la 125a tennoo de Japanio, kiu reĝis de 1989 ĝis 2019 From Wikipedia, the free encyclopedia
Akihito (明仁[aki-hito]; naskiĝis 23-a de decembro 1933 - ) estas la 125-a Imperiestro de Japanio (1989-2019). Oni evitas nomi vivantan imperiestron kun lia nomo sed nomas lin "Lia Imperia Emerita la Imperiestro" (上皇陛下 Jōkō Heika), kies origa nomo estas Dajyō Tennō (太上天皇).
Akihito | |||||
---|---|---|---|---|---|
Japana imperiestro | |||||
![]() | |||||
Regado | 1989 – 2019 | ||||
Antaŭulo | imperiestro Hirohito | ||||
Sekvanto | imperiestro Naruhito | ||||
![]() | |||||
Persona informo | |||||
明仁 | |||||
Naskonomo | 継宮明仁親王 | ||||
Naskiĝo | 23-a de decembro 1933 en Japanio | ||||
Religio | ŝintoo vd | ||||
Lingvoj | japana vd | ||||
Ŝtataneco | Japanio ![]() | ||||
Alma mater | Universitato Gakuŝuin ![]() | ||||
Subskribo ![]() | |||||
Familio | |||||
Dinastio | Imperiestra familio de Japanio vd | ||||
Patro | Imperiestro Hirohito | ||||
Patrino | Nagako Kōjun | ||||
Gefratoj | Shigeko Higashikuni (en) ![]() ![]() ![]() ![]() ![]() ![]() ![]() | ||||
Edz(in)o | imperiestrino Michiko | ||||
Infanoj | princo Naruhito (1960-) princo Akishino | ||||
Profesio | |||||
Okupo | monarko zoologo iĥtiologo marbiologo ![]() | ||||
Verkado | |||||
Verkoj | A Message from His Majesty The Emperor (March 16, 2011) ❦ Message from His Majesty the Emperor (August 8, 2016) vd | ||||
| |||||
| |||||
vd | Fonto: Vikidatumoj | ||||
Lia erao estas titolita "Heisei" (平成). Li iĝos Imperiestro Heisei post sia morto.
Akihito estas la plejaĝa filo de la Imperiestro Showa (Hirohito) kaj imperiestredzino Kojun (Nagako). En infaneco li estis titolata Princo Tsugu(継宮 [cugu no mija]). Li estis edukata de privata guvernisto, kaj ĉeestis la elementan kaj duarangan departmenton de la Nobela Lernejo (Gakushuin) ekde 1940 ĝis 1952. Li estis disigita de siaj gepatroj, kiam li estis 3-jaraĝa.
Dum Usono bombis Tokion en marto 1945, li kaj lia pli juna frato Princo Masahito (nun Princo Hitachi) rifuĝis el la urbo. Dum Usono okupadis Japanion post la Dua mondmilito, Akihito estis edukata angle de Elizabeth Gray Vining. Li studis ĉe la Departemento de Politika Scienco ĉe Universitato Gakushuin en Tokio, kvankam li ne ricevis akademian titolon.
Tamen poste li iĝis amatora fakulo pri fiŝ-scienco kaj eldonis multe da raportoj kaj libroj pri gobiuso.
La 10-an de novembro 1951, li deklaris, ke li estas kronprinco je la ceremonio "立太子の礼" (Rittaishi no Rei).
En junio 1953, kronprinco Akihito reprezentis Japanion ĉe la kronado de Elizabeto la 2-a de la Unuiĝinta Reĝlando.
La 10-an de aprilo 1959, li edziĝis al Shoda Michiko, kies patro Shoda Hidesaburo estas prezidanto kaj poste honora prezidanto de la muelisto-kompanio Nisshin. La nova kronprincino estas la unua nenobelo, kiu per geedziĝo eniris la imperiestran familion.
Kronprinco Akihito kaj Kronprincino Michiko vizitis oficiale 37 landojn.
La 7-an de januaro 1989, lia patro Hirohito forpasis. Tial Kronprinco Akihito iĝis la 125-a Japana Imperiestro la 12-an de decembro1990.
De post la heredo de la trono, la imperiestro penis por proksimigi la imperian familion al la Japana popolo. Li kaj lia edzino vizitis oficiale 18 landojn kaj ankaŭ 47 guberniojn de Japanio.
Imperiestro Akihito kaj imperiestredzino Michiko havas 3 gefilojn: Kronprinco Naruhito (naskiĝis la 23-an de februaro), princo Fumihito (naskiĝis la 11-an de novembro) kaj princino Sayako (naskiĝis la 18-an de aprilo 1969).
La 13-an de julio 2016 japana novaĵagentejo raportis, ke Akihito deziris abdiki favore al sia plej aĝa filo, kronprinco Naruhito, kaj la 8-an de aŭgusto 2016 li konfirmis tion en televida alparolo al la tuta nacio. La iama jura bazo de la imperiestra familio tamen devis esti amendita por ebligi tian abdikon[1][2], kiu finfine oficiale okazis la 30-an de aprilo 2019.
Antaŭa: Showa |
![]() Imperiestroj de Japanio |
Sekva: Reiwa |