Wilhelma

Wilhelma estas la nomo de la zoologia-botanika ĝardeno en Stuttgart (Stutgarto), Germanujo, kiu estas konata pro sia plenkreskigodomo por idoj de homedoj („homsimioj“), kiujn ties patrinoj en iuj zooj de Eŭropo rifuzis akcepti.

Wilhelma
Wilhelma
bestoĝardeno, botanika ĝardeno [+]
Lando	Germanio
Federacia lando	Baden-Virtembergo
Municipo	Stutgarto
Koordinatoj	48° 48′ 18″ N, 9° 12′ 18″ O (mapo)48.8059.205 [+]
Akvokolektejo	0,3 km² (30 ha) [+]
Areo	0,3 km² (30 ha) [+]
Malfermo	1864
Publike alirebla	1880
Remalfermo	1949
Zoo	1953
Wilhelma (Badenio-Virtembergo) DEC
Wilhelma (Germanio) DEC
Wilhelma
Vikimedia Komunejo:  Wilhelma Zoo [+]
En TTT: Oficiala retejo [+]
v • d • r

Enireja paviljono de Wilhelma

Manĝigo de la otarioj (marleonoj)

La zoologia-botanika ĝardeno Wilhelma troviĝas en historiisma kastelparko samnoma, el la jaro 1846, en la urboparto Bad Cannstatt, kiun oni transformis kaj kompletigis por la bezonoj de la zoo kaj botanika ĝardeno. La ideon, uzi la historian parkon por zoo, iniciatis la stutgarta ĝardenisto kaj aŭtoro Albert Schöchle, kiu ankaŭ iniciatis la ĝardenon Blühendes Barock (Floranta baroko) en Ludwigsburg kaj fariĝis la unua direktoro de la zoo.

Wilhelma montras sur proksimume 30 hektaroj ĉirkaŭ 8.900 bestojn el la tuta mondo kaj kun siaj preskaŭ 1.100 specioj ĝi estas la dua plej speciriĉa zoo de Germanujo, post la Zoologia ĝardeno de Berlino. Krome Wilhelma prezentas ĉirkaŭ 5.800 plantospeciojn el ĉiuj klimatozonoj de la Tero.

Pli ol du milionoj da gastoj jare vizitas la zoologia-botanikan ĝardenon Wilhelma^[1] kaj en la jaro 2010 Wilhelma estis la dua plej populara vizitindaĵo de Baden-Virtembergo^[2].

• 
  Wilhelma en "maŭra" stilo, ĉ. 1900
• 
  La granda verda domo de Wilhelma
• 
  Amorphophallus titanum en Wilhelma

Referencoj

1. Laŭ ties statistiko por la jaro 2007.
2. Laŭ statistiko de la regiona radio/televid-stacio SWR.

Eksteraj ligiloj

• Kategorio Wilhelma en la Vikimedia Komunejo (Multrimedaj datumoj)

• paĝaro de la zoo Wilhelma
  kun specifaj informoj (ĉiuj en la germana) pri
  • Novaĵoj pri blanka urso Wilbär (* 10.dec.2007)^{[rompita ligilo]}
  • La fama gorilo-familio Arkivigite je 2008-10-21 per la retarkivo Wayback Machine
  • Apartaj lernprogramoj por lernejoj Arkivigite je 2008-11-09 per la retarkivo Wayback Machine
  • SWR: la plej popularaj vizitindaĵoj de Baden-Virtembergo Arkivigite je 2011-10-19 per la retarkivo Wayback Machine
• Wilhelma en la datumbenko Zoo-Infos.de
• Fotogalerio de vizito en Wilhelma

PeEnEo: 265280 GND: 1136427775 LCCN: n88016780 VIAF: 152545483 240754287, 152545483 ISNI: 0000000106731988