Nikso kaj 3671 Dionizo

Listo

Kelkaj nomitaj Amoraj asteroidoj

433 Eros 719 Albert 887 Alinda 1036 Ganymed 1221 Amor 1580 Betulia 1627 Ivar 1915 Quetzálcoatl 1916 Boreas 1917 Cuyo 1943 Anteros 1980 Tezcatlipoca 2059 Baboquivari 2061 Anza 2202 Pele 2368 Beltrovata 2608 Seneca 3102 Krok 3122 Florence 3199 Nefertiti 3271 Ul 3288 Seleucus 3352 McAuliffe 3551 Verenia 3552 Don Quixote 3553 Mera 3671 Dionysus 3691 Bede 3757 Anagolay 3908 Nyx 3988 Huma 4055 Magellan 4401 Aditi 4487 Pocahontas 4503 Cleobulus 4587 Rees 4947 Ninkasi 4954 Eric 4957 Brucemurray 5324 Lyapunov 5332 Davidaguilar 5370 Taranis 5620 Jasonwheeler 5653 Camarillo 5751 Zao 5797 Bivoj 5863 Tara 5869 Tanith 5879 Almeria 6050 Miwablock 6456 Golombek 6569 Ondaatje 7088 Ishtar 7336 Saunders 7358 Oze 7480 Norwan 8013 Gordonmoore 8034 Akka 8709 Kadlu 9172 Abhramu 9950 ESA 11284 Belenus 13553 Masaakikoyama 15817 Lucianotesi 16912 Rhiannon 18106 Blume 20460 Robwhiteley 21088 Chelyabinsk 65803 Didymos 96189 Pygmalion 154991 Vinciguerra 162011 Konnohmaru 164215 Doloreshill 189011 Ogmios 452307 Manawydan 481984 Cernunnos

Vidu ankaŭ

• Atona asteroido
• Apolona asteroido

Eksteraj ligiloj

• angle Listo de la Amoraj asteroidoj, el "Minor Planet Center"