ĉeĥa instruisto kaj Esperantisto From Wikipedia, the free encyclopedia
Valentin BÍLÍK (naskiĝis la 10-an de februaro 1879 en Lužice, mortis la 22-an de junio 1906 en Ladná) estis ĉeĥa pioniro de Esperanto, kiu kune kun Theodor Čejka kaj Jan Holub iniciatis la ĉeĥan Esperanto-movadon per eldono de lernolibro de Esperanto.
Valentin Bílík | |
---|---|
Persona informo | |
Naskiĝo | 10-a de februaro 1879 en Lužice |
Morto | 22-a de junio 1906 en Ladná |
Lingvoj | Esperanto • ĉeĥa |
Loĝloko | Znorovy, Ladná |
Nacieco | ĉeĥo |
Okupo | |
Okupo | esperantisto instruisto ![]() |
Esperanto | |
Verkis en Esperanto | lernolibro por ĉeĥoj (kun Theodor Čejka kaj Jan Holub) |
Aliaj aktivaĵoj | instruisto |
Esperantisto numero | 5071 |
Tre verŝajne li naskiĝis la 10-an de februaro 1879 en Lužice, laŭ paroĥlibro enskribo pri naskiĝo de "Valentin Bilik",[1] pro rareco de tiu persona nomo kaj ĉar la familinoma ortografio Bílík (kontraste al Bilik, Bilík) estas malofta kaj retroveblas nur en kelkaj vilaĝoj.
Li kaj liaj kolegoj Čejka kaj Holub, kiuj ambaŭ naskiĝis en 1878, estis en la momento de publikiĝo de la lernolibro ĉiuj junaj freŝaj instruistoj.
Kiam en 1900 aperis la unua lernolibro de Theodor Čejka, Valentin Bílík estis ankoraŭ instruisto en Vnorovy (tiam Znorovy). Sed jam inter la abonantoj de Lingvo Internacia en 1901 li estas registrita kiel instruisto en Ladná (tiam Lanštorf), vilaĝo proksima al Podivín kaj Břeclav.
Valentin Bílík mortis vendrede la 22-an de junio 1906 dum banado en la rivero Dyje apud Ladná, supozeble pro atako de kramfo. En la momento de la morto li estis instruisto de la 3-a klaso. Kiel unuan plenkreskulon oni entombigis lin en la nove pligrandigita vilaĝa tombejo.[2][3]
Skribante nekrologon pri Jan Holub en 1951, Theodor Čejka menciis, ke ili ĉiuj tri estis junaj instruistoj, sed bedaŭrinde Valentin Bílík baldaŭ mortis kaj pri ĉio sekva devis zorgi nur Čejka kun Holub.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.