La Sepataga Adventisma Eklezio (fondita en 1863) estas fundamentista eklezio de protestantismo, kiu sekvas la usonan profetinon, Ellen G. White. Sekvante severan interpreton de la Biblio, adventistoj iras al preĝejo sabate kaj manĝas koŝere, kiel judoj. Ili ne trinkas kafeinon, alkoholon aŭ fumas tabakon. Multaj estas vegetaranoj. Kvankam plejparte protestanta en doktrino (sola scriptura, bapto, la Sankta Triunuo ktp), laŭ adventismo la animo ne estas nature senmorta aŭ povas ekzisti aparte de la korpo. Tial la mortintoj ne nun ekzistas nek en infero nek en la ĉielo, sed estos relevigitaj korpe kaj juĝitaj post la reveno aŭ Advento de Jesuo Kristo. La malbonaguloj ne iros al infero sed estos detruitaj kun Satano. Tial adventismo ne kredas en infero. Post la detruo, la savitoj loĝos por ĉiam kun Kristo sur nova, paradiza tero.
| Sepataga Adventisma Eklezio | |||||
|---|---|---|---|---|---|
 | |||||
 | |||||
| konfesio kristana organizaĵo organizaĵo  | |||||
| Komenco | 21-a de majo 1863 vd | ||||
| Antaŭe | Millerism vd | ||||
| Poste | Sepataga Adventisma Reforma Movado • True and Free Seventh-day Adventists • Shepherd's Rod vd | ||||
| Geografia situo | 39° 3′ 36″ N, 76° 58′ 7″ U (mapo)39.0599-76.9686 | ||||
| Sidejo | Arĝenta Fonto | ||||
| |||||
 Sepataga Adventisma Eklezio | |||||
| Fondinto(j) | Joseph Bates • Ellen G. White • James S. White • J. N. Andrews vd | ||||
| |||||
| Posedatoj | Hope Channel Philippines (en)  Nuevo Tiempo (en) Sanitarium Health and Wellbeing Company (en) Casa Publicadora Brasileira (en) KSAF-LP (en) Esperanza TV (en) Glacier View Ranch (en) Hope FM (en) Hope Channel (en) vd | ||||
| Retejo | Oficiala retejo | ||||
Laŭ adventismo, la Advento okazos baldaŭ, kiam Kristo revenos por juĝi la vivantojn kaj la mortintojn. Pro tio, en 1844 Dio sendis profetinon White, por helpi kaj instrui la kristanan eklezion, kiu restos ĝis la Advento. La vizioj kaj skriboj de White, deveninte de Dio, estas aŭtoritataj, nur la Biblio estante pli aŭtoritata. Adventistoj uzas ŝiajn skribojn por interpreti la Biblion. Pro ŝia instruo, adventistoj iras al preĝejo sabate kaj manĝas koŝere, inter aliaj sen ĉevalaĵo kaj porkaĵo, sen salikokoj kaj sen senskvama fiŝaĵo.
La eklezio, el kiu adventismo venis, antaŭdiris la precizan tagon de la Advento, sed kiam Kristo fiaskis reveni je mardo la 22-a de oktobro 1844, la eklezio disrompis: unu parto, sub la influo de White, fariĝis la nuna adventismo, la alia parto fariĝis jehovismo. Jehovismo korektis la daton, sed White, pro siaj vizioj, diris, ke Jesuo je tiu dato iris al alia parto de la ĉielo por pretigi sin por la baldaŭa Advento.
La eklezio praktike toleras divorcon kaj reedziĝon. Pastro devas esti viro, sed li povas edziĝi. La eklezio ne baptas infanetojn. Komunio estas po kvarfoje jare: ĝi estas kun pano, vinbersuko (ne vino pro ĝia alkoholo) kaj piedlavado. La efiko de komunio, kiel bapto, estas simbola.
En 2000 estis ĉirkaŭ 11 milionoj da adventistoj tra la mondo (sed ankaŭ milionoj da eks-adventistoj), kreskante tre rapide tra la mondo, precipe en la Tria Mondo, kvarobliĝinte tutmonde dum la pasintaj 25 jaroj. La eklezio estante tre misiema: nun nur 9% el kredantoj loĝas en Usono, la naskolando de la eklezio. La eklezio havas universitatojn, la ĉefa estante Andrews en Usono. Ĝi ankaŭ havas hospitalojn, eldonejojn kaj misiojn.
100% de la loĝantoj de Pitkarna Insulo estas Adventistoj de la Sepa Tago.
Idoj de adventismo:
- La ideoj de White pri sana manĝado instigis la inventon de maizflokoj.
- Kellogg's estis fondita de adventistoj.
- Kaj de adventismo ankaŭ venis (per la skisma sekto de Victor Houteff) la sekto de David Koresh, kiu mortis kun siaj sekvantoj ĉe Waco, Teksaso en Usono en 1993, kiam ili estis atakitaj de la registaro.
Eksteraj ligiloj
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
